ເສດຖະກິດດິຈິຕ໋ອນຢູ່ລາວຈະຖືກພັດທະນາ

   ພິທີເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນການຄົ້ນຄວ້າ ແລະພັດທະນາເຕັກໂນໂລຊີດິຈິຕ໋ອນເພື່ອພັດທະນາເສດຖະກິດດິຈິຕ໋ອນຢູ່ ສປປ ລາວ ໄດ້ມີຂຶ້ນໃນວັນທີ 8 ກຸມພາ 2019 ທີ່ນະຄອນຫຼວງວຽງຈັນ ລະຫວ່າງລັດຖະບານລາວກັບບໍລິສັດ ລຽວບິສິດສະເຕັມ, ຕາງໜ້າໂດຍ ທ່່ານ ແກ້ວນະຄອນ ໄຊສຸລຽນ ຫົວໜ້າກົມ ເຕັກໂນໂລຊີດິຈິຕ໋ອນ ແລະທ່ານ ຄໍາເພັດ ວົງດາລາ ຫົວໜ້າກົມແຜນການ ແລະ ຮ່ວມມື, ກະຊວງວິທະຍາສາດ ແລະເຕັກ ໂນໂລຊີ (ກວຕ) ກັບ ທ່ານ ທາເກໂອະ ມິຍາເກະ ຮອງປະທານບໍລິສັດ ລຽວບິ ສິດສະເຕັມ, ໂດຍມີທ່ານ ບໍ່ວຽງຄຳ ວົງ ດາລາ ລັດຖະມົນຕີ ກວຕ ແລະທ່ານ ທາເກຊິ ຮິກິຮາຣະ ເອກອັກຄະຣາຊະ ທູດຍີ່ປຸ່ນປະຈຳ ລາວ ເຂົ້າຮ່ວມ.

    ການຮ່ວມມືຄັ້ງນີ້ ທັງສອງຝ່າຍ ຈະຮ່ວມກັນສຶກສາຄວາມເປັນໄປໄດ້ ໂດຍຈະມີການລົງສໍາຫຼວດເພື່ອເກັບ ກໍາຂໍ້ມູນ, ກ່ຽວກັບສະພາບການນໍາໃຊ້ ແລະຄວາມຕ້ອງການໃນການນຳໃຊ້ ລະບົບເຕັກໂນໂລຊີດິຈິຕ໋ອນ ຢູ່ຂະແໜງ ການຕ່າງໆ ໂດຍຈະສຸມໃສ່ຄົ້ນຄວ້າ, ພັດທະນາ ແລະນໍາໃຊ້ລະບົບເຕັກໂນ ໂລຊີດິຈິຕ໋ອນ ເຂົ້າໃນການຄຸ້ມຄອງ, ບໍລິຫານ ແລະບໍລິການຂອງລັດແບບທັນ ສະໄໝ ຫຼື ເອີ້ນວ່າ “Digital Government Platform” (ດິຈິຕ໋ອນ ໂກເວິນ ເມັ້ນ ພາສຟ໊ອມ) ຊຶ່ງຈະມີການສຶກສາ ເພື່ອພັດທະນາລະບົບຊອບແວຣ, ແອັບ ພິເຄຊັນ ໃຫ້ແກ່ອົງການຈັດຕັ້ງຕ່າງໆ ທັງພາກລັດ ແລະເອກະຊົນ ເພື່ອຍົກສູງ ປະສິດທິພາບຂອງການບໍລິການສັງຄົມ ໃຫ້ມີຄວາມທັນສະໄໝ, ວ່ອງໄວ, ໂປ່ງໃສ ແລະມີຄວາມປອດໄພສູງ ເປັນຕົ້ນແມ່ນ ລະບົບຄຸ້ມຄອງ-ບໍລິການທາງດ້ານສາ ທາລະນະສຸກ, ລະບົບສະຫວັດດີການ ສັງຄົມ, ລະບົບຄຸ້ມຄອງທີ່ດິນ, ລະບົບຄຸ້ມ ຄອງພາຫະນະ, ການຂົນສົ່ງ, ການຈາລະ ຈອນ ແລະອື່ນໆ ທີ່ເຫັນວ່າມີຄວາມຈໍາ ເປັນສໍາລັບການຫັນເປັນທັນສະໄໝ ແນໃສ່ປະກອບສ່ວນເຂົ້າໃນການເປັນ ອຸດສາຫະກໍາ ແລະທັນສະໄໝ ທັງເປັນ ການຊຸກຍູ້-ສົ່ງເສີມ ໃຫ້ມີການນໍາໃຊ້ ລະບົບເຕັກໂນໂລຊີດິຈິຕ໋ອນເຂົ້າໃນລະ ບົບການຜະລິດ, ຫຼຸດຜ່ອນຕົ້ນທຶນ, ສ້າງ ມູນຄ່າເພີ່ມໃຫ້ແກ່ຜະລິດຕະພັນ ແລະ ການບໍລິການ ເພື່ອພັດທະນາເສດຖະກິດດິຈິຕ໋ອນຂອງ ສປປ ລາວ.

  ສໍາລັບ ບໍລິສັດ ລຽວບິ ສິດສະເຕັມ  (Ryobi System) ເປັນບໍລິສັດໜຶ່ງ ໃນກຸ່ມບໍລິສັດ ລຽວບິ ກຣຸບ ປະເທດຍີ່ປຸ່ນ, ທັງເປັນບໍລິສັດໜຶ່ງທີ່ມີທ່າແຮງດ້ານການລົງທຶນ ແລະມີປະສົບການດ້ານວິ ຊາການສູງ, ຂະນະທີ່ ບໍລິສັດ ລຽວບິລາວ ຈຳກັດ ທີ່ເປັນສາຂາຂອງບໍລິສັດ ລຽວບິສິດສະເຕັມ ຢູ່ ສປປ ລາວ ກໍໄດ້ຈັດພິທີເປີດບໍລິສັດຂຶ້ນຢ່າງເປັນທາງການໃນວັນດຽວກັນ.

ນສພ-ເສດຖະກິດ-ສັງຄົມ

• 12/02/2019