ເປີດໂຕແລ້ວ ຣິລມີ ເອັຊ 3 ຊູເປີຊູມ ມືຖືທີ່ເນັ້ນກ້ອງຊູມໄກ 60 ເທົ່າສະເປັກຄົບ

  Realme ໄດ້ເຜີຍໂສມ X3 SuperZoom ຢ່າງເປັນທາງການແລ້ວໃນຕະຫຼາດໂລກໂຊນເອີຣົບຊຶ່ງລຸ້ນນີ້ມາທົດແທນ realmeX2 Pro ທີ່ຄ່ອນຂ້າງປະສົບຄວາມສຳເລັດຫຼາຍ.

  ລາຍລະອຽດຕົວເຄື່ອງຂໍເລີ່ມຈາກໜ້າຈໍຂະໜາດ 6,57 ນິ້ວພ້ອມກັບຄວາມລະອຽດ 2400x 1080 ພິກເຊລ ໄວ້ກ້ອງໜ້າມູມຊ້າຍພ້ອມກັບລະບົບສະແກນລາຍນິ້ວມືໃນໜ້າຈໍຄວາມໄວ 0,3 ວິນາທີໃນການສະແກນນິ້ວ.

  ຂຸມພະລັງຂອງເຄື່ອງລຸ້ນນີ້ ເລືອກໃຊ້ Qualcomm Snapdragon 855+ ພ້ອມກັບລະບົບລະບາຍຄວາມຮ້ອນ Vaporchamber cooling  ຄວາມຈຳ RAM 12GB ແລະROM 256GB ເປັນແບບ UFS 3.0 ພ້ອມເຕັກ ໂນໂລຊີຂຽນໄວ Turbo Write ກ້ອງຂອງ realme X3 Super Zoom ຈະມີກ້ອງຫຼັກຄວາມລະອຽດ 64 ລ້ານພິກເຊລ ພ້ອມກັບເລນ Periscope ຄວາມລະອຽດ 8 ລ້ານພິກເຊລຊູມແບບ Optical ໄດ້ເຖິງ 5 ເທົ່າ ແລະນອກຈາກນີ້ ຍັງສາມາດທຳງານກັບເລນຫຼັກ ຊ່ວຍໃຫ້ຊູມແບບ Digital Zoom 60 ເທົ່າ ແລະຍັງມີເລນ 8 ລ້ານ ພິກເຊລ Ultra Wide ແລະ2 ລ້ານພິກເຊລ Macro Lens ເໝືອນ ເດີມພ້ອມກັບຟີເຈີຊ່ວຍຖ່າຍ ພາບເຊັ່ນ Night Scape 4.0, Pro Mode ທີ່ປັບຕັ້ງຄ່າໄດ້ຫຼາຍ ແລະລວມໄປເຖິງ AI Mode ທີ່ຈັບວ່າເຄື່ອງຖືກຕັ້ງບົນ Tri Pod ຫຼື ບໍ່ສ່ວນກ້ອງໜ້າຈະໃຫ້ເລນຄູ່ຂະໜາດ 32 ລ້ານພິກເຊລ ແລະ ເລນຕົວທີ 2 ຄວາມລະອຽດ 8 ລ້ານພິກເຊລໃຫ້ມູມມອງທີ່ກວ້າງຂຶ້ນ.

ສ່ວນສີສັນມີໃຫ້ເລືອກແຕ່ 2 ສີຄື: Glacier Blue ແລະArtic White ທັງນີ້ລາຄາເປີດໂຕຢູ່ທີ່ 499 ເອີໂຣເທົ່ານັ້ນ.

_____________

ໜັງສືພິມເສດຖະກິດ-ສັງຄົມ

แชร์