ອົດສະຕຣາລີ ປະກາດປິດຊາຍແດນ 2 ລັດໃນຮອບ100 ປີ ເພື່ອຄວບຄຸມການແຜ່ລະບາດຂອງພະຍາດໂຄວິດ-19 ທີ່ເພີ່ມຂຶ້ນໃນແຕ່ລະວັນຫຼາຍກວ່າ 120 ຄົນ ແລະຫຼ້າສຸດມີຜູ້ເສຍຊີວິດເພີ່ມ.

   ຕາມຂ່າວຕ່າງປະເທດລາຍງານວ່າອົດສະຕຣາລີປະກາດກຽມປິດຊາຍແດນລະຫວ່າງລັດນີວເຊົາເວລ ແລະລັດວິກຕໍເຣຍຊຶ່ງທັງສອງລັດມີປະຊາກອນຫຼາຍເປັນອັນດັບໜຶ່ງ ແລະອັດດັບສອງຂອງອົດສະຕຣາລີຫຼັງເກີດການແຜ່ລະບາດເຊື້ອພະຍາດໂຄວິດ-19 ຢ່າງຮຸນແຮງໃນລັດວິກຕໍເຣຍໂດຍຄຳສັ່ງດັ່ງກ່າວຈະມີຜົນໃນວັນທີ 7 ກໍລະ ກົດນີ້ເປັນຄັ້ງທຳອິດໃນຮອບ 100 ປີຜ່ານມາ ແລະຈະປິດແບບບໍ່ມີກຳນົດເນື່ອງຈາກລັດວິຕໍເຣຍຢູ່ທາງຕາເວັນອອກສຽງໃຕ້ຂອງປະເທດຊາຍແດນທາງເໜືອຕິດກັບລັດນີວເຊົາເວລຊາຍແດນທາງຕາເວັນຕົກຕິດກັບລັດເຊົາອົດສະຕຣາລີພົບຜູ້ຕິດເຊື້ອໂຄວິດ-19 ລາຍໃໝ່ 127 ຄົນ ເມື່ອຄືນຜ່ານມາຫຼາຍທີ່ສຸດໃນວັນດຽວນັບຕັ້ງແຕ່ພົບການລະບາດໃນປະເທດ ແລະມີຜູ້ເສຍຊີວິດ 1 ຄົນ ເປັນລາຍທຳອິດຂອງປະເທດໃນຮອບກວ່າ 2 ອາທິດຜ່າມາ.

   ຢ່າງໃດກໍຕາມການປິດຊາຍແດນລະຫວ່າງລັດນີວເຊົາເວລ ແລະລັດວິກຕໍເຣຍໄດ້ເຄີຍປິດຊາຍແດນລະຫວ່າງກັນຄັ້ງຫຼ້າສຸດໃນປີ 1919 ເນື່ອງຈາກເກີດການແຜ່ລະ ບາດຂອງໄຂ້ຫວັດໃຫຍ່ແອັດສະປາຍຂະນະເກີດສົງຄາມໂລກຄັ້ງທີ 1.

แชร์