ແສງອາລຸນ ມອບໂຕະ ແລະຕັ່ງໃຫ້ໂຮງຮຽນປະຖົມບ້ານໂຊກອຳນວຍ

  ໂຮງຮຽນປະຖົມສົມບູນແສງອາລຸນແມ່ນໂຮງຮຽນພາກເອກະຊົນໄດ້ມອບອຸປະກອນຮັບໃຊ້ການຮຽນໂຕະ ແລະຕັ່ງນັ່ງໄມ້ຈໍານວນ 39 ຊຸດ ມີມູນຄ່າ 10 ລ້ານກວ່າກີບ ແກ່ໂຮງຮຽນພາກລັດປະຖົມສົມບູນບ້ານໂຊກອໍານວຍ ນະຄອນປາກເຊ ແຂວງຈໍາປາສັກ ໃຫ້ນ້ອງໆນັກຮຽນໄດ້ມີບ່ອນນັ່ງຮຽນໜັງສືຢ່າງພຽງພໍເມື່ອທ້າຍອາທິດທີ່ຜ່ານມາທ່ານ ນາງ ປັນຈາລາ ທອງມະນີລາ ຜູ້ອໍານວຍການໂຮງຮຽນປະຖົມສົມບູນແສງອາລຸນ ນະຄອນປາກເຊ ແຂວງຈໍາປາສັກ,ໄດ້ປະກອບສ່ວນເຄື່ອງເຟິນິເຈີເປັນປະເພດ ໂຕະ, ຕັ່ງນັກຮຽນບ່ອນຂຽວໜັງສືຂອງນັກຮຽນຈໍານວນ 39 ຊຸດ,ລວມມູນຄ່າ 10 ກວ່າລ້ານກີບ ເພື່ອນໍາໄປມອບໃຫ້ແກ່ໂຮງຮຽນພາກລັດໂຮງຮຽນປະຖົມສົມບູນບ້ານໂຊກອໍານວຍ ນະຄອນປາກເຊ ແຂວງຈໍາປາສັກ, ທີ່ຍັງຂາດເຂີນບ່ອນນັ່ງໃຫ້ໄດ້ນັ່ງຮຽນໜັງສືຢ່າງພຽງພໍບໍ່ຕ້ອງໄດ້ນັ່ງຫລາຍຄົນໃນຕັ່ງດຽວກັນ ແລະ ເພື່ອຮັກສາໄລຍະຫ່າງເພື່ອຕີຕ້ານ ແລະປ້ອງກັນໂລກລະບາດໂຄວິດ-19 ທີ່ຈະຄຶບຄານເຂົ້າມາສູ່ຮ່າງກາຍຂອງນັກຮຽນ, ພ້ອມກັນນັ້ນກໍ່ເປັນການຊ່ວຍເຫຼືອແບ່ງເບົາໃຫ້ແກ່ພາກລັດທີ່ຈະຊອກຫາງົບປະມານມາຊື້ໂຕະ ແລະຕັ່ງໃຫ້ແກ່ໂຮງຮຽນ.
  ໃນພິທີທ່ານ ນາງ ບັນດາຈິດ ຄໍາວົງສາ ຜູ້ອໍານວຍການໂຮງຮຽນປະຖົມສົມບູນບ້ານໂຊກອໍານວຍໄດ້ກ່າວສະແດງຄວາມຂອບໃຈຢ່າງສູງຕໍ່ຜູ້ອໍານວຍການໂຮງຮຽນປະ ຖົມສົມບູນແສງອາລຸນທີ່ມີນໍ້າໃຈປະກອບສ່ວນອຸປະກອນດັ່ງກ່າວ, ຊຶ່ງມັນມີຄວາມສໍາຄັນຫຼາຍສໍາລັບໂຮງຮຽນກໍ່ຄືນ້ອງນ້ອຍເຍົາວະຊົນທີ່ກໍາລັງມີຄວາມຮຽກຮ້ອງຕ້ອງ ການບ່ອນນັ່ງຮຽນໜັງສືໃນປະຈຸບັນ.

_______________

ຂ່າວ: ໂພທິຣາຊ. ໜັງສືພິມເສດຖະກິດ-ສັງຄົມ

 

แชร์