ເມືອງຍົມມະລາດ ຈັດຝຶກອົບຮົມເອກະສານທາງການ

  ໃນວັນທີ 24 ມິຖຸນາ 2020 ທີ່ສະໂມສອນເບີ 3 ສໍານັກງານປົກຄອງເມືອງຍົມມະລາດ ແຂວງຄຳມ່ວນ ໄດ້ຈັດຝຶກອົບຮົມກ່ຽວກັບການຈັດຕັ້ງປະຕິບັດດຳລັດວ່າດ້ວຍເອກະສານທາງການໃຫ້ແກ່ພະນັກງານວິຊາການອ້ອມຂ້າງເມືອງໂດຍການເປັນປະທານຂອງ ທ່ານ ຈັນທະບູນ ວົງສຸດທິ ຮອງຫົວໜ້າຫ້ອງວ່າການປົກຄອງເມືອງຊຶ່ງມີບັນດາທ່ານພະນັກງານວິຊາການຈາກຫ້ອງການອ້ອມຂ້າງເມືອງເຂົ້າຮ່ວມ.

   ເພື່ອຜັນຂະຫຍາຍ ແລະແນະນຳການຈັດຕັ້ງປະຕິບັດເນື້ອໃນຂອງດຳລັດວ່າດ້ວຍເອກະສານທາງການສະບັບເລກທີ 239/ລບ ລົງວັນທີ 13 ສິງຫາ 2015 ແລະ ຄຳແນະນຳຂອງກະຊວງພາຍໃນ ກ່ຽວກັບການຈັດຕັ້ງປະຕິບັດເນື້ອ ໃນຂອງດຳລັດວ່າດ້ວຍເອກະສານທາງການເພື່ອແນໃສ່ຈັດຕັ້ງປະຕິບັດຕົວຈິງກ່ຽວກັບວຽກງານການຄຸ້ມຄອງ ແລະສຳເນົາເອກະສານໃຫ້ມີຄວາມເປັນເອກະພາບ, ຖືກ ຕ້ອງ, ສອດຄ່ອງກັບສະພາບຄວາມເປັນຈິງ ແລະບັນລຸຈຸດປະສົງເປົ້າໝາຍ.

  ໃນວາລະດັ່ງກ່າວ ທ່ານ ບຸນຕອງ ລິນສາຍຍົມ ວິຊາການໜ່ວຍງານສັງລວມຫ້ອງວ່າການປົກຄອງເມືອງຍົມມະລາດໄດ້ຂຶ້ນຜ່ານ ແລະ ແນະນຳເອກະສານຄໍາແນະນຳຂອງກະຊວງພາຍໃນກ່ຽວກັບການຈັດຕັ້ງປະຕິບັດເນື້ອໃນຂອງດຳລັດວ່າດ້ວຍເອກະສານທາງການໃຫ້ບັນດານັກສຳມະນາກອນໄດ້ຮັບຮູ້, ເຂົ້າໃຈ ແລະນຳໄປຈັດຕັ້ງປະຕິ ບັດໃຫ້ເປັນເອກະພາບ.

 

แชร์