ເມືອງບົວລະພາ ຮັບຮອງບ້ານວັດທະນະທຳ

 ໃນອາທິດຜ່ານມາຫ້ອງການຈຸດສຸມກຸ່ມບ້ານນາສະລອນ ເມືອງບົວລະພາ ໄດ້ຈັດພິທີປະກາດຮັບຮອງເອົາ 9 ບ້ານຄື:ບ້ານໜອງໜ່ຽວ,ບ້ານນໍ້າອອກຮູ,ບ້ານວັງເງືອກ, ບ້ານປ່າກ້ວຍ, ບ້ານລ້າຍ, ບ້ານມຸກ, ບ້ານຜາຂຽດ, ບ້ານຫ້ວຍທ່າ ແລະບ້ານນາພຽງລ້ານ ເປັນ ບ້ານວັດທະນະທຳໃໝ່ຂອງເມືອງ ເຂົ້າຮ່ວມໃນພິທີດັ່ງກ່າວ ໂດຍທ່ານ ບຸນກວ້າງ ແກ້ວບຸນຍົງ ເຈົ້າເມືອງໆບົວລະພາທ່ານ ແສງມະນີ ສີລາເພັດ ຮອງຫົວໜ້າພະແນກຖະແຫຼງຂ່າວວັດທະນະທຳ ແລະທ່ອງທ່ຽວ ແຂວງຄຳມ່ວນ ພ້ອມດ້ວຍບັນດາ ທ່ານແຂກຖືກເຊີນ, ອຳນາດການປົກຄອງຕະຫຼອດເຖິງພໍ່ແມ່ປະຊາຊົນທັງ 9 ບ້ານ ເຂົ້າຮ່ວມຢ່າງພ້ອມພຽງ.

  ບ້ານໜອງໜ່ຽວ,ບ້ານນໍ້າອອກຮູ,ບ້ານວັງເງືອກ, ບ້ານປ່າກ້ວຍ, ບ້ານລ້າຍ, ບ້ານມຸກ, ບ້ານຜາຂຽດ, ບ້ານຫ້ວຍທ່າ ແລະບ້ານນາພຽງລ້ານ ເມືອງບົວລະພາ ແຂວງຄຳ ມ່ວນມີການດຳລົງຊີວິດຕິດພັນກັບ ທຳມະຊາດມີມູນເຊື້ອດຸໝັ້ນຂະ ຫຍັນພຽນທຳການຜະລິດ, ເພີ້ມ ພູນຜະລິດຜົນປູກຝັງ-ລ້ຽງສັດພ້ອມເອົາໃຈໃສ່ຢ່າງຕັ້ງໜ້າໃນການປົກປັກຮັກສາວັດທະນະທຳ, ຮີດຄອງປະເພນີອັນດີງາມຂອງຊາດ ແລະ ຂອງບັນດາເຜົ່າມີຄວາມສາມະຄີເປັນປືກແຜ່ນແໜ້ນໜາຊຶ່ງຜ່ານມາແມ່ນໄດ້ຮັບນາມມະ ຍົດ ແລະ ຜົນງານການເຄື່ອນໄຫວວຽກງານຕ່າງໆຫຼາຍດ້ານເປັນຕົ້ນແມ່ນວຽກງານສຶກສາ, ຍຸຕິທຳ, ສາທາລະນະສຸກ, ກະສິກຳ, ຖະແຫຼງຂ່າວ, ວັດທະນະທຳ ແລະທ່ອງທ່ຽວ,ສາມາດບັນລຸຜົນໄດ້ເຊັ່ນ: ໄດ້ລຶບລ້າງການກືກໜັງສືຂອງປະຊາຊົນຢູ່ໃນເກນອາຍຸ 15-45 ປີ ໄດ້ 100%,ໄດ້ຮັບຮອງເປັນບ້ານປອດຄະດີ, ບ້ານສາທາລະ ນະສຸກແບບຢ່າງ,ບ້ານແມ່ຍິງ 3 ດີ ແລະໄດ້ຮັບໃບຢັ້ງຢືນຄອບຄົວັດທະນະທຳທັງໝົດ 572 ຄອບຄົວກວມເອົາ 85% ຂອງຄອບຄົວທັງໝົດໃນ 9 ບ້ານມີ 666 ຄອບ ຄົວ, ໃນພິທີດັ່ງກ່າວ ທ່ານ ບຸດດາ ໄຊຍະວົງ ຫົວໜ້າຫ້ອງການ ຖວທ ເມືອງກໍ່ໄດ້ຜ່ານຂໍ້ຕົກລົງຂອງທ່ານເຈົ້າແຂວງໆຄຳມ່ວນວ່າດ້ວຍການມອບໃບຢັ້ງຢືນບ້ານວັດທະ ນະທຳທັງ 9 ບ້ານ ແລະໂອກາດດັ່ງກ່າວ ທ່ານ ແສງມະນີ ສີລາເພັດ ຮອງຫົວໜ້າພະແນກ ຖວທ ແຂວງຄຳມ່ວນ ໃນນາມຕາງໜ້າໃຫ້ຄະນະກຳມະການສ້າງຄອບຄົວ ແລະ ບ້ານວັດທະນະທຳຂັ້ນແຂວງກໍ່ໄດ້ກໍ່ໄດ້ຂຶ້ນມອບໃບຢັ້ງຢືນບ້ານວັດທະນະທຳໃຫ້ແກ່ນາຍບ້ານທັງ 9 ບ້ານ.

 ໃນຕອນທ້າຍພິທີທ່ານ ບຸນ ກວ້າງ ແກ້ວບຸນຍົງ ເຈົ້າເມືອງ ເມືອງບົວລະພາໄດ້ມີຄຳເຫັນໂອ້ ລົມຕໍ່ອຳນາດການປົກຄອງແລະ ພໍ່ແມ່ປະຊາຊົນທັງ 9 ບ້ານ ທ່ານ ຍັງໄດ້ຍ້ອງຍໍຊົມເຊີນທັງ 9 ບ້ານ ທີ່ສາມາດຍາດເອົາຜົນງານ ແລະນາມມະຍົດອັນສະຫງ່າງາມດັ່ງກ່າວມາໄດ້ພ້ອມນັ້ນທ່ານໄດ້ຮຽກຮ້ອງໃຫ້ອຳນາດການປົກຄອງຈົ່ງເປັນເຈົ້າ ການເສີມຂະຫຍາຍມູນ ເຊື້ອອັນດີງາມ ແລະພ້ອມກັນປົກປັກຮັກສາວັດທະນະທຳອັນດີງາມ ກໍ່ຄືນາມມະຍົດບ້ານວັດທະນະທຳ ໃຫ້ຢູ່ກັບບ້ານຕະຫຼອດໄປພ້ອມກັນນັ້ນກໍ່ຕ້ອງເອົາໃຈໃສ່ປະຕິບັດວຽກງານຕ່າງໆທີ່ໄດ້ຮັບມອບໝາຍໂດຍສະເພາະແມ່ນການແກ້ໄຂບັນຫາຂໍ້ຄົງຄ້າງທີ່ເຮັດໃຫ້ການປະຕິບັດບໍ່ໄດ້ຮັບຜົນສຳເລັດ, ສືບຕໍ່ສ້າງຄອບຄົວທີ່ຍັງເຫຼືອໃຫ້ກາຍເປັນຄອບຄົວວັດທະນະທຳໃຫ້ກວມເອົາ 100%.

_________

ໂດຍ: ບຸນປະພາດ, ໜັງສືພິມເສດຖະກິດ-ສັງຄົມ

แชร์