ຈີນ-ມຽນມາ ເລີ່ມກໍ່ສ້າງທ່າເຮືອນໍ້າເລິກ

 ມຽນມາເລີ່ມການກໍ່ສ້າງທ່າເຮືອນໍ້າເລິກເຈາະພະຍູໃນລັດຍະໄຂ່ພາຍໃຕ້ຄວາມຮ່ວມມືຈາກລັດຖະບານ ສປ ຈີນ ເພື່ອຮອງຮັບເສັ້ນທາງການຄ້າອອກສູ່ມະຫາສະໝຸດອິນ ເດຍຈາກມົນທົນຢູນນານຕາມໂຄງການໜຶ່ງແຖບໜຶ່ງເສັ້ນທາງ.

   ຕາມຂ່າວຕ່າງປະເທດລາຍງານວ່າກະຊວງການຄ້າຂອງມຽນມາເປີດເຜີຍວ່າການກໍ່ສ້າງທ່າເຮືອນໍ້າເລິກໃນຄັ້ງນີ້ນັບເປັນສ່ວນສຳຄັນຂອງໂຄງການເຂດເສດຖະກິດພິ ເສດ (SEZ) ໃນເມືອງເຈາະພະຍູທາງຕາເວັນຕົກຂອງມຽນມາຊຶ່ງຈະເປັນຈຸດສຳຄັນຂອງໂຄງການລະບຽງເສດຖະກິດຈີນ-ມຽນມາ (CMEC) ຊຶ່ງຈະຊ່ວຍໃຫ້ຈີນສາມາຂົນສົ່ງສິນຄ້າອອກສູ່ມະຫາສະໝຸດອິນເດຍໄດ້ໂດຍກົງຂະນະດຽວກັນກໍສາມາດນໍາເຂົ້ານໍ້າມັນດິບໂດຍບໍ່ຕ້ອງຜ່ານຊ່ອງແຄບມະລະກາ, ພາຍໃຕ້ໂຄງການດັ່ງກ່າວ ມຽນມາຍັງມີແຜນສ້າງເຂດອຸດສາຫະກຳພ້ອມສິ່ງອຳນວຍຄວາມສະດວກເພື່ອສົ່ງເສີມອຸດສາຫະກຳການຜະລິດເຄື່ອນຸ່ງຫົ່ມ ແລະແຜ່ນແພ, ວັດສະດຸກໍ່ສ້າງ, ການແປຮູບອາຫານ, ການຜະລິດຢາປິ່ນປົວພະຍາດ, ອຸປະກອນອິເລັກໂຕນິກ, ອຸປະກອນທາງທະເລລວມທັງຂະແໜງບໍລິການ ແລະການວິໄຈໃນພື້ນທີ່ປະມານ 4.300 ໄຣ່.

   ທັງນີ້ໂຄງການກໍ່ສ້າງທ່າເຮືອນໍ້າເລິກມີການລົງນາມໃນສັນຍາສຳປະທານ ແລະ ຂໍ້ຕົກລົງຄວາມເປັນຮຸ້ນສ່ວນລະຫວ່າງຈີນ ແລະ ມຽນມາໂດຍທັງສອງປະເທດຈະມີສ່ວນຮ່ວມໃນການກໍ່ສ້າງ ແລະດຳເນີນການຂອງໂຄງການທ່າເຮືອນໍ້າເລິກແຫ່ງນີ້ຊຶ່ງການກໍ່ສ້າງໃນໄລຍະທຳອິດຈະດຳເນີນພາຍໃຕ້ງົບປະມານ 1,5 ຕື້ໂດລາສະຫະລັດ

 

แชร์