ຮະເຢຣິມ ເຂົ້າພິທີແຕ່ງດອງກັບແຟນໜຸ່ມນັກກີລາແລ້ວ

  ກ່ອນອື່ນຕ້ອງສະແດງຄວາມຍິນດີກັບຄູ່ສາມີພັນລະຍາ ປ້າຍແດງເດີ້,ສຳລັບສາວຮະເຢຣິມ ໄອດໍ້ສາວແຫ່ງວົງ Girl Group ໃນຕຳນານໜຶ່ງໃນສະມາຊິກວົງ Wonder Girls ຊື່ດັງຂອງ ສ.ເກົາ ຫຼີ ໄດ້ຈັດພິທີແຕ່ງດອງກັບແຟນ ໜຸ່ມນັກກີລາເທຄອນໂດ ທີ່ມີຊື່ວ່າ ໜຸ່ມຊິນມິນຊອນ ທັງ 2 ໄດ້ຕັດສິນ ໃຈໃຊ້ຊີວິດຮ່ວມກັນເປັນທີ່ຮຽບຮ້ອຍແລ້ວໃນວັນທີ 5 ກໍລະກົດ 2020 ທີ່ຜ່ານມາ, ເນື່ອງຈາກການຈັດງານພິທີແຕ່ງດອງຍັງຢູ່ໃນໄລ ຍະສະຖານະການໂຄວິດ-19 ເຮັດ ໃຫ້ພິທີດັ່ງກ່າວຈັດຢ່າງເປັນສ່ວນ ຕົວໃນນະຄອນຫຼວງເຊອູນ ໂດຍມີ ພຽງຄອບຄົວຍາດຕິພີ່ນ້ອງເພື່ອນໃນສະມາຊິກວົງ Wonder Girls ແລະຄົນສະນິດມາຮ່ວມງານເທົ່າ ນັ້ນ.

 ບັນຍາກາດພາຍໃນງານເຕັມໄປດ້ວຍຄວາມມ່ວນຊື່ນ ແລະມີຄວາມສຸກເວົ້າໄດ້ວ່າເປັນຄູ່ຮັກທີ່ໜ້າອິດສາສຸດໂດຍສະເພາະຮູບພາບຂອງທັງສອງທີ່ຖ່າຍອອກມາດ້ວຍຮອຍຍິ້ມເຫັນແລ້ວຟິນສຸດ ງານນີ້ແຟນຄລັບກໍສະແດງຄວາມຍິນດີກັນຢ່າງຫຼວງຫຼາຍກັບທັງສອງ, ດັ່ງທີ່ມີຂ່າວຕົ້ນປີທີ່ຜ່ານມາວ່າສາວຮະເຢຣິມໄດ້ເປີດເຜີຍວ່າຕົນໄດ້ຄົບຫາເບິ່ງໃຈກັບແຟນ ໜຸ່ມນັກກີລາເທຄັອນໂດ ຊິນມິນ ຊອລ ມາຕັ້ງແຕ່ປີ 2013 ຈົນມາ ຮອດປະຈຸບັນກໍ 7 ປີແລ້ວ, ທັງສອງກໍໄດ້ຜ່ານເຫດການ ແລະຢູ່ຄຽງຂ້າງກັນມາຕະຫຼອດໝັ່ນເຕີມຄວາມຮັກ, ຄວາມຮັກທີ່ດີ ຄືຄວາມເຂົ້າໃຈ ແລະ ທັງສອງຕ່າງກໍປັບເຂົ້າຫາກັນພ້ອມໃຊ້ຄວາມເຂົ້າໃຈເປັນຫຼັກ,ໃນຕອນທີ່ເຂົ້າຮ່ວມລາຍການ Don’t Be Jealous ທາງຊ່ອງ MBC ຊຶ່ງເປີດເຜີຍເລື່ອງລາວຄວາມຮັກອັນແສນຫວານ ແລະ ຄົບຫາເບິ່ງໃຈກັນມາຫຼາຍປີໃຫ້ເວລາພິສູດກ່ອນຈະຕັດສິນໃຈປະກາດແຕ່ງດອງ.

------

ຮຽບຮຽງໂດຍ: ແກ້ວ

แชร์