ຫາລືວຽກທ່ອງທ່ຽວຈຸດດອນຊາວ ເມືອງຕົ້ນເຜິ້ງ

  ເມື່ອອາທິດຜ່ານມານີ້ທີ່ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງບໍ່ແກ້ວ ໄດ້ມີກອງປະຊຸມປຶກສາຫາລືວຽກງານທ່ອງທ່ຽວຈຸດດອນຊາວເມືອງຕົ້ນເຜິ້ງ ແຂວງບໍ່ແກ້ວ ໂດຍການເປັນປະທານຂອງທ່ານ ສົມຄິດ ວົງປັນຍາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງ, ມີບັນດາແຂກຮັບເຊີນຈາກພະແນກຂະແໜງການທີ່ກ່ຽວຂ້ອງ ແລະພະນັກງານວິຊາການ, ຜູ້ປະກອບການເຂົ້າຮ່ວມ.

  ທ່ານ ບຸນສະຫວັດ ແກ້ວດວງຕາ ຫົວໜ້າຂະແໜງທ່ອງທ່ຽວໃຫ້ຮູ້ວ່າ: ຜ່ານການລົງສໍາຫຼວດຕົວຈິງແຫຼ່ງທ່ອງທ່ຽວດອນຊາວເມືອງຕົ້ນເຜິ້ງເຫັນວ່າສະຖານທີ່ທ່ອງ ທ່ຽວໄດ້ຮັບການປັບປຸງເປັນຕົ້ນແມ່ນສະຖານທີ່ຖະໜົນຫົນທາງ, ໄຟແສງສີ, ການປັບປຸງຈຸດພັກເຊົາຂອງນັກທ່ອງທ່ຽວ, ການປະດັບປະດາ, ເຮືອນຊົງລາວ,ການປັບປຸງເວທີກາງແຈ້ງ.

  ກອງປະຊຸມຍັງໄດ້ປຶກສາຫາລືການໃຊ້ຊື່ສະຖານທີ່ແຫຼ່ງທ່ອງທ່ຽວເປັນຕົ້ນແມ່ນຊື່ເສັ້ນທາງ, ຊື່ແຫຼ່ງທ່ອງທ່ຽວເພື່ອຊອກຫາທາງອອກປັບປຸງໃຫ້ສອດຄ່ອງຕາມລະບຽບກົດໝາຍທີ່ທາງກະຊວງ ຖວທ ວາງອອກ.

___________

ໜັງສືພິມເສດຖະກິດ-ສັງຄົມ

แชร์