ລັດຖະບານຄາດໝົດປີນີ້ເສດຖະກິດຈະຂະຫຍາຍຕົວໃນລະດັບ 3,3%

  ການຂະຫຍາຍຕົວເສດຖະກິດ (GDP) ຂອງລາວມີຜົນກະທົບຫຼາຍປັດໄຈໂດຍສະເພາະຈາກການລະບາດພະຍາດໂຄວິດ-19, ສະຖາບັນຄົ້ນຄວ້າເສດຖະກິດແຫ່ງ ຊາດ ແລະສູນສະຖິຕິແຫ່ງຊາດໂດຍນໍາໃຊ້ຂໍ້ມູນ 3 ເດືອນຄາດຄະເນຈະຂະຫຍາຍຕົວຢູ່ໃນລະດັບ 3,3% ຫາ 3,6% ຈະມີມູນຄ່າໃນປີປະມານ 175.720 ຕື້ກີບ ໃນ 2020.
  ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ລາຍງານຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ໃນວັນ ທີ 24 ມິຖຸນາ 2020 ໃຫ້ຮູ້ວ່າ: ແຜນພັດທະນາເສດຖະກິດ-ສັງຄົມ, ສັງລວມຜົນການຈັດຕັັ້ງປະຕິບັດແຜນ 5 ເດືອນຕົ້ນປີ,ຄາດຄະເນ 6 ເດືອນຕົ້ນປີ 2020 ໃນນີ້ການຂະຫຍາຍຕົວຂອງເສດ ຖະກິດຍ້ອນມີຜົນກະທົບຈາກຫຼາຍປັດໄຈການຄາດຄະເນຂອງສະຖາບັນຄົົ້ນຄວ້າເສດຖະກິດແຫ່ງຊາດ ແລະສູນສະຖິຕິແຫ່ງຊາດໂດຍນໍາໃຊ້ຂໍ້ມູນ 3 ເດືອນ ຄາດຄະເນໝົດ ປີ2020 ເສດຖະກິດຂອງປະເທດເຮົາ (GDP) ຈະຂະຫຍາຍຕົວຢູ່ໃນລະດັບ 3,3% ຫາ 3,6% (ສະພາແຫ່ງຊາດ ຮັບຮອງ 6,5%) ໃນກໍລະນີຈີດີພີຂະ ຫຍາຍຕົວ 3,6% ຈະມີມູນຄ່າໃນປີປະມານ 175.720 ຕື້ກີບ ປັດໄຈທີ່ເຮັດໃຫ້ຈີດີພີຂະຫຍາຍຕົວໃນລະດັບ 3,6% ໃນ ປີ 2020 ໃນນີ້ຂະແໜງກະສິກຳການລະ ຜະລິດລະດູແລ້ງປະຕິບັດໄດ້ໃນເນື້ອທີ່ 24 ພັນກວ່າເຮັກຕາ, ສະເພາະການຜະລິດເຂົ້າສົ່ງອອກໄດ້ໄປ ສປ ຈີນ ບັນລຸໄດ້ 15 ພັນໂຕນ,ຂະແໜງອຸດສາຫະກໍາຂະຫຍາຍຕົວ 6,8% ຫຼຸດແຜນ 1,5%, ອຸດສາຫະກຳປຸງແຕ່ງ ແລະ ຫັດຖະກຳຄາດຄະເນປະຕິບັດໄດ້3.574 ຕື້ກີບ ເທົ່າກັບ 24,44% ຂອງແຜນການປີເພີ່ມຂຶ້ນ 10, 20% ຄາດຄະເນ 6 ເດືອນ ຕົ້ນປີຈະປະຕິບັດໄດ້ 6.256 ຕື້ກີບ, ຂະແໜງບໍລິການຍ້ອນນັກທ່ອງທ່ຽວເຂົ້າມາປະເທດຂອງພວກເຮົາໃນ 5 ເດືອນຕົົ້ນປີ 2020 ມີພຽງ 886.447 ເທື່ອຄົນ, ຫຼຸດລົງ 17% ທຽບໃສ່ໄລຍະດຽວກັນຂອງປີຜ່ານມາການຂົນສົ່ງທາງອາກາດ ແລະທາງບົກຜູູ້ໂດຍສານຫຼຸດລົງຫຼາຍກວ່າ 90%.
  ສ່ວນມູນຄ່າການນຳເຂົ້າ-ສົ່ງອອກສິນຄ້າຄາດວ່າໝົດປີອາດຈະສູນເສຍລາຍຮັບຈາກການສົ່ງອອກປະມານ 483,3 ລ້ານໂດລາ ຫຼືປະມານ 8,4% ຂອງມູນຄ່າການສົ່ງອອກທຽບໃສ່ປີຜ່ານມາ, ຂະແໜງພະລັງງານ ແລະ ບໍ່ແຮ່ປະຕິບັດມູນຄ່າປະມານ 21.286 ຕື້ກີບ ຊຶ່ງເຫັນວ່າລື່ນແຜນເລັກນ້ອຍພາຍຫຼັງທີ່ໄດ້ປະກາດນໍາໃຊ້ນະໂຍ ບາຍໂຄງສ້າງລາຄາໄຟຟ້າໃໝ່ເຫັນວ່າມຫາງສຽງສັງຄົມທີ່ຂັດຂ້ອງຈົ່ມວ່າຫຼາຍສົມຄວນດັ່ງນັ້ນລັດຖະບານຈຶ່ງໄດ້ຊີ້ນໍາໃຫ້ກະຊວງພະລັງງານ ແລະບໍ່ແຮ່ຄົ້ນຄວ້າປັບລາ ຄາກະແສໄຟຟ້າຄືນໃໝ່ໃຫ້ຖືກຕ້ອງ ແລະ ສອດຄ່ອງກັບສະພາບຕົວຈິງສໍາລັບດ້ານແຮ່ທາດຜະລິດປະຕິບັດໄດ້ 5.181 ຕື້ກີບ ຄາດຄະເນໝົດປີສາມາດປະຕິບັດໄດ້ 10.851 ຕື້ກີບ ລື່ນແຜນການປະມານ 13%.

แชร์