ຄະນະຊີ້ນຳຫາລືໂຄງການສົ່ງເສີມກະສິກຳ ເຂດພູພຽງນາກາຍ

   ກອງປະຊຸມຄະນະຊີ້ນຳໂຄງການສົ່ງກະສິກຳ, ລ້ຽງສັດ ແລະການປະມົງເຂດພູພຽງນາກາຍ ແຂວງຄຳມ່ວນ ໄດ້ຈັດຂຶ້ນເມືອງບໍ່ດົນຜ່ານມານີ້ຫ້ອງວ່າການເມືອງໂດຍການເປັນປະທານຮ່ວມຂອງທ່ານ ບຸນຈັນ ໄຊປັນຍາ ຫົວໜ້າພະແນກກະສິກຳແລະປ່າໄມ້ແຂວງຄຳມ່ວນຜູ້ຊີ້ນຳໂຄງການເອັນຟີລາຟ໌ ( NP-LAF ) ຂັ້ນແຂວງທ່ານ ແສງແກ້ວ ພະຄຸນທອງ ຮອງເຈົ້າເມືອງໆນາກາຍຮອງຜູ້ຊີ້ນຳໂຄງການເອັນຟີລາຟ໌ ( NP-LAF ) ຂັ້ນເມືອງ ແລະເຂົ້າຮ່ວມມີທ່ານ ລີນທອງ ມາລາແກ້ວມະນີກຳມະ ການພັກເມືອງຫົວໜ້າຫ້ອງການກະສິກຳ ແລະປ່າໄມ້ເມືອງຮອງຜູ້ຊີ້ນຳໂຄງການເອັນຟີລາຟ໌ ( NP-LAF ) ຂັ້ນເມືອງ,ມີຄະນະຊີ້ນໍາໂຄງການ, ນາຍບ້ານ-ຮອງນາຍບ້ານ 16 ຄຸ້ມບ້ານ, ຕະຫຼອດຮອດພະນັກງານໂຄງການເອັນຟີລາຟ໌ ( NP-LAF ) ເຂົ້າຮ່ວມ.

  ທ່ານ ເຂັມທອງ ເທບພະກັນ ຫົວໜ້າຜູ້ບໍລິຫານໂຄງການຂຶ້ນລາຍງານຄວາມຄືບໜ້າໃນການຈັດຕັ້ງປະຕິບັດກິດຈະກຳຂອງໂຄງການ, ການໃຊ້ຈ່າຍງົບປະມານໂຄງ ການໃນປີ 2019– 2020 ແລະຂັ້ນຕອນວິທີການໃນການວາງແຜນວຽກ ແລະງົບປະມານປະຈໍາປີ 2020–2021, ແຂກທີ່ເຂົ້າຮ່ວມປະກອບຄຳຄິກເຫັນໃສ່ຮ່າງບົດລາຍງານ ແລະແຜນ 2020-2021 ເພື່ອໃຫ້ບົດລາຍງານສົມບູນຂຶ້ນ.

 ຈາກນັ້ນ ທ່ານ ບຸນຈັນ ໄຊປັນຍາ ຍັງໄດ້ໂອ້ລົມ ແລະໄດ້ແນະນຳບັນດາກິດຈະກຳໃນປີທີ 2 ແລະແຜນສຳລັບປີທີ 3 ມີ: ສະພາບລວມບັນດາກິດຈະກຳຂອງໂຄງການໃນໄລຍະຈັດຕັ້ງປະຕິບັດ, ກິດຈະກຳຂອງເອັນຟີລາຟ໌ ( NP-LAF ) ໃນ 16 ຄຸ້ມບ້ານ, ອົງປະກອບດິນ, ວຽກງານປູກຝັງ, ວຽກງານລ້ຽງສັດ, ອົງປະກອບຊົນລະປະ ທານ ແລະອົງປະກອບປະມົງ.

___________

ຂຽນໂດຍ:ວິພາກອນ - ໜັງສືພິມເສດຖະກິດ-ສັງຄົມ

แชร์