ແອັບເປິລ ກຽມເປີດໂຕ ໄອໂຟນ ສາມລຸ້ນພ້ອມກ້ອງ 3 ຕົວ

   ລາຍງານຈາກ The WallStreet Journal ເຜີຍວ່າ Apple ກຽມເປີດໂຕ iPhone ລຸ້ນໃໝ່ສາມລຸ້ນໃນທ້າຍປີ  2019 ນີ້ໂດຍຈະມີ iPhone XR ລຸ້ນທີສອງ ແລະ iPhone ລຸ້ນພຣີມຽມອີກສອງລຸ້ນ ໂດຍລຸ້ນໄຮເອນຈະມີກ້ອງ 3 ຕົວທີ່ຜະລິດມາແຂ່ງກັບສະມາດໂຟນ Android ທີ່ກຳລັງຈະມີ ກ້ອງຫຼາຍກວ່າ 3 ຕົວແລ້ວ.

   ເມື່ອອາທິດທີ່ຜ່ານມາມີພາບ ເຣນເດີກ້ອງ 3 ຕົວຂອງ iPhone ຊຶ່ງ OnLeaks ລາຍງານວ່າ Apple ຈະໃຊ້ກ້ອງ 3 ຕົວ ຫຼື Tri  ple Camera System ບົນ iPhone ລຸ້ນໃໝ່ແທ້ຄາດວ່າກ້ອງ ທີສາມຈະຝັງເຊນເຊີ 3D ຂອງ Sony ເພື່ອເພີ່ມປະສິດທິພາບຂອງ VR ໃຫ້ຫຼາຍຍິ່ງຂຶ້ນ  (ແຕ່ຂໍຢ່າໃຫ້ ໃຊ້ດິໄຊນີ້ເລີຍ).

  ນອກຈາກນີ້ຍັງມີລາຍງານວ່າ Apple ອາດພິຈາລະນາໃຊ້ໜ້າຈໍ OLED ສຳລັບ iPhone ລຸ້ນໃໝ່ ທຸກລຸ້ນຊຶ່ງອາດເຮັດໃຫ້ iPhone ມີລາຄາສູງກວ່ານີ້ອີກແນ່ນອນຫາກວ່າຂາຍແພງກວ່ານີ້ກໍຈະກະທົບຍອດຂາຍຢ່າງແນ່ນອນຫຼ້າສຸດກໍມີລາຍງານວ່າ Apple ໄດ້ຫຼຸດລາຄາ iPhone ໃນສປຈີນລົງທຸກລຸ້ນເປັນທີ່ຮຽບຮ້ອຍແລ້ວດ້ວຍ.

แชร์