ອາເມລິກາກຽມອອກຈາກອົງການອະນາໄມໂລກປີໜ້າ

ລັດຖະບານອາເມລິກາ ສົ່ງໜັງສືເຖິງສະຫະປະຊາຊາດ (ສປຊ) ແຈ້ງການລາອອກຈາກ ອົງການອະນາໄມໂລກ ຊຶ່ງຈະມີຜົນຢ່າງເປັນທາງການໃນເດືອນກໍລະກົດປີ 2021.

  ຕາມຂ່າວຕ່າງປະເທດລາຍ ງານໃນວັນທີ 7 ກໍລະກົດທີ່ຜ່ານມາວ່າ ກະຊວງຕ່າງປະເທດອາເມລິກາອອກຖະແຫຼງການວ່າ ທ່ານ ໂດນັລ ທຣຳ ຜູ້ນໍາອາເມລິກາລົງ ນາມໃນໜັງສືທີ່ສົ່ງເຖິງທ່ານ ອັນ ໂຕນິໂອ ກູເຕເຣສ ເລຂາທິການ (ສປຊ) ແຈ້ງການນໍາອາເມລິກາ ອອກຈາກການເປັນສະມາຊິກຂອງ ອົງການອະນາໄມໂລກ ໂດຍຈະມີຜົນຢ່າງເປັນທາງການໃນອີກ 1 ປີນັບຈາກນີ້ຄືວັນທີ 6 ກໍລະກົດ ປີ 2021 ຢ່າງໃດກໍຕາມ ລະຫວ່າງ ນີ້ລັດຖະບານອາເມລິກາຈະຍັງ ເດີນໜ້າຊຸກຍູ້ໃຫ້ມີການປະຕິຮູບ ອົງການອະນາໄມໂລກຢ່າງມີປະສິດທິພາບ, ຂະນະຜູ້ນໍາອາເມລິກາຢືນຢັນວ່າ ເປັນໄປຢ່າງລະອຽດຖີ່ຖ້ວນແລ້ວ ແລະຕອນນີ້ມີຄວາມ ເຊື່ອໝັ້ນວ່າອົງການອະນາໄມໂລກຈະສາມາດປ່ຽນແປງຕົວເອງ ໃຫ້ດີຂຶ້ນດ້ານ ສປຊ ຢືນຢັນໄດ້ຮັບຈົດໝາຍຈາກອາເມລິກາ ແລະ ເຂົ້າສູ່ຂະບວນການພິຈາກລະນາ.

ປະຈຸບັນອາເມລິກາເປັນຜູ້ບໍລິຈາກລາຍໃຫຍ່ທີ່ສຸດຂອງອົງການອະນາໄມໂລກດ້ວຍເງິນສະເລ່ຍ ປີລະຫຼາຍກວ່າ 450 ລ້ານໂດ ລາສະຫະລັດ ແຕ່ໄລຍະຫຼັງນີ້ຍັງຄ້າງຊໍາລະອີກ 200 ລ້ານໂດລາ.

--------

ໜັງສືພິມເສດຖະກິດ-ສັງຄົມ

แชร์