ອິນເດຍກຽມຂາຍຢາປິ່ນປົວໂຄວິດເມັດລະ 1,35 ໂດລາ

   ບໍລິສັດ ເກຣັນມາດ ຟາມາຊູຕິຄັລ ຂອງອິນເດຍກຽມຂາຍຢາປິ່ນປົວຄົນເຈັບທີ່ຕິດເຊື້ອໂຄວິດ-19 (ຟາວິພິຣາເວຍ) ເມັດລະ 1,35 ໂດ ລາສະຫະລັດ ຕາມຂ່າວຕ່າງປະເທດລາຍງານວ່າ ເກຣັນມາດ ຟາມາຊູຕິຄັລ ເປັນບໍລິສັດອິນເດຍແຫ່ງທຳອິດທີ່ຈຳໜ່າຍຢາຟາວິພິຣາເວຍ (Favipiravir) ໃນຕະຫຼາດພາຍໃນປະເທດເພື່ອປິ່ນປົວຄົນເຈັບທີ່ຕິດເຊື້ອໂຄວິດ-19 ອາການທີ່ບໍ່ຮ້າຍແຮງຈົນເຖິງປານກາງ,ຊຶ່ງຄຳຖະແຫຼງຂອງບໍລິສັດລະບຸວ່າໜ່ວຍງານກຳກັບຄວບຄຸມຂອງປະເທດໄດ້ອະນຸຍາດໃຫ້ບໍລິສັດຜະລິດຢາຟາວິພິຣາເວຍຊຶ່ງຈະຈັດຈຳໜ່າຍຕາມໃບສັ່ງຢາຈາກແພດພາຍໃຕ້ຊື່ຟາບິຟລູ (FabiFlu) ໃນລາຄາ 1,35 ໂດລາຕໍ່ເມັດ, ຢາຟາວິພິຣາເວຍທີ່ໄດ້ຮັບການສະ ໜັບສະໜູນທາງຄລິນິກສາມາດໃຊ້ປິ່ນປົວຄົນເຈັບທີ່ຕິດເຊື້ອໂຄວິດ-19 ທີ່ມີພະຍາດອື່ນແຊກຊ້ອນຢູ່ນໍາເຊັ່ນ: ພະຍາດເບົາຫວານ ແລະ ພະຍາດຫົວໃຈລວມເຖິງມີອາ ການຂອງເຊື້ອໂຄວິດ-19 ໃນລະດັບທີ່ບໍ່ຮ້າຍແຮງຈົນເຖິງປານກາງ.

  ຄຳຖະແຫຼງລະບຸຕື່ມວ່າ ຢາຟາວິພິຣາເວຍ ຊ່ວຍຫຼຸດປະລິມານໄວຣັດ ຢ່າງວ່ອງໄວພາຍໃນ 4 ວັນ ແລະຊ່ວຍໃຫ້ຄົນເຈັບທີ່ຕິດເຊື້ອໂຄວິດ-19 ທີ່ມີອາການບໍ່ຮ້າຍແຮງຈົນເຖິງປານກາງມີອາການດີຂຶ້ນສູງເຖິງ 88%.ຊຶ່ງລາຍງານລະບຸວ່າໃນວັນທີ 21 ມິຖຸນາທີ່ຜ່ານມາຍອດຄົນເຈັບທີ່ຕິດເຊື້ອໂຄວິດ-19 ໃນອິນເດຍຫຼາຍກວ່າ 4 ແສນຄົນ ແລະເສຍຊີວິດ 13 ພັນຄົນ.

____________

ໜັງສືພິມເສດຖະກິດ-ສັງຄົມ

แชร์