ບ້ານດາກກະໜາດ ເປັນບ້ານວັດທະນາທຳ

  ປະກາດເມືອບໍ່ດົນມານີ້ ເມືອງຊານໄຊ ແຂວງອັນຕະປື ໄດ້ປະກາດບ້ານດາກກະໝາດເປັນ ບ້ານວັດທະນະທຳແຫ່ງທີ 20 ໃນ ຈຳນວນ 40 ບ້ານທົ່ວເມືອງ ແລະ ເປັນບ້ານທີ 97 ຂອງແຂວງ.

  ທ່ານ ນາງ ບຸນນານ ບຸນນະແສງຫົວໜ້າພະແນກຖະແຫຼງຂ່າວ, ວັດທະນາທຳ ແລະ ທ່ອງທ່ຽວແຂວງ ຕາງໜ້າອຳນາດການປົກຄອງ ແຂວງ, ເມືອງໄດ້ຕີລາຄາສູງຕໍ່ຄວາມພະຍາຍາມຂອງອົງການຈັດຕັ້ງທຸກຂັ້ນທີ່ກ່ຽວຂ້ອງມີສ່ວນຮ່ວມແລະຊຸກຍູ້ສ້າງໂອກາດໃຫ້ບ້ານດາກກະໜາດພັດທະນາຕົນເອງຈົນກາຍເປັນບ້ານແບບຢ່າງຫຼາຍ ດ້ານເຊັ່ນ: ບ້ານປອດຄະດີ, ບ້ານສາທາລະນະສຸກ, ບ້ານປອດຢາເສບ ຕິດ, ບ້ານຊາວໜຸ່ມ 4 ບຸກ, ບ້ານ ແມ່ຍິງ 3  ດີ,  ບ້ານລົບລ້າງການກືກໜັງສືຈົບມັດທະຍົມຕົ້ນ, ລົບລ້າງ ຄອບຄົວທຸກຍາກມາຮອດປະຈຸບັນ ຍັງເຫລືອພຽງ 8 ຄອບຄົວ, ສຳເລັດຮັບຮອງແຜນປະກາດເປັນໜ່ວຍພັກແຂງ-ຮູ້ນຳພາຮອບດ້ານ ແລະ ລ້າສຸດໄດ້ປະກາດເປັນບ້ານວັດ ທະນາທຳຢ່າງສົມກຽດ.

  ທັງໝົດນັ້ນ, ເປັນການຢືນຢັນ ເຖິງຄວາມຖືກຕ້ອງຂອງແນວທາງບວກໃສ່ການສະໜັບສະໜູນຈາກ ປະຊາຊົນຈຶ່ງເຮັດໃຫ້ບ້ານດາກກະໜາດກ້າວຂຶ້ນບໍ່ຢຸດຢັ້ງຕາມແນວ ທາງຂອງພັກ-ລັດ ເປັນການປະ ກອບສ່ວນສ້າງຊົນນະບົດໃຫ້ມີຊີວິດວັດທະນາທຳໃໝ່, ມີການພັດທະນາຮອບດ້ານກ້າວໄປເຖິງການລົບລ້າງຄວາມທຸຍາກເທື່ອລະກ້າວ.

  ບ້ານດາກກະໜາດ ເມືອງຊານ ໄຊ ແຂວງອັດຕະປື ແມ່ນບ້ານໜຶ່ງ ທີ່ໄດ້ສ້າງຕັ້ງຂຶ້ນໃນປີ 1963 ເຖິງ ປີ 2014 ຈາກການເຕົ້າໂຮມຫຼາຍ ບ້ານກະແຈກກະຈາຍຕາມເຂດພູດອຍຈົນກາຍເປັນບ້ານໃຫຍ່ປະຈຸບັນ, ແບ່ງອອກເປັນໜຶ່ງຄຸ້ມໃຫຍ່ທີ່ ຂຶ້ນກັບເຂດນໍ້າຊຸ, ພື້ນທີ່ຂອງບ້ານ ຕັ້ງຢູ່ພູດອຍລຽບສັນພູມີ 95 ຄອບຄົວ, 82 ຫຼັງຄາເຮືອນ, ມີພົນລະເມືອງທັງໝົດ 487 ຄົນ, ຍິງ 245 ຄົນ, ປະຊາຊົນລ້ວນແຕ່ເປັນເຜົ່າ ຕຣຽງ 100% ບ້ານດາກກະໜາດ ຕັ້ງຢູ່ຫ່າງຈາກເທສະບານເມືອງຊານໄຊ ໄປທາງທິດຕາເວັນອອກ ປະມານ 38 ກິໂລແມັດ, ຍ້ອນທີ່ ຕັ້ງຂອງບ້ານນອນຢູ່ເຂດເນີນສູງ ພູດອຍອາຊີບປະຊາຊົນສ່ວນໃຫຍ່ຈຶ່ງເລັ່ງໃສ່ການຜະລິດກະສິກຳເຮັດ ໄຮ່, ເຮັດສວນ, ເຮັດນາ, ລ້ຽງສັດ ແລະ ປູກຝັງເປັນຫລັກ.

แชร์