ຫຼວງນໍ້າທາ ເຂັ້ມງວດກວດກາເຂດຊາຍແດນເພື່ອສືບຕໍ່ປ້ອງກັນພະຍາດໂຄວິດ

  ທ່ານ ບຸນຍີ່ ແກ້ວຄຸນເມືອງ ຮອງເລຂາພັກແຂວງຮອງເຈົ້າ ແຂວງໆຫຼວງນໍ້າທາ, ຫົວໜ້າສະເພາະກິດຄວບຄຸມປ້ອງກັນພະຍາດໂຄວິດ -19 ຂັ້ນແຂວງ, ໄດ້ໃຫ້ຮູ້ໃນວັນທີ 16 ມິຖຸນາ 2020 ວ່າ: ພາຍຫຼັງມີການລະບາດຈາກເຊື້ອ ຈຸລະໂລກສາຍພັນໃໝ່ໂຄວິດ -19 ຢູ່ທີ່ເມືອງອູຫັ້ນ ແຂວງອູເປີຍ ສປ ຈີນ, ເວົ້າລວມເວົ້າສະເພາະກໍ່ຄື ສປປ ລາວ ກໍ່ມີການລະບາດຂອງພະຍາດດັ່ງກ່າວ, ຈາກນັ້ນແຂວງຫຼວງນໍ້າທາ ກໍ່ໄດ້ແຕ່ງຕັ້ງຄະນະສະເພາະກິດ ແລະກອງເລຂາເພື່ອປ້ອງກັນຄວບຄຸມ ແລະແກ້ໄຂພະຍາດໂຄວິດ -19 ຂັ້ນແຂວງ, ຂັ້ນເມືອງ, ແຂວງຫຼວງນໍ້າທາມີຊາຍ ແດນຕິດກັບປະເທດ ສປ ຈີນ ແລະມຽນມາ, ມີ 5 ປະຕູດ່ານ, ມີດ່ານສາກົນ 1 ແຫ່ງ, ນອກ ຈາກນີ້ຍັງມີເສັ້ນທາງນ້ອຍຂ້າມດອຍ -19 ຈຸດ, ໄດ້ມອບໃຫ້ເຈົ້າໜ້າທີ່ ແລະພາກສ່ວນທີ່ກ່ຽວຂ້ອງຕິດຕາມຮັດກຸມໃນການເຂົ້າ-ອອກ ແລະມີການວັດແທກອຸນຫະພູມ, ໄດ້ມີການຈັດຈຸດກັນກອງລະຫວ່າງຊາດ, ລະຫວ່າງແຂວງ, ເມືອງຕໍ່ເມືອງ ແລະບ້ານຕໍ່ບ້ານ, ຊຶ່ງໄດ້ມີຄະນະສະເພາະກິດລົງຕິດຕາມຊຸກຍູ້ຢູ່ແຕ່ລະເມືອງ ແລະ ຈຸດຫຼໍ່ ແຫຼມຂອງແຂວງ ແລະໄດ້ໂຄສະນາອະທິບາຍໃຫ້ສັງຄົມ ແລະພໍ່ແມ່ປະຊາຊົນພາຍໃນແຂວງໄດ້ຮັບຮູ້ ແລະເຂົ້າໃຈເຖີງຜົນຮ້າຍຂອງພະຍາດໂຄວິດ-19.
  ໂດຍໄດ້ປະຕິບັດຕາມເລກທີ 06/ນຍ, ແຂວງຫຼວງນໍ້າທາ ມີຈຸດກັນກອງຄົນເຂົ້າ-ອອກພາຍໃນແຂວງ 19 ຈຸດ, ໄດ້ມີການປິດດ່ານທ້ອງຖີ່ນ, ດ່ານປະເພນີ ແລະເສັ້ນ ທາງນ້ອຍ, ປິດການສັນຈອນເມືອງ ຕໍ່ເມືອງ ແຂວງຕໍ່ແຂວງ ແລະຈໍາ ກັດການສັນຈອນບ້ານຕໍ່ບ້ານ. ໄດ້ ໂຈະການຈັດງານສ້າງສັນ ແລະ ປິດກິດຈະການບໍລິການເປັນຕົ້ນ ແມ່ນຮ້ານກີນດື່ມ, ຮ້ານບັນເທີງ, ໄດ້ກໍານົດເອົາບັນດາໂຮງຮຽນ ຂອງ ເມືອງເປັນສູນກັກກັນແຮງ ງານຊາວຫຼວງນໍ້າທາທີ່ໄປເຮັດວຽກບ່ອນທີ່ມີຄວາມສ່ຽງທີ່ໄດ້ກັບ ເຂົ້າມາພາຍໃນແຂວງ ແລະສືບຕໍ່ ປະຕິບັດຕາມແຈ້ງການຂອງສໍາ ນັກງານນາຍົກ ສະບັບເລກທີ 957 ລົງວັນທີ 29 ພຶດສະພາ 2020 ແລະແຈ້ງການຂອງກະຊວງການຕ່າງປະເທດເລກທີ 00144 ຢ່າງເຂັ້ມງວດ, ສືບຕໍ່ປິດຮ້ານບັນເທີງ, ຮ້ານຄາລາໂອເກະ, ຫ້າມຈັດງານ, ກິດຈະກຳຊຸມນຸມທີ່ບໍ່ເປັນທາງການ, ສືບຕໍ່ປິດດ່ານອະນຸ ຍາດໃຫ້ລົດຂົນສົ່ງສີນຄ້າເຂົ້າ-ອອກ, ສໍາລັບມາດຕະການຜ່ອນຜັນຂອງແຂວງໄດ້ອະນຸຍາດໃຫ້ເປີດຕະຫຼາດກາງຄືນ, ບັນດາໂຄງການ, ບັນດາໂຮງຮຽນເປີດເປັນປົກກະ ຕິຕ້ອງປະຕິບັດມາດຕະການປ້ອງກັນທີ່ຄະນະສະເພາະກິດຂັ້ນສູນກາງ ແລະຂັ້ນແຂວງຢ່າງເຂັມງວດ, ແຂວງຍັງໄດ້ຕັ້ງສູນກັກກັນ 1 ສູນໄວ້ສະເພາະຮັບໃຊ້ເຂົ້າໃນແຮງ ງານລາວທີ່ກັບເຂົ້າມາຢູ່ຕາມປະຕູດ່ານໄດ້ຮັບຜິດຊອບສະຖານທີ່ພັກເຊົາ ແລະສີ່ງອໍານວຍຄວາມສະດວກຕ່າງໆ.
  ໃນໄລຍະທີ່ມີການລະບາດຂອງພະຍາດໂຄວິດ-19 ໃນການຈັດຕັ້ງປະຕິບັດວຽກງານດັ່ງກ່າວກໍ່ໄດ້ຮັບການຊ່ວຍເຫຼືອຈາກຕ່າງປະເທດ ແລະລັດຖະບານ, ອົງການຈັດ ຕັ້ງສາກົນ, ອົງການຈັດຕັ້ງພັກ-ລັດ, ກະຊວງທີ່ກ່ຽວຂ້ອງບໍລິສັດພາຍໃນແຂວງທີ່ໄດ້ໃຫ້ການຮ່ວມມືທາງດ້ານອຸປະກອນ ແລະງົບປະມານ.

_____________

ຂ່າວ: ອຸ້ມ

แชร์