ຫວຽດນາມສົ່ງອອກໝາກມ່ວງ ໄປຍັງຫຼາຍປະເທດໃນໂລກ

  ປະຈຸບັນເມືອງມາຍເຊີນຂອງ ສສ ຫວຽດນາມ ມີເນື້ອທີ່ປູກຕົ້ນໝາກມ່ວງກວ່າ 2.600 ເຮັກຕາ, ໃນນັ້ນມີ 2.000 ເຮັກຕາໄດ້ປູກຕາມມາດຕະຖານ VietGap ເພື່ອສົ່ງອອກໄປຍັງຫຼາຍປະເທດໃນໂລກ.

  ຕາມຂ່າວສານຫວຽດນາມລາຍງານວ່າຢູ່ບັນດາສວນຕົ້ນໝາກມ່ວງຢູ່ຕາແສງກໍ່ນອຍ, ເມືອງມາຍເຊີນ, ແຂວງເຊີນລາໄດ້ພ້ອມກັບຫົວໜ່ວຍເກັບຊື້ໄດ້ເລືອກເອົາໝາກມ່ວງທີ່ບັນລຸ ມາດຕະຖານ, ງາມ, ມີຄຸນນະພາບສູງ ເພື່ອສົ່ງໄປຂາຍໃຫ້ຕະຫຼາດອາເມລິກາ.ນອກຈາກສົ່ງອອກໄປຍັງປະເທດອາເມລິກາ, ສປ ຈີນ ແລ້ວ, ໝາກມ່ວງມາຍເຊີນ ກໍ່ໄດ້ນຳໄປຂາຍຢູ່ຕະຫຼາດພາຍໃນປະເທດອີກດ້ວຍ ອ້າຍບຸຍວັນລົກ, ຢູ່ຕາແສງກໍ່ນອຍ ເມືອງມາຍເຊີນ ໃຫ້ຮູ້ວ່າ: “ປີນີ້ ເປັນປີທີ 3 ແລ້ວທີ່ຄອບຄົວຂ້າພະເຈົ້າສົ່ງອອກ ໝາກມ່ວງ, ໃນຊຸມປີຜ່ານມາໝາກມ່ວງພວມຖືກສົ່ງອອກໄປຍັງຈີນເປັນປົກກະຕິພໍສົມຄວນ ປີນີ້, ຍ້ອນໂລກລະບາດໂຄວິດ-19, ສະນັ້ນລາຄາຢູ່ທ້ອງຕະຫຼາດກໍ່ບໍ່ເປັນປົກກະຕິແຕ່ມີຂ່າວທີ່ວ່າໝາກມ່ວງຂອງເມືອງມາຍເຊີນຈະສົ່ງໄປເອີຣົບ,ສະນັ້ນພວກຂ້າພະເຈົ້າມີຄວາມປິຕິຊົມຊື່ນຫຼາຍ, ຕັດສິນໃຈພ້ອມກັນສົ່ງອອກໝາກມ່ວງທີ່ມີຄຸນນະພາບສູງ”.

  ປະຈຸບັນເມືອງມາຍເຊີນມີເນື້ອທີ່ປູກຕົ້ນໝາກມ່ວງກວ່າ 2.600 ເຮັກຕາ, ໃນນັ້ນມີ 2.000 ເຮັກຕາໄດ້ປູກຕາມມາດຕະຖານ Viet Gap, ປະລິມານເກັບກ່ຽວບັນລຸ 14.000 ໂຕນ/ປີ ຄາດວ່າປີນີ້ຢູ່ທົ່ວເມືອງມາຍເຊີນຈະສົ່ງອອກໝາກມ່ວງ 40 ລ້ານໂຕນໄປຍັງອາເມລິກາ.

_______________

ໜັງສືພິມເສດຖະກິດ-ສັງຄົມ

แชร์