ສະພາການຄ້າແຂວງສາລະວັນ ສະຫຼຸບວຽກ 6 ເດືອນຕົ້ນປີ

  ວັນທີ 30 ມິຖຸນາ 2020 ນີ້ສະພາການຄ້າ ແລະອຸດສາຫະກຳໄດ້ຈັດກອງປະຊຸມສະຫຼູບວຽກງານການຈັດຕັ້ງປະຕິບັດ 6 ເດືອນຕົ້ນປີ 2020 ແລະວາງທິດທາງ 6 ເດືອນທ້າຍປີ 2020 ທີ່ຫ້ອງປະຊຸມໂຮງແຮມໂພນໄຊໂດຍການເຂົ້າຮ່ວມເປັນຂອງທ່ານ ຄຳຜ່ານ ສີລະວີ ຫົວໜ້າພະແນກອຸດສາຫະກໍາ ແລະການຄ້າແຂວງສາລະວັນ ທ່ານ ນາງ ອິນແປງ ຊາມຸນຕີ ປະທານ ສະພາການຄ້າແຂວງສາລະວັນ, ມີບັນດາທ່ານຮອງປະທານ, ຄະນະບໍລິຫານງານ ແລະຫົົວໜ່ວຍທຸລະກິດ, ຜູ້ປະກອບການເຂົ້າຮ່ວມ.
  ທ່ານ ນາງ ອິນແປງ ຊາມຸນຕີ ປະທານສະພາການຄ້າແຂວງສາລະວັນໄດ້ຜ່ານບົດສະຫຼູບການຈັດຕັ້ງປະຕິບັດວຽກງານຂອງສະພາການໃນໄລຍະ 6 ເດືອນຜ່ານມາ ຊຶ່ງຍາດໄດ້ຜົນສຳເລັດຫຼາຍດ້ານສະພາການຄ້າ ແລະອຸດສາຫະກຳສະໄໝທີ IV ມີຄະນະບໍລິຫານງານທັງໝົດ 38 ສະຫາຍ, ຍິງ 8 ສະຫາຍ, ມີໂຄງປະກອບການ ຈັດຕັ້ງປະທານ 1 ທ່ານ, ຮອງປະທານ 6 ທ່ານ ແລະ ປະທານກກວດກາ 1 ທ່ານ, ພ້ອມທັງໄດ້ມີການແບ່ງງານ, ແບ່ງຄວາມຮັບຜິດຊອບ, ມີການເຄື່ອນໄຫວວຽກ ງານຈຸດສຸມຕົ້ນຕໍແມ່ນໄດ້ສຸມໃສ່ການສ້າງແຜນຜັດທະນາ, ແຜນການເຄື່ອນໄຫວ, ປັບປຸງຫ້ອງການ, ສະຖານທີ່ບ່ອນປະຈຳການຂອງສະພາການຄ້າ ແລະອຸດສາຫະ ກຳແຂວງຢ່າງມີຜົນສຳເລັດ, ສະພາການຄ້າ ແລະອຸດສາຫະກຳມີສະມາຊິກທັງໝົດ 28 ຫົວໜ່ວຍຄື: ຂະແໜງການຜະລິດມີ 11 ຫົວໜ່ວຍ, ຂະແໜງການຄ້າ 9 ຫົວໜ່ວຍ ແລະຂະແໜງບໍລິການ 8 ຫົວໜ່ວຍ, ການອອກໃບຢັ້ງຢືນແຫ່ງກຳເນີດສິນຄ້າ CO (ສິນຄ້າສົ່ງອອກທັງໝົດ) ປະຕິບັດໄດ້ 159 ຊຸດ, ມີມູນຄ່າການສົ່ງ ອອກປະຕິບັດໄດ້ 4 ລ້ານກວ່າໂດລາສະຫະລັດ, ສ່ວນໃຫຍ່ແມ່ນແປງມັນຕົ້ນ, ຖ່ານຂ່າວ, ເມັດຢາງ, ກາເຟ, ຜັກຫອມ ເຫືອດ, ໄມ້ ແລະຜະລິດຕະພັນໄມ້ໃນນັ້ນສົ່ງ ອອກໄປປະເທດຈີນປະຕິບັດໄດ້ 3 ລ້ານກວ່າໂດລາສະຫະລັດ, ສົ່ງໄປປະເທດ ສ.ເກົາຫຼີ ປະຕິບັດໄດ້ 3 ແສນກວ່າໂດລາສະຫະລັດ, ສົ່ງອອກໄປປະເທດຫວຽດນາມ ປະຕິບັດໄດ້ມູນຄ່າ 1 ລ້ານກວ່າໂດລາສະຫະລັດ, ສົ່ງອອກໄປປະເທດຍີ່ປຸ່ນປະຕິບັດໄດ້ 54 ພັນກວ່າໂດລາສະຫະລັດ ແລະ ສົ່ງອອກໄປປະເທດເອຢີບປະຕິບັດໄດ້ 21 ພັນກ່ວາໂດລາສະຫະລັດ, ສາມາດປະຕິບັດລາຍຮັບໄດ້ທັງໝົດ 457 ລ້ານກວ່າກີບ ແລະເງິນບາດ 17 ພັນບາດ ແລະດ້ານລາຍຈ່າຍປະຕິບັດໄດ້ 447 ລ້ານກວ່າກີບ, ນອກຈາກນັ້ນກໍ່ຍັງໄດ້ເອົາໃຈໃສ່ວຽກງານການປະສານຮ່ວມມື,ສົມທົບກັບພາກສ່ວນຕ່າງທທີ່ກ່ຽວຂ້ອງເພື່ອປຶກສາຫາລືແກ້ໄຂວຽກງານຕາມພະລາບົດບາດໂດຍສະເພາະກໍ່ແມ່ນການແກ້ໄຂສົ່ງອອກທຸລະກິດພາຍໃນແຂວງທິດທາງ 6 ເດຶອນທ້າຍປີສູ້ຊົນປຸກລະດົມທຸກຫົວໜ່ວຍທຸລະກິດໃຫ້ເຂົ້າເປັນສະມາຊິກຂອງສະພາການຄ້າ ແລະ ອຸດ ສະຫະກຳໃຫ້ໄດ້ 10% ແລະສູ້ຊົນປຸກລະ ດົມສ້າງຕັ້ງສະພາການຄ້າ ແລະອຸດສະ ຫະກຳໃນ 3 ເມືອງຊາຍແດນໃຫ້ສຳ ເລັດໃນປີ 2020 ເປັນຕົ້ນກໍ່ແມ່ນເມືອງລະ ຄອນເພັງ, ເມືອງຄົງເຊໂດນ ແລະເມືອງສະໝ້ວຍເພື່ອປະສານວຽກງານຕ່າງໆ,ພ້ອມທັງຄາດຄະເນສ້າງຕັ້ງສະມາຄົມໃຫ້ໄດ້ 3 ສາມະຄົມຄື: ສະມາຄົມທຸລະກິດໜຸ່ມ, ສະມາຄົມທຸດລະກິດຍິງ ແລະສາມະຄົມຜູ້ສົ່ງອອກສິນຄ້າກະສີກຳ.

____________

ຂ່າວ: ສິດຕາ ເພັດວົງສາ, ໜັງສືພິມເສດຖະກິດ-ສັງຄົມ

   

แชร์