ໂອນໍເພລ 4 ໂປຣຈະມີເຊນເຊີອິນຟຣາເຣດ ສຳລັບແທກອຸນຫະພູມ

 ໄລຍະນີ້ເວລາເຮົາໄປໃສກໍມັກຈະເຫັນປືນແທກອຸນຫະພູມຖືກ ໃຊ້ງານໃນທຸກໆບ່ອນກໍຄາດວ່າຈະກາຍເປັນ New Normal ໄປ ອີກດົນແຕ່ບໍ່ພຽງແຕ່ປືນເທົ່ານັ້ນ Honor ໄດ້ຢືນຢັນວ່າສະມາດໂຟນ ລຸ້ນໃໝ່ກໍຈະມີຄວາມສາມາດໃນການວັດແທກອຸນຫະພູມເໝືອນກັນ.

   Wei Xiaolong ຜູ້ຈັດການ ຝ່າຍຜະລິດຕະພັນຂອງ Honor ແບຣນລູກຂອງ Huawei ໄດ້ຢືນ ຢັນຢ່າງເປັນທາງການວ່າສະມາດໂຟນລຸ້ນໃໝ່ຄື Honor Play 4  Pro ຈະຕອບຮັບໄລຟສະໄຕລໃໝ່ ຂອງຄົນໝົດໂລກດ້ວຍການມີເຊນ ເຊີອິນຟຣາເຣດສຳລັບວັດແທກອຸນ ຫະພູມພ້ອມກັບມີວິດີໂອສາທິດ ການໃຊ້ງານອອກມາໃຫ້ຊົມກັນ Honor ໃຫ້ຂໍ້ມູນວ່າເຊນເຊີອິນ ຟຣາເຣດ ຫຼື IR ນັ້ນຮອງຮັບການວັດແທກອຸນຫະພູມທັງບົນສິ່ງຂອງສັດ ແລະຄົນພຽງແຕ່ນຳເອົາສະມາດໂຟນໄປໃກ້ໆກັບບຸກຄົນ ຫຼື ວັດຖຸເທົ່ານັ້ນ ໂດຍໃນຄລິປໄດ້ທົດສອບ ກັບແມວ ແລະກະແລມດ້ວຍນັບ ວ່າເປັນຄຸນສົມບັດທີ່ສຳຄັນແທ້ໆ ສຳລັບການແຜ່ລະບາດຂອງໂຄ ວິດ-19 ໃນເວລານີ້.

 ທັງນີ້ຍັງບໍ່ຮູ້ຊັດເຈນວ່າຄຸນສົມ ບັດການວັດແທກອຸນຫະພູມນັ້ນຈະມີໃຫ້ໃຊ້ງານໃນສະມາດໂຟນ Honor Play 4 ທຸກລຸ້ນເລີຍ ຫຼື ບໍ່ ຫຼື ມີໃຫ້ໃຊ້ງານສະເພາະລຸ້ນ Pro ເທົ່ານັ້ນຕ້ອງລໍຖ້າເບິ່ງຕອນເປີດ ໂຕຕື່ມອີກ.

--------

ໜັງສືພິມເສດຖະກິດ-ສັງຄົມ

แชร์