ກອງຄຸ້ມຄອງພາສີ III ແຂວງໄຊຍະບູລີ ຍົກລະດັບການນໍາໃຊ້ ບ53 ເຂົ້າໃນການເກັບພາສີອາກອນ

  ກອງປະຊຸມເຜີຍແຜ່ ແລະເປີດການນໍາໃຊ້ລະບົບຄຸ້ມຄອງພາຫະນະນໍາທ່ຽວ, ຢ້ຽມຢາມ, ພາຫະນະຂົນສົ່ງສິນຄ້າດ້ວຍລະບົບເອເລັກໂຕຼນິກ ບ53 ຢູ່ແຂວງໄຊຍະບູລີ ກອງຄຸ້ມຄອງພາສີ III  ໄດ້ຈັດຂຶ້ນໃນວັນທີ 25 ມິຖຸນາ 2020 ທີ່ໂຮງແຮມພອນໄພລິນໃຫ້ກຽດເຂົ້າຮ່ວມມີ ທ່ານ ສໍາລານ ສຸວັນນະໂຊດ ຫົວໜ້າພະແນກການເງິນແຂວງ, ມີຫົວໜ້າ, ຮອງຫົວໜ້າກອງຄຸ້ມຄອງພາສີ, ຫົວໜ້າດ່ານ, ຮອງຫົວໜ້າດ່ານ, ຫົວໜ້າໜ່ວຍງານ ແລະຂະແໜງການທີ່ກ່ຽວຂ້ອງເຂົ້າຮ່ວມ.

  ໃນພິທີ ທ່ານ ສໍາລານ ສຸວັນນະໂຊດ ຫົວໜ້າພະແນກການເງິນແຂວງ ໃຫ້ຮູ້ວ່າ: ປະຈຸບັນວຽກງານການບໍລິການນໍາໃຊ້ລະບົບຄຸ້ມຄອງພາຫະນະນໍາທ່ຽວ, ຢ້ຽມຢາມ ແລະພາຫະນະຂົນສົ່ງສິນຄ້າດ້ວຍລະບົບເອເລັກໂຕຣນິກ ບ53 ມີຄວາມຈໍາເປັນຢ່າງຍິ່ງທີ່ຈະຕ້ອງໄດ້ປັບປຸງໃນຫຼາຍໆດ້ານຊຶ່ງໃນນັ້ນແມ່ນການຫັນເອົາວຽກງານການບໍລິການໄປສູ່ທັນສະໄໝເພື່ອກະກຽມຄວາມພ້ອມໃຫ້ແກ່ການເຊື່ອມໂຍງເຂົ້າພາກພື້ນ ແລະສາກົນຊຶ່ງເປັນການອໍານວຍຄວາມສະດວກໃນການເຂົ້າ-ອອກພາຫະນະນໍາທ່ຽວຢ້ຽມຢາມ ແລະຂົນສົ່ງສິນຄ້າເປັນການປະກອບສ່ວນອັນສໍາຄັນໃຫ້ແກ່ການພັດທະນາເສດຖະກິດ-ສັງຄົມຂອງປະເທດເຮົາ.

  ດັ່ງນັ້ນກົມພາສີໄດ້ຖືເອົາວຽກງານການນໍາໃຊ້ລະບົບຄຸ້ມຄອງພາຫະນະນໍາທ່ຽວ, ຢ້ຽມຢາມ ແລະພາຫະນະຂົນສົ່ງສິນຄ້າດ້ວຍລະບົບເອເລັກໂຕຼນິກ ບ53 ເປັນບູລິມະສິດສໍາຄັນໃນການພັດທະນາພາສີລາວໃຫ້ທັນສະໄໝຄຽງຄູ່ກັບການພັດທະນາບຸກຄະລາກອນກໍ່ຄືການພັດທະນາຜູ້ບໍລິການໃຫ້ມີຄວາມຮູ້ຄວາມສາມາດຮອບດ້ານເພື່ອຕອບສະໜອງໄດ້ຕາມຄວາມຮຽກຮ້ອງຕ້ອງການຂອງວຽກງານວິຊາສະເພາະໃນໄລຍະໃໝ່. ສະນັ້ນຮຽກຮ້ອງໃຫ້ບັນດາຜູ້ເຂົ້າຮ່ວມຈົ່ງໄດ້ສຸມສະຕິປັນຍາ,ເຫື່ອແຮງຂອງຕົນຄົ້ນຄວ້າຮໍ່າຮຽນເອົາບົດຮຽນໃນສິ່ງໃໝ່ໆເຊັ່ນ: ຄວາມຮູ້ກ່ຽວກັບລະບົບ ບ53 ການຄຸ້ມຄອງ ແລະການນໍາໃຊ້ລະບົບ ບ53, ການຊໍາລະຄ່າທໍານຽມ ບ53 ຜ່ານລະ ບົບ Easy pass ຈາກນັ້ນຍັງໄດ້ສາທິດການນໍາໃຊ້ຕົວຈິງຕື່ມອີກ.

____________

ໂດຍ: ບຸນທີ, ໜັງສືພິມເສດຖະກິດ-ສັງຄົມ

แชร์