ນັກຮຽນອາສາສະໝັກ ມ.ປາຍ ພັນຫຼວງ ຝຶກອົບຮົມປະຖົມພະຍາບານຂັ້ນຕົ້ນ

 ເພື່ອເປັນການປູກຈິດສຳນຶກໃຫ້ນັກຮຽນນັກສຶກສາ, ຮູ້ຈັກໃຫ້ການຊ່ວຍສັງຄົມກໍ່ຄືບຸກຄົມອ້ອມຂ້າງໃນເວລາມີເຫດການສຸກ ເສີນ, ເຈັບເປັນກະທັນຫັນ ແລະ ເຫດການອື່ນໆ ທີ່ເຮົາສາມາດປະຖົມພະຍາບານຂັ້ນຕົ້ນໄດ້ທາງອົງການກາແດງລາວແຂວງຫຼວງພະບາງ ໄດ້ຈັດຊຸດອົບຮົມປະຖົມພະຍານບານຂັ້ນຕົ້ນຂຶ້ນໃນລະຫວ່າງ ວັນທີ 3-4 ກໍລະກົດ 2020 ນີ້ທີ່ຫ້ອງປະຊຸມອົງການກາແດງ ແຂວງຫຼວງພະບາງ, ໂດຍການ ເຂົ້າຮ່ວມຂອງທ່ານ ດຣ ວຽງສະຫວັນ ກະເສີມສຸກ ຫົວໜ້າອົງການກາແດງແຂວງ, ມີຄູຝຶກ ແລະນັກ ຮຽນທີ່ເປັນອາສາສະໝັກມາຈາກ ມ.ປາຍພັນຫຼວງ ນະຄອນຫຼວງພະບາງ ຈຳນວນ 20 ນ້ອງ, ຍິງ 10 ນ້ອງເຂົ້າຮ່ວມ.

 ທ່ານ ດຣ ວຽງສະຫວັນ ກະເສີມສຸກ ຫົວໜ້າອົງການກາແດງ ແຂວງກ່າວວ່າ: ຊຸດອົບຮົມຄັ້ງນີ້  ບັນດາອາສາສະໝັກແມ່ນຈະໄດ້ຮຽນຮູ້ກ່ຽວກັບວຽກງານກາແດງ,ຄວາມຮູ້ກ່ຽວກັບການປະຖົມປະ ຍາບານເປັນຕົ້ນແມ່ນກາຍຍະວິ ພາກສາດ ແລະຊີວະວິທະຍາ, ຫຼັກການປະຖົມພະຍາບານ, ບາດແຜ ແລະການລ້າງແຜ, ການໃຊ້ຜ້າພັນ ບາດແຜ ແລະການຫ້າມເລືອດ, ການບາດເຈັບຂອງຂໍ້, ກະດູກ, ການເຄື່ອນຍ້າຍຜູ້ບາດເຈັບ, ການສະໝັກສິ່ງແປກປອມອັດຕັນຫຼອດລົມ, ການຈົມນໍ້າ, ການປະຕິບັດ ການຊ່ວຍຊີວິດຂັ້ນພື້ນຖານ, ພະວະການເຈັບເປັນສຸກເສີນ, ສານ ພິດ ແລະພິດ ຈາກສັດ, ພາຍຫຼັງ ຮຽນທິດສະດີສຳເລັດນັກຮຽນອາສາສະໝັກຍັງໄດ້ທົດລອງປະຕິບັດຕົວຈິງຕື່ມອີກ.

 ຫຼັງຈາກທີ່ໄດ້ຜ່ານການຝຶກອົບຮົມຄັ້ງນີ້ເຊື່ອວ່ານັກຮຽນທີ່ໄດ້ເຂົ້າຮ່ວມຈະໄດ້ນຳເອົາບົດຮຽນທີ່ໄດ້ຮຽນມານໍາໄປຊ່ວຍເຫຼືອໝູ່ເພື່ອນຢູ່ໃນໂຮງຮຽນກໍ່ຄືສັງຄົມເມື່ອເວລາພົບເຫັນເຫດການສຸກເສີນຕາມສະຖານທີ່ຕ່າງໆໃຫ້ຖືກວິທີ ແລະສາມາດຊ່ວຍກອບກູ້ເອົາຊີວິດຄົນເຈັບຂັ້ນພື້ນຖານໄດ້ເບື້ອງຕົ້ນ.

------

ໂດຍ: ສີສຸວັນ

แชร์