ຄູຝຶກຫຼວງພະບາງ ສຳເລັດການຍົກລະດັບ ການນຳໃຊ້ຫຼັກສູດໃໝ່

  ຄູຝຶກຂັ້ນແຂວງຫຼວງພະບາງໄດ້ສຳເລັດການຍົກລະດັບ ການນຳໃຊ້ຫຼັກສູດໃໝ່ຊັ້ນປະຖົມສຶກສາປີທີ 2 ພາຍຫຼັງທີ່ໄດ້ດຳ ເນີນມາແຕ່ວັນທີ 22-28 ມິຖຸນາ 2020 ຜ່ານມາທີ່ວິທະຍາໄລຄູ ຫຼວງພະບາງ ແຂວງຫຼວງພະບາງ ໂດຍການເປັນປະທານຮ່ວມຂອງ ທ່ານ ນາງ ບົວທອງ ຕັນແສນສີ ຮອງຫົວໜ້າພະແນກສຶກສາທິການ ແລະກີລາແຂວງຫຼວງພະບາງ, ທ່ານ ສອນເພັດ ສີສະອາດ ຮອງຜູ້ອຳນວຍການວິທະຍາໄລຄູຫຼວງພະບາງ, ມີຄູຝຶກຫຼັກແຫຼ່ງຈາກກະຊວງສຶກສາທິການ ແລະກີລາ, ສະຖາບັນຄົ້ນຄວ້າວິທະຍາສາດ, ວິທະຍາໄລຄູຫຼວງນໍ້າທາ, ພ້ອມ ດ້ວຍວິທະຍາກອນ, ສຳມະນາ ກອນຈາກ 11 ເມືອງ ແລະ1ນະ ຄອນຫຼວງພະບາງເຂົ້າຮ່ວມ.

 ຕະຫຼອດໄລຍະກອງປະຊຸມສຳມະນາກອນໄດ້ແຕ່ລະພາກສ່ວນໄດ້ຮຽນຮູ້ທັງພາກທິດສະດີ ແລະພາກປະຕິບັດສອນທົດລອງຕົວຈິງໃນນີ້ສຳມະນາກອນໄດ້ຮຽນຮູ້ການນຳໃຊ້ຫຼັກສູດໃໝ່ຊັ້ນປະຖົມສຶກສາປີ ທີ 2 ໂດຍປະກອບມີວິຊາພາສາລາວ, ວິທະຍາສາດ ແລະສິ່ງແວດລ້ອມ, ຫັດຖະກຳ-ສິລະປະກຳ, ສິລະປະດົນຕີ, ພາລະສຶກສາ ແລະ ຄຸນສົມບັດສຶກສາພ້ອມກັນນັ້ນໄດ້ເນັ້ນໃສ່ການປະຕິບັດກິດຈະກຳປະຕິບັດຕົວຈິງໂດຍການປະເມີນກ່ອນການອົບຮົມ,ກິດຈະກຳທີ່ສະທ້ອນຄືນການຝຶກອົບຮົມຄູສອນຜ່ານມາ, ການວາງແຜນສຳສັບການສອນ ທົດລອງ, ເຕັກນິກການສອນ, ການສອນ ໂດຍການໃຊ້ປື້ມນິທານ ແລະປື້ມອ່ານເສີມ, ການສອນຫ້ອງ ຄວບ,ວິທີການສຳລັບຄູເພື່ອພັດທະນາຕົນເອງ, ວິທີການສະແກນ ຄິວອາໂຄດກ່ຽວກັບວິທີການສອນ ວິຊາຕ່າງໆ, ການແນະນຳເອກະສານການຮຽນຮ່ວມ ແລະການ ແນະນຳເອກະສານການປ້ອງກັນພະຍາດໂຄວິດ-19, ສໍາລັບການຈັດກອງປະຊຸມຄັ້ງນີ້ກໍ່ເພື່ອໃຫ້ຄູ ຝຶກປະຈໍາແຂວງຫຼວງພະບາງ ໄດ້ ຮຽນຮູ້ ແລະເຂົ້າໃຈກຳໄດ້ໂຄງ ສ້າງ, ເນື້ອໃນກ່ຽວກັບການນໍາໃຊ້ ຫຼັກສູດສະບັບປັບປຸງໃໝ່ຊັ້ນປະຖົມສຶກສາປີທີ 2 ພ້ອມທັງແນໃສ່ ໃຫ້ຄູຝຶກນຳເອົາບົດຮຽນຄັ້ງນີ້ປະຈັດຕັ້ງຜັນຂະຫຍາຍຝຶກໃຫ້ຄູສອນປະຈຳການຊັ້ນປະຖົມສຶກສາປີທີ 2  ແລະສາມາດນິເທດໄດ້.

 ໂອກາດດັ່ງກ່າວ, ທ່ານ ນາງ ບົວທອງ ຕັນແສນແສງ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດ, ວິທະຍາກອນ,ສຳມະນາກອນທຸກພາກສ່ວນທີ່ໄດ້ ເອົາໃຈໃສ່ດ້ວຍຄວາມຮັບຜິດຊອບ ສູງສາມາດເຮັດໃຫ້ກອງປະຊຸມມີ ຜົນສໍາເລັດອັນສະຫງ່າງາມພ້ອມດຽວກັນນີ້ທ່ານໄດ້ຮຽກຮ້ອງມາຍັງຄູຝຶກປະຈຳແຂວງຈົ່ງໄດ້ເພີ່ມທະວີຄວາມເປັນເຈົ້າການໃນການ ສືບຕໍ່ນຳເອົາເນື້ອໃນຈິດໃຈຂອງ ກອງປະຊຸມຄັ້ງນີ້ກໍ່ຄືຄວາມຮູ້ ຄວາມສາມາດທີ່ໄດ້ຮັບຈາກການຝຶກໄປຈັດຕັ້ງຜັນຂະຫຍາຍຢູ່ໃນ ຂົງເຂດ, ທ້ອງຖິ່ນຂອງຕົນໃຫ້ໄດ້ ມີຜົນດີມີຄຸນນະພາບດີຂຶ້ນເປັນ ກ້າວໆ.

--------

ໜັງສືພິມເສດຖະກິດ-ສັງຄົມ

แชร์