ໄມໂຄຣຊອຟຈະຫຼຸດພະນັກງານເຮັດຂ່າວເອັມເອສເອັນ ປ່ຽນມາໃຊ້ເອໄອແທນ

   Microsoft ຈະໃຊ້ AI ລະບົບການທຳງານອັດຕະໂນມັດເຂົ້າມາແທນທີ່ພະນັກງານສັນຍາຈ້າງຫຼາຍສິບຕຳແໜ່ງຈາກບໍລິສັດຈັດຫາພະນັກງານຕ່າງໆ ແລະຜູ້ຮັບເໝົາຜະລິດຂ່າວ.

  ຊຶ່ງເປັນຕຳແໜ່ງງານໃນອາເມລິກາປະມານ 50 ຕຳແໜ່ງ ແລະ ໃນອັງກິດ 27 ຕຳແໜ່ງທີ່ຈະໝົດສັນຍາໃນວັນທີ 30 ມິຖຸນາ ຫຼັງຈາກນັ້ນຈະໃຊ້ AI ເຂົ້າມາຜະລິດ ຂ່າວບົນ MSN ແທນທີ່ພະນັກ ງານຊຶ່ງມີໜ້າທີ່ໃນການເລືອກຂ່າວລຽບລຽງເນື້ອຫາ ໂດຍການຂຽນພາດຫົວຂ່າວໃໝ່ເພີ່ມຮູບພາບ ຫຼື ສະໄຕລປະກອບໃຫ້ດີຂຶ້ນສ່ວນພະນັກງານເຕັມເວລາຂອງ Micro soft ຈະຍັງຄົງເຮັດວຽກຢູ່ກັບບໍລິສັດຄືເກົ່າ Microsoft ກ່າວໃນຖະແຫຼງການວ່າບໍລິສັດໄດ້ປະເມີນຜົນທຸລະກິດເປັນປະຈຳເຊັ່ນດຽວກັບບໍລິສັດສ່ວນໃຫຍ່ ແລະສິ່ງນີ້ອາດມີຜົນຕໍ່ການພິຈາລະນາປັບພະນັກ ງານ ຊຶ່ງເປັນການຫຼຸດງານຂອງບໍລິສັດຈັດຫາງານ ຫຼື ຜູ້ຮັບເໝົາບໍ່ໄດ້ມີຜົນມາຈາກການແຜ່ລະບາດໃຫຍ່ຂອງໄວຣັດໃນປະຈຸບັນ.

  ການປັບມາໃຊ້ AI ໃນງານຂ່າວຂອງ Microsoft ຄັ້ງນີ້ຈະເປັນການທົດສອບເພື່ອຂະຫຍາຍການໃຊ້ AI ທີ່ເພີ່ມຫຼາຍຂຶ້ນເພາະຈະເປັນມາດຕາວັດໃນການປະຕິບັດງານຈິງສຳລັບການຫຼຸດຕົ້ນທຶນຊຶ່ງຈະໄດ້ຮູ້ວ່າງານໃດທີ່ພະນັກງານມະນຸດເຮັດໄດ້ດີກວ່າ ແລະງານໃດຄວນປ່ຽນມາໃຊ້ AI ແທນທີ່ເພື່ອຫຼຸດຕົ້ນທຶນໄດ້ເປັນຢ່າງດີ.

_____________

ໜັງສືພິມເສດຖະກິດ-ສັງຄົມ

แชร์