ອິນເດຍທົດລອງຢາວັກແຊງໂຄວິດ-19

ບໍລິສັດການຢາອິນເດຍ ເປີດເຜີຍວ່າ: ໄດ້ອະນຸມັດໃຫ້ທົດລອງຢາປ້ອງກັນ (ວັກແຊງ) ພະຍາດໂຄວິດ-19 ຊື່ງເປັນຢາທີ່ຜະລິດດ້ວຍຕົນເອງພາຍໃນປະເທດເປັນຊຸດທຳອິດ.

 ຕາມຂ່າວຕ່າງປະເທດລາຍງານໃນວັນທີ 30 ມິຖຸນາທີ່ຜ່ານມາວ່າ ອິນເດຍ ໄດ້ອະນຸມັດໃຫ້ທົດລອງຢາປ້ອງກັນ (ວັກແຊງ) ພະຍາດໂຄວິດ-19 ຊຶ່ງເປັນຢາທີ່ຜະລິດດ້ວຍຕົນເອງພາຍໃນປະເທດ ເປັນຊຸດທຳອິດ. ໃນຂະນະທີ່ ອິນເດຍມີຜູ້ຕິດເຊື້ອພະຍາດໂຄວິດ-19 ເພີ່ມຂຶ້ນ. ສຳນັກງານ ຄວບຄຸມຢາປິ່ນປົວ ແຫ່ງຊາດອິນເດຍ ໄດ້ອະນຸມັດຕາມໃບສະເໜີທີ່ຕ້ອງການທົດລອງທາງຄິລນິກ ໂຄວາຊີນ (Covaxin) ໃນໄລຍະ 1 ແລະ ໄລຍະ 2 ຊຶ່ງເປັນວັກແຊງ ທີ່ບໍລິສັດ ພັດທະນາ ຮ່ວມກັບສະຖາບັນໄວຣັດ ວິທະຍາແຫ່ງຊາດ ສະພາວິໄຈການແພດ ອິນເດຍ ໂດຍມີ ກຳນົດເລີ່ມການທົດລອງທົ່ວປະເທດໃນເດືອນກໍລະກົດນີ້. 

 ປະຈຸບັນ, ອິນເດຍມີຜູ້ ຕິດເຊື້ອພະຍາດໂຄວິດ-19 ຈັດເປັນອັນດັບ 4 ຖັດຈາກອາເມລິກາ, ບຣາຊີນ ແລະ ຣັດເຊຍ.ກະຊວງສາທາລະນະສຸກອິນເດຍ ປະກາດວ່າ ເມື່ອວັນທີ 29 ເດືອນມິຖຸນາ, ພົບຜູ້ຕິດເຊື້ອລາຍໃໝ່ເກືອບ 20.000 ຄົນສ່ວນຍອດຜູ້ເສຍຊີວິດຫຼາຍກວ່າ 16.000 ຄົນ.

-------

ໜັງສືພິມເສດຖະກິດ-ສັງຄົມ

แชร์