ອພສ ເມືອງຍົມມະລາດ ສຳເລັດກອງປະຊຸມໃຫຍ່ຄັ້ງທີ V

 ອົງການພຸດທະສາສະໝາສຳພັນລາວ ເມືອງຍົມມະລາດ ໄດ້ເປີດກອງປະຊຸມໃຫຍ່ຄັ້ງທີ V ຂຶ້ນໃນອາທິດຜ່ານມາທີ່ສະໂມສອນເມືອງດັ່ງກ່າວພາຍໃຕ້ການເປັນປະທານຂອງຍາພໍ່ຄຳເຜີຍ ສີລັດດາ ຮັກສາການປະທານ ອພສ ເມືອງຍົມມະລາດ, ເປັນກຽດເຂົ້າຮ່ວມມີຍາ ທ່ານ ບຸນທາຍ ຈັນທະໄພຈິດ ກຳມະການສູນກາງແນວລາວສ້າງຊາດ, ປະທານ ອພສ ແຂວງໆຄໍາມ່ວນ ທ່ານ ບຸນທັນ ສຸວັນນະລາດ ເລຂາພັກເມືອງເຈົ້າ ເມືອງໆຍົມມະລາດ ມີບັນດາທ່ານ ໃນຄະນະປະຈຳພັກເມືອງກຳມະການພັກເມືອງຫົວໜ້າ, ຮອງຫົວໜ້າຫ້ອງການພ້ອມດ້ວຍພະນັກງານວິຊາການຂັ້ນເມືອງຕະຫຼອດຮອດອຳນາດການປົກຄອງບ້ານ ເຂົ້າຮ່ວມທັງໜົດ 72 ທ່ານ ແລະ ພະສົງມີ 27 ອົງ .

 ໃນກອງປະຊຸມຄັ້ງນີ້ຍາພໍ່ອາດສະພອນ ອານັນໂທ ກໍໄດ້ຜ່ານບົດສະຫຼຸບວຽກງານ 5 ປີ ແລະທິດທາງແຜນການ 5 ປີຕໍ່ໝ້າໃນກອງປະຊຸມຄັ້ງນີ້ກໍຍັງໄດ້ປະກອບຄຳຄິດຄຳເຫັນຈາກບັນດາທ່ານອອກຕົນຍາດໂຍມເພື່ອເຮັດບົດສະຫຼຸບດັ່ງກ່າວໄດ້ມີຄວາມສັດເຈນ, ຄົບຖ້ວນ ເເລະໄດ້ເຫັນດີເປັນເອກະພາບເພື່ອນຳໄປຈັດຕັ້ງປະຕິບັດໃນຕໍ່ໜ້າຫຼັງຈາກນັ້ນບັນທ່ານໃນຄະນະປະທານ ແລະຄະນະບໍລິຫານ ງານ ອພສ ເມືອງຊຸດເກົ່າກໍໄດ້ຂຶ້ນກ່າວລາໜ້າທີ່ພ້ອມກັນນັ້ນຫ້ອງການ ອພສ ແຂວງ ກໍຂຶ້ນຜ່ານຂໍ້ຕົກລົງຂອງປະທານ ອພສ ແຂວງ ຄຳມ່ວນ ວ່າດ້ວຍການແຕ່ງຕັ້ງປະທານ, ຮອງປະທານ ແລະຄະນະບໍລິຫານງານ ອພສ ເມືອງ ຍົມມະລາດຊຸດໃໝ່ ຊຶ່ງໄດ້ປະກາດ ເເຕ່ງຕັ້ງ ຍາພໍ່ທອງ ຄຳແພງດີ ເປັນປະທານທີ່ປືກສາ ອພສ ເມືອງ ແລະ ໄດ້ແຕ່ງຕັ້ງຍາພໍ່ອາດສະພອນ ອານັນໂທ ເປັນປະທານ ອພສ ເມືອງ, ພະອາຈານ ຄຳພັນ ຈັນທະວົງ, ພະອາຈານ ບຸນມີ ສີປັນຍາ ແລະພະອາຈານຄຳຈັນ ສິດທິເດດ ເປັນຮອງປະທານ.

 ໃນກອງປະຊຸມຄັ້ງນີ້ຍັງໄດ້ຮັບຟັງຄຳໂອ້ລົມຂອງຍາທ່ານ ບຸນທາຍ ຈັນທະໄພຈິດປະທານ ອພສ ແຂວງຄໍາມ່ວນ ເປັນຕົ້ນແມ່ນການບູລະນະຮັກສາ ແລະເສີມຂະຫຍາຍມູມເຊື້ອຂອງສາສະໜາພ້ອມນັ້ນຍັງຮຽກຮ້ອງໃຫ້ຄະນະອົງການພຸດທະສາສະໜາເມືອງຍົມມະລາດຊຸດໃໝ່ໃຫ້ປະຕິບັດ ແລະສືບຕໍ່ວຽກງານ ອພສ ເມືອງໃຫ້ປະກົດຜົນເປັນຈິງໃນທຸກດ້ານ ແລະໃນກອງປະຊຸມກໍໄດ້ຮັບຮອງເອົາມະຕິຂອງ ກອງປະຊຸມໃຫຍ່ຄັ້ງທີ V ຂອງຄະນະບໍລິຫານງານ ອພສ ເມືອງຍົມມະລາດຊຶ່ງເປັນທິດຊີ້ນຳເພື່ອຜັນຂະຫຍາຍເຂົ້າໃນວຽກງານ ອພສ ເມືອງໃຫ້ປະກົດຜົນເປັນຈິງ.

 

แชร์