ຖໍ້າຊ້າງ ແຫຼ່ງທ່ອງທ່ຽວທຳມະຊາດທີ່ໜ້າຄົ້ນຫາ

 ຖໍ້າຊ້າງ ເປັນສະຖານທີ່ທ່ອງທ່ຽວທາງທໍາມະຊາດແຫ່ງໜຶ່ງທີ່ມີທິວທັດທໍາມະຊາດອ້ອມຂ້າງສວຍສົດງົດງາມ, ເຕັມໄປດ້ວຍຕົ້ນໄມ້ນ້ອຍ-ໃຫຍ່ຂຽວສົດໃສຫຼາກຫຼາຍຊະນິດປົກຄຸມພື້ນທີ່ ແລະມີສັດສາວາສິ່ງຫຼາຍຊະນິດຊຶ່ງຖໍ້າມີລັກສະນະແປກຕາບໍ່ຄືຜາບ່ອນອື່ນນັບວ່າເປັນແຫຼ່ງທ່ອງທ່ຽວທີ່ມະຫັດສະຈັນ ແລະມີຄວາມເລິກລັບໜ້າຄົ້ນຫາຊຶ່ງຢູ່ພາຍໃນຖໍ້າມີຫີນປູນໄດ້ກໍ່ໂຕຄ້າຍຄືກັນກັບຮູບຊ້າງໃນໄລຍະບຸນປີໃໝ່ລາວມີຜູ້ຄົນໄປສົງນໍ້າບູຊາຫົວຊ້າງຕາມປະເພນີ.

  ຖໍ້າພະບ້ານຖໍ້າ(ຖໍ້າຊ້າງ) ຕັ້ງຢູ່ບ້ານຖໍ້າເມືອງທ່າແຂກ ຫ່າງຈາກຕົວເມືອງທ່າແຂກປະມານ 8 km ໄປຕາມທາງເລກ 12 ພາຍໃນຖໍ້າຈະມີພະພຸດທະຮູບ, ມີຮູບປັ້ນອົງຄະລັກຕ່າງໆ ສິ່ງທັງໝົດນັ້ນພູມປັນຍາສັດທາຂອງຊາວພຸດ ໄດ້ພ້ອນກັນສ້າງ ແລະເອົາໄປປະດິດໄວ້ແຕ່ໃນສ່ວນທີ່ເປັນທຳມະຊາດນັ້ນພາຍໃນຖໍ້າກໍ່ມີຫີນທີ່ເປັນຮູບສັດຕ່າງໆ ຊຶ່ງແລ້ວແຕ່ຜູ້ທີ່ພົບເຫັນຈະໃຫ້ຈິນຕະນາການ, ມີຫີບໃສ່ໃບລານທີ່ເຮັດດ້ວຍຫີນຢູ່ກຳຊ້າຍຂອງຖໍ້າ.

___________

ໂດຍ: ວົງມະນີ

 

แชร์