ປະກາດນຳໃຊ້ຍຸດທະສາດການລະດົມທຶນຊ່ວຍເຫຼືອເພື່ອພັດທະນາ

  ວັນທີ 23 ມິຖຸນາ 2020 ນະຄອນຫຼວງວຽງຈັນ ກະຊວງແຜນການ ແລະການລົງທຶນໄດ້ຈັດພິທີຮັບຮອງ ແລະປະກາດນຳໃຊ້ຍຸດທະສາດການລະດົມທຶນ ຊ່ວຍເຫຼືອທາງການເພື່ອການພັດທະນາ ສປປ ລາວ ຮອດປີ 2030 ໂດຍການເປັນປະທານຂອງທ່ານ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະການລົງທຶນ, ທ່ານ ແຊມ ຊຣາຍ ເນີ ອຸປະທູດ ລຸກຊໍາບວກ ປະຈໍາ ສປ ສສ ລາວ, ມີທ່ານນາງ ສີສົມບູນ ອຸນາວົງ ຫົວໜ້າກົມຮ່ວມມືສາກົນກະຊວງແຜນການ ແລະການລົງທຶນ, ມີບັນດາຫົວໜ້າ, ຮອງພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ກິແກ້ວ ຈັນທະບູຣີ ໃຫ້ຮູ້ວ່າ: ຍຸດທະສາດການຊ່ວຍເຫຼືອທາງການເພື່ອການພັດທະນາ ສປປ ລາວ ຮອດປີ 2030 ເປັນອີກເຄື່ອງມືໜຶ່ງທີ່ຜັນຂະຫຍາຍການຈັດ ຕັ້ງປະຕິບັດມາຈາກດໍາລັດ 357/ລບ ລົງວັນທີ 9 ຕຸລາ 2019 ວ່າດ້ວຍການຄຸ້ມຄອງທຶນການຊ່ວຍເຫຼືອທາງການເພື່ອການພັດທະນາ,ຊຶ່ງຍຸດທະສາດການຊ່ວຍເຫຼືອທາງການເພື່ອການພັດທະນາສປປລາວຮອດປີ 2030 ໄດ້ຖືກຮັບຮອງ ແລະ ປະກາດນໍາໃຊ້ຢ່າງເປັນທາງການພາຍໃຕ້ດໍາລັດວ່າດ້ວຍການຮັບຮອງ ແລະ ປະກາດໃຊ້ຍຸດ ທະສາດການລະດົມທຶນຊ່ວຍເຫຼືອທາງການເພື່ອການພັດທະນາ ສປປ ລາວ ຮອດປີ 2030 ສະບັບເລກທີ 236/ລບ, ລົງວັນທີ 18 ພຶດສະພາ 2020,ພ້ອມທັງເປັນອີກເຄື່ອງມືໜຶ່ງທີ່ຜັນຂະຫຍາຍການຈັດຕັ້ງປະຕິບັດມາຈາກດໍາລັດສະບັບເລກທີ357/ລບ ລົງວັນທີ 9ຕຸລາ 2019 ວ່າດ້ວຍການຄຸ້ມຄອງທຶນການຊ່ວຍເຫຼືອທາງການເພື່ອການພັດທະນາ, ສໍາລັບຄູ່ມືດັ່ງກ່າວສ້າງຂຶ້ນເພື່ອຈຸດປະສົງໃນການກໍານົດວິໄສທັດ, ທິດທາງ, ຫຼັກການ ແລະມາດຕະການໃນການລະດົມທຶນ, ການຄຸ້ມຄອງ ແລະນໍາໃຊ້ທຶນການຊ່ວຍເຫຼືອທາງການເພື່ອການພັດທະນາໃຫ້ມີປະສິດທິພາບ ແລະ ປະສິດທິຜົນສູງໄປຕາມທິດຍືນຍົງໂດຍສະເພາະແມ່ນເພື່ອໃຫ້ທຶນການຊ່ວຍເຫຼືອທາງ ການເພື່ອການພັດທະນາໄດ້ປະກອບສ່ວນຢ່າງຕັ້ງໜ້າເຂົ້າໃນການບັນລຸເປົ້າໝາຍການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ແລະ ການຈັດຕັ້ງປະຕິ ບັດເພື່ອບັນລຸເປົ້້າໝາຍສະຫະສະວັດເພື່ອການພັດທະນາແບບຍືນຍົງ (SDGs)ຂອງ ສປປ ລາວ.

  ໃນການສ້າງຍຸດທະສາດສະບັບນີ້, ໄດ້ເນັ້ນໜັກຕໍ່ກັບທິດທາງປ່ຽນແປງໃໝ່ຢ່າງກ້າວກະໂດດທີ່ຈະເຮັດໃຫ້ການຈັດຕັ້ງປະຕິບັດວຽກງານການລະດົມ-ຂົນຂວາຍ, ການຄຸ້ມຄອງ ແລະນໍາໃຊ້ ທຶນການຊ່ວຍເຫຼືອທາງການເພື່ອການ ພັດທະນາໄດ້ເປັນລະບົບກົນໄກທີ່ຈະແຈ້ງສົມບູນບັນດາຄູ່ຮ່ວມພັດທະນາ ແລະຂະແໜງການທີ່ກ່ຽວຂ້ອງລວມທັງທ້ອງຖິ່ນມີຄວາມເຂົ້າໃຈຕໍ່ກັບແນວທາງການພັດທະນາຂອງລັດຖະບານເພື່ອໃຫ້ການລະດົມທຶນຊກພມີຄວາມຄ່ອງຕົວວ່ອງໄວ, ຖືກທິດທາງ ແລະຮັບຮູ້ໄດ້ກ່ຽວ ກັບທ່າອ່ຽງຂອງການຊ່ວຍເຫຼືອທາງການເພື່ອການພັດທະນາໃນການສະໜັບສະໜູນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລ ຍະ.

_____________

ຂ່າວ: ຟ້າ

แชร์