ສຳມະນາວິທະຍາສາດ ພັດທະນາການສຶກສາໃຫ້ມີຄຸນນະພາບ

  ເມື່ອບໍ່ດົນມານີ້ໄດ້ມີກອງປະຊຸມສໍາມະນາວິທະຍາສາດພັດທະນາວຽກງານການສຶກສາເຂົ້າຮ່ວມມີ ທ່ານ ຈອມສີ ລັດຕະນະ ປັນຄະນະປະຈໍາພັກແຂວງຮອງເຈົ້າແຂວງບໍ່ແກ້ວ ຜູ້ຊີ້ນໍາຂົງເຂດວັດທະນະທຳ-ສັງຄົມ,ທ່ານ ວັນດີ ທຳມະວົງ ຫົວໜ້າພະແນກສຶກສາທິການ ແລະກີລາແຂວງບໍ່ແກ້ວ, ມີຫ້ອງການສຶກສາ-ກີລາ 5 ເມືອງ ແລະຜູ້ປະກອບການທາງດ້ານວຽກງານການສຶກສາ ແລະກີລາເຂົ້າຮ່ວມ.

ທ່ານ ວັນດີ ທຳມະວົງ ຫົວໜ້າພະແນກສຶກສາທິການ ແລະກີລາແຂວງບໍ່ແກ້ວກ່າວວ່າ: ເພື່ອເປັນການຖອດຖອນບົດຮຽນໃນການຈັດຕັ້ງປະຕິບັດວຽກງານຂອງຂົງເຂດຂະແໜງການສຶກສາ ແລະກີລາຕະຫຼອດໄລຍະ 5 ປີ ຜ່ານມາເຖິງດ້ານດີ, ດ້ານອ່ອນ, ຂໍ້ຄົງຄ້າງຕ່າງໆ ຊອກໃຫ້ເຫັນສາເຫດທີ່ເຮັດໃຫ້ບັນດາແຜນການຄາດໝາຍທີ່ວາງໄວບໍ່ບັນລຸຕາມເປົ້າ ແລະພ້ອມກັນວາງວິທີການ, ແບບແຜນການຈັດຕັ້ງປະຕິບັດ, ປັບປຸງແກ້ໄຂໃນແຕ່ລະຂັ້ນຂອງແໜງການສຶກສາໃຫ້ຖືກຕ້ອງສອດຄ່ອງແນ່ໃສ່ພັດ ທະນາການສຶກສາ ແລະກີລາແຂວງບໍ່ແກ້ວໃຫ້ທົ່ວເຖິງ ແລະມີຄຸນນະພາບຢ່າງແທ້ຈິງ.

 

แชร์