ປະກາດແຕ່ງຕັ້ງຄະນະຄຸ້ມຄອງດ່ານສາກົນວັງເຕົ໋າ

   ພິທີປະກາດການຈັດຕັ້ງຄະນະຄຸ້ມຄອງດ່ານຊາຍແດນສາກົນວັງເຕົ່າ ເມືອງໂພນທອງ ແຂວງຈໍາປາສັກ ໄດ້ມີຂື້ນໃນວັນທີ 24 ມີຖຸນາ 2020 ໂດຍການໃຫ້ກຽດເຂົ້າ ຮ່ວມຂອງທ່ານ ສົມສີ ມະນີນິນ ຫົວໜ້າຄະນະຈັດຕັ້ງແຂວງຈໍາປາສັກ, ມີບັນດາພະແນກການກ່ຽວຂ້ອງ, ພະນັກງານພາຍໃນດ່ານເຂົ້າຮ່ວມ.
 ໃນພິທີໄດ້ຜ່ານມາຕິຕົກລົງຂອງຄະນະປະຈໍາພັກແຂວງວ່າດ້ວຍການອະນຸມັດບົ່ງຕົວແຕ່ງຕັ້ງເລຂາຄະນະພັກຮາກຖານດ່ານສາກົນວັງເຕົ່າສະໄໝທີ III ໂດຍອະນຸມັດບົ່ງຕົວແຕ່ງຕັ້ງ ທ່ານ ພັນເອກ ສຸກັນ ໄຕໄຊຍະວົງ ເປັນຫົວໜ້າດ່ານສາກົນວັງເຕົ່າ, ພ້ອມນີ້ກໍ່ໄດ້ປະກາດແຕ່ງຕັ້ງຄະນະຄຸ້ມຄອງດ່ານສາກົນຕາມການຕົົກລົງເຫັນດີ ຂອງຄະນະພັກຂັ້ນເທີງແຕ່ລະພາກສ່ວນຄື: ເຫັນດີແຕ່ງຕັ້ງທ່ານ ພັນເອກ ສຸກັນ ໄຕໄຊຍະວົງ ເປັນຫົວໜ້າຄຸ້ມຄອງດ່ານຊາຍແດນສາກົນວັງເຕົ່າ,ທ່ານ ພັນໂທ ດໍາລົງ ບຸດສາຄອນ ເປັນຮອງ, ທັງເປັນຫົວໜ້າຂະແໜງກວດກາຄົນເຂົ້າ-ອອກປະຈໍາດ່ານ, ແຕ່ງຕັ້ງວິເລື່ອງ ວໍລະບຸດ ເປັນຮອງ, ທັງເປັນຫົວໜ້າຂະແໜງພາສີດ່ານສາກົນວັງເຕົ່າ ແລະທ່ານ ສູນໃຈ ຊາຕາກຸນ ເປັນຮອງ, ທັງເປັນຫົວໜ້າຄະນະບໍລິຫານດ່ານສາກົນວັງເຕົ່າ ແລະ ແຕ່ງຕັ້ງທ່ານ ອິນທະຍາກອນ ສຸກຊະນະ ຫົວໜ້າຂະແໜງກັກກັນພຶດ-ສັດ-ອາຫານ, ຢາ ແລະຄວບຄຸມພະຍາດຕິດຕໍ່.
   ໃນພິທີ ທ່ານ ສົມສີ ມະນີນິນ ໄດ້ກ່າວວ່າ: ຈຸດປະສົງໃນການແຕ່ງຕັ້ງຄະນະຄຸ້ມຄອງດ່ານຊາຍແດນສາກົນວັງເຕົ່າເມືອງໂພນທອງ ແຂວງຈໍາປາສັກ ໃນຄັ້ງນີ້ກໍ່ແມ່ນເພື່ອຈັດຕັ້ງປະຕິບັດແຜນຍຸດທະສາດຂອງແຂວງໃນການພັດທະນາເສດຖະກິດ-ສັງຄົມ ໃຫ້ໄປຕາມທິດທາງທີ່ວາງໄວ້, ທັງເປັນການສານຕໍ່ການພັດທະນາວຽກງານຄຸ້ມຄອງຄອງບໍລິຫານຈັດການດ່ານໃຫ້ໄປສູ້ລະບົບທັນໃສໄໝຮັບປະກັນຄວາມສະຫງົບສຸກ, ຄວາມເປັນລະບຽບຮຽບຮ້ອຍພາຍໃນດ່ານສາກົນວັງເຕົ່າ.

___________

ຂ່າວ: ໂພທິຣາຊ, ໜັງສືພິມເສດຖະກິດ-ສັງຄົມ

     

แชร์