ສຸຊານ ຊຸບເປີສະຕາບອລລີວູດເສຍຊີວິດແລ້ວ

 ສຸຊານ ສິງ ຣາຊະບຸດ ໜຶ່ງໃນນັກສະແດງຊື່ດັງທີ່ສຸດແຫ່ງວົງການຮູບເງົາບອລລີວູດຂອງອິນເດຍ ພົບເສຍຊີວິດຢູ່ພາຍໃນອະພາດເມນຂອງລາວທີ່ນະຄອນຫຼວງ ມູນໄບ ຕຳຫຼວດຄາດວ່າເປັນການ ຂ້າຕົວຕາຍ.

 ສຸຊານ ນັກສະແດງຮູບເງົາຊື່ ດັງຄົນອິນເດຍອາຍຸ 34 ປີ ພົບເສຍຊີວິດຢູ່ອາພາດເມນຂອງລາວໃນອາທິດທີ່ຜ່ານມາຕຳຫຼວດຢືນຢັນວ່າເປັນການຂ້າຕົວຕາຍແຕ່ຍັງບໍ່ ແນ່ໃຈວ່າແມ່ນຫຍັງທີ່ເປັນແຮງຈູງໃຈທັງນີ້ ສຸຊານ ເກີດໃນລັດພິຫານ ຈົບສຶກສາຄະນະວິສາວະກຳກ່ອນຈະອອກມາຕາມຫາຄວາມຝັນ ດ້ານການເຕັ້ນ ແລະການສະແດງ ລາວເລີ່ມເປັນທີ່ຮູ້ຈັກໃນລະຄອນຊີ ຣີເລື່ອງສາຍໃຍຮັກທີ່ເລີ່ມອອກອາກາດໃນປີ 2009 ກ່ອນຈະເປີດ ໂຕຮູບເງົາເລື່ອງທຳອິດຄື Kai Po Che ຊຶ່ງໄດ້ຮັບສຽງຊື່ນຊົມໃນງານເທສະການຮູບເງົາໃນນະຄອນຫຼວງເບີລິນ, ຂະນະທີ່ຮູບເງົາເລື່ອງສຸດທ້າຍຂອງລາວຄືເລື່ອງChhich hore ເຂົ້າສາຍໃນປີກ່ອນ, ຫຼັງ ຈາກຂ່າວການເສຍຊີວິດຂອງສຸຊານ ເປີດເຜີຍອອກມາຜູ້ຄົນຈຳນວນຫຼາຍຕ່າງອອກມາຮ່ວມສະແດງຄວາມເສຍໃຈລວມທັງນາຍົກລັດຖະມົນຕີອິນເດຍນະເຣນທາໂມດີ ກໍຂຽນຂໍ້ຄວາມນທະວິດເຕີວ່າ ສຸຊານ ນັກສະແດງໜຸ່ມຜູ້ມີອະນາຄົດສົດໄສຈາກເຮົາໄປໄວເກີນໄປລາວເກັ່ງທັງລະຄອນໂທລະພາບແລະຮູບເງົາການເຕີບໂຕຂອງລາວ ໃນວົງການບັນເທີງເປັນແຮງບັນດານໃຈໃຫ້ຄົນຈຳນວນຫຼາຍ ແລະ ລາວຖີ້ມການສະແດງທີ່ໜ້າ ຈົດຈຳຢ່າງຫຼວງຫຼາຍໄວ້ເບື້ອງຫຼັງຕົກໃຈຫຼາຍກັບການຈາກໄປຂອງລາວ ຂ້ອຍຂໍສະແດງຄວາມເສຍໃຈຕໍ່ຄອບຄົວ ແລະແຟນໆຮູບເງົາຂອງລາວດ້ວຍ.

--------

ຮຽບຮຽງໂດຍ: ແກ້ວ

แชร์