ຜາທໍ່ໜໍ່ຄໍາ ອີກສະຖານທີ່ທ່ອງທ່ຽວທີ່ສວຍງາມ

 ຜາທໍ່ໜໍ່ຄໍາ ຖືວ່າເປັນອີກໜຶ່ງສະຖານທີ່ທ່ອງທ່ຽວທາງທຳມະຊາດຂອງປະເທດເຮົາຊຶ່ງສະຖານທີ່ທ່ອງທ່ຽວແຫ່ງນີ້ແມ່ນຢູ່ຕັ້ງຢູ່ບ້ານນາທົ່ວເມືອງເຟືອງ ແຂວງວຽງຈັນ ຫ່າງຈາກເທສະບານ ເມືອງປະມານ 3,5 ກິໂລແມັດ.

  ຜາດັ່ງກ່າວເປັນຜາທີ່ແປກປະຫຼາດ, ມີທິວທັດທໍາມະຊາດທີ່ໜ້າມະຫັດສະຈັນຢູ່ບ່ອນຮ່ອມຜາລະຫວ່າງຜາສອງເບື້ອງຕິດກັນ,ເປັນຊັບສົມບັດອັນລໍ້າຄ່າ,ເລິກລັບ ແລະມະຫັດສະຈັນຄື: “ໜໍ່ຄໍາ”. ນອກນັ້ນ, ຜາທໍ່ໜໍ່ຄໍາ ເປັນຜາຫີນ ປູນຕັ້ງໂດດດ່ຽວສະຫງ່າຢູ່ໃຈກາງ ເມືອງ, ມີຄວາມສູງຈາກລະດັບໜ້ານໍ້າທະເລປະມານ 700 ແມັດ ແລະເປັນເອກະລັກທີ່ບົ່ງບອກເຖິງ ຮູບຮ່າງສັນຖານຂອງເມືອງເຟືອງ ຊຶ່ງໜ້າຜາທີ່ສູງຊັນນັ້ນຖ້າເຮົາແນມຂຶ້ນໄປຈະເຫັນແສງປະກາຍສີຄໍາ ຢູ່ຫຼາຍຈຸດແຕ່ມີຈຸດໜຶ່ງຈຸດດຽວ ເທົ່ານັ້ນທີ່ເຫັນແສງນັ້ນເດັ່ນປະກາຍກວ່າຈຸດອື່ນໆ, ປະຊາຊົນໃນພື້ນທີ່ເຊື່ອກັນວ່າແສງນັ້ນແມ່ນແສງຂອງຄໍາທີ່ມີຄຸນຄ່າມະຫາສານພວກເຂົາເອີ້ນຈຸດດັ່ງກ່າວວ່າ: “ໜໍ່ຄໍາ” ຍ້ອນມີລັກສະນະເປັນທ່ອນກົມ ແຍກເປັນ 2 ຍອດນັ້ນເປັນທີ່ມາຂອງ “ຜາທໍ່ໜໍ່ຄໍາ” ຫຼາຍຄັ້ງມີບາງ ກຸ່ມຄົນພະຍາຍາມປີນໄຕ່ຂຶ້ນໄປ ເອົາໜໍ່ຄໍາແຕ່ຕ້ອງພົບກັບສິ່ງເລິກລັບ ຊຶ່ງນໍາມາໄດ້ແກ່ຄວາມຫາຍະນະ.

  ແຕ່ປະຈຸບັນສະຖານທີ່ທ່ອງທ່ຽວແຫ່ງດັ່ງກ່າວກໍໄດ້ມີບັນດານັກທ່ອງທ່ຽວທັງພາຍໃນ ແລະຈາກຕ່າງປະເທດໃຫ້ຄວາມສົນໃຈໄປທ່ຽວຊົມເປັນຈໍານວນຫຼວງຫຼາຍໃນແຕ່ ລະວັນໂດຍສະເພາະແມ່ນໃນຊ້ວງວັນບຸນເທດສະການຕ່າງໆ.

-------------

ໂດຍ: ວົງມະນີ

แชร์