ຄວາມເຊື່ອຂອງວັດທະນະທໍາລາວ ກ່ຽວກັບໄມ້ຈັນຫອມ

  ໄມ້ຈັນຫອມ ເປັນຕົ້ນໄມ້ມຸງຄຸນທີ່ຄົນລາວ ຫຼື ຄົນໃນປະເທດໃນຊົມພູທະວີ ແລະປະເທດຕາເວັນອອກສ່ຽງໃຕ້ເຊັ່ນ: ມຽນມາ, ໄທ, ລາວ, ກໍາປູເຈຍ. ຖືເປັນຕົ້ນໄມ້ມຸງຄຸນທີ່ດີງາມ, ສ່ວນຄົນລາວ ເຮົານັ້ນຖືເປັນຕົ້ນໄມ້ມຸງຄຸນທີ່ກ່ຽວຂ້ອງກັບພຸດທະປະຫວັດຂອງພະສໍາມາສໍາພຸທທະເຈົ້າກໍ່ຄືຕອນມີພະຣາຊພິທີມຸງຄຸນຖວາຍພະນາມ ຂອງເຈົ້າຊາຍສິດທັດຖະກໍ່ມີເຄື່ອງ ຫອມປະກອບມີໄມ້ຈັນຫອມໃນພິທີນັ້ນດ້ວຍ ແລະຕອນທີ່ພະສໍາມາສໍາພຸດທະເຈົ້າຊົງດັບຂັນປະຣິນິພານ ແລະໃນພິທີຖວາຍພະເພີງກໍ່ມີໄມ້ ຈັນຫ້ອມເປັນໄມ້ທີ່ເຜົາພະສໍາມາສໍາພຸດທະເຈົ້າຄວາມເປັນມາຄວາມເຄົາລົບນັບຖືສິ່ງສູງສຸດທີ່ຕ້ອງມີ ສິ່ງທີ່ເປັນມຸງຄຸນກ່ຽວກັບໄມ້ຈັນຫອມຈຶ່ງສືບທອດມາສູ່ຄວາມ ເຊື່ອແລະວັດທະນະທໍາລາວເຮົາ.

  ໄມ້ຈັນຫອມຍັງເປັນໄມ້ທີ່ຫອມແຕ່ຖ້າຕົ້ນທີ່ຕາຍ (ຢືນຕົ້ນຕາຍຈຶ່ງຈະມີຄວາມຫອມເປັນທີ່ສຸດ) ຄວາມເຊື່ອນີ້ຄົງຈະປຽບເໝືອນບຸກຄົນໃຜຜູ້ໜຶ່ງຕອນທີ່ຍັງມີຊີວິດ ກໍ່ເຮັດສິ່ງທີ່ເປັນປະໂຫຍດແກ່ສັງຄົມ ແລະປະເທດຊາດບ້ານເມືອງ ເມື່ອໝົດອາຍຸໄຂໄປແລ້ວກຽດປະ ຫວັດ ແລະຊື່ສຽງຍິ່ງໂດ່ງດັງກະຈອນກະຈາຍໄປທົ່ວສາລະທິດປຽບດັ່ງຕົ້ນຈັນທີ່ຕາຍແລ້ວຍັງຈະມີກິ່ນຫອມຫວນໃຫ້ຜູ້ຄົນລະນຶກເຖິງ ດັ່ງນີ້, ສະນັ້ນຄວາມເຊື່ອຂອງໄມ້ຈັນຫອມ ຈຶ່ງນິຍົມໄປເປັນເຄື່ອງ ຍ້ອງຍໍສັນລະເສີນສູງສຸດຂອງຄົນ ໃນສະໄໝກ່ອນຈະນຳໄປເຮັດເປັນໂກດເປັນໂລງເປັນຟືນເປັນໄມ້ຖວາຍເພີງ ແລະເປັນເຄື່ອງປະກອບໃນພິທີກໍາຕ່າງໆ ໃຫ້ແກ່ຜູ້ທີ່ເຄົາລົບສູງ ສຸດເຊັ່ນ: ພະສົງກະສັດເຈົ້ານາຍ ແລະຜູ້ທີ່ມີຄຸນງາມຄວາມດີທັງຫຼາຍ,ການສ້ງຕັ້ງເມືອງວຽງຈັນ ໃນສະໄໝບູຮານນັ້ນເພີ່ນກໍໄດ້ເອົາໄມ້ຈັນຫອມມາປັກເປັນເສົາເຂດແດນຂອງເມືອງວຽງຈັນ,ນອກນັ້ນຍັງມີຊື່ທີ່ເປັນຄວາມໝາຍທີ່ເປັນມຸງຄຸນເຊັ່ນ: ມີຊື່ດອກຈັນ, ພະຈັນທະບູຣີປະສິດສັກ (ເຈົ້າເມືອງວຽງຈັນຜູ້ທໍາອິດ), ໜອງຈັນ, ວັດຈັນແລະເມືອງວຽງຈັນໃນສະ ໄໝກ່ອນນັ້ນຍັງມີຕົ້ນໄມ້ຈັນຫອມເກີດຂຶ້ນຢູ່ຫຼວງຫຼາຍຈົນເປັນ ປ່າດົງໄມ້ຈັນ, ນັບແຕ່ນັ້ນມາສະໄໝພະເຈົ້າໂພທິສະຣະຣາດ(ພໍ່ ຂອງເຈົ້າໄຊຍະເສດຖາທິຣາຊ) ເພີ່ນກໍເອົາໄມ້ຈັນຫອມມາເປັນເສົາຫຼັກເມືອງວຽງຈັນໃນຕອນນັ້ນ ແລະເມື່ອປິິ ຄສ 2012 ຫໍຫຼັກເມືອງວຽງຈັນ ກໍນໍາເອົາໄມ້ຈັນຫອມມາເປັນເສົາຫຼັກເມືອງເພື່ອເປັນສັນຍາ ລັກເປັນສິລິມຸງຄຸນໃຫ້ແກ່ບ້ານ ເມືອງຈະເລີນຮຸ່ງເຮືອງກອມຟູ້ງເມືອໜ້າຕະຫຼອດໄປ.

   ໄມ້ຈັນຫອມ ເປັນໄມ້ທີ່ມີກິ່ນຫອມຖ້າເປັນຕົ້ນທີ່ຢືນຕົ້ນຕາຍ ແລ້ວກິ່ນຈະຫອມຫຼາຍທີ່ສຸດຄົນສະໄໝກ່ອນຈະມັກນຳມາເຮັດຫີບເກັບເສື້ອຜ້າອາພອນ, ເຄື່ອງແກະສະ ຫຼັກ, ນໍາມາເຮັດທູບ, ເຮັດຫວີ, ໄມ້ຈັນຫອມຍັງມີຄຸນປະໂຫຍດເປັນຢາຮັກສາພະຍາດນໍາອີກເຊັ່ນ: ແກ້ໄຂ້, ເລືອດເປັນຜິດ, ອ່ອນເພຍ, ບໍາລຸງຫົວໃຈ, ສ່ວນນໍ້າມັນທີ່ສະກັດຈາກຕົ້ນຈັນຫອມຍັງນໍາໄປໃຊ້ເປັນເຄື່ອງຫອມ, ເຄື່ອງສໍາອາງ ແລະຢາຮັກສາໂລກຕ່າງໆອີກດ້ວຍ.

 

 

แชร์