ຮອງເຈົ້າເມືອງໄຊຍະບູລີແລກປ່ຽນບົດຮຽນກັບກຸ່ມສະຫະກອນຢູ່ເມືອງຫົງສາ

    ວັນທີ 20 ມິຖຸນາ 2020 ທ່ານ ສອນສະຫວັນ ຈັນທະວົງ ຮອງເຈົ້າເມືອງໄຊຍະບູລີພ້ອມດ້ວຍຄະນະໄດ້ລົງຢ້ຽມຢາມແລະແລກປ່ຽນບົດຮຽນກັບກຸ່ມສະຫະກອນເມືອງຫົງສາແຂວງໄຊຍະບູລີ, ໂດຍໄດ້ຮັບການຕ້ອນຮັບຢ່າງອົບອຸ່ນຈາກ ທ່ານ ທອງແຫຼງ ປັນຍານຸວົງ ຜູ້ຈັດການພັດທະນາສັງຄົມບໍລິສັດໄຟຟ້າຫົງສາພ້ອມດ້ວຍການນຳຂອງເມືອງຫົງສາ ແລະພະນັກງານພາຍໃນກຸ່ມສະຫະກອນດັ່ງກ່າວ.

  ການລົງຢ້ຽມຢາມ ແລະແລກປ່ຽນບົດຮຽນໃນຄັ້ງນີ້ທັງສອງຝ່າຍໄດ້ຄົ້ນຄວ້າ ແລະປຶກສາຫາລືແລກປ່ຽນບົດຮຽນກັັນເປັນຕົ້ນແມ່ນຂັ້ນຕອນການຈັດຕັ້ງປະຕິບັດຂອງສະຫາກອນ,ບັນດານິຕິກຳຕ່າງໆເພື່ອເປັນບ່ອນອີງໃນການຈັດຕັ້ງປະຕິບັດ, ຈາກນັ້ນກໍ່ໄດ້ລົງເບິ່ງພື້ນທີ່ການປູກພືດຕົວຈິງຂອງສະຫະກອນ, ຈຸດປະສົງກໍ່ແມ່ນເພື່ອຮຽນຮູ້ກ່ຽວກັບຂະບວນການສ້າງຕັ້ງກຸ່ມແລະສະຫະກອນທັງເປັນການຊອກຫາຕະຫຼາດໃຫ້ແກ່ກຸ່ມປູກຜັກຢູ່ພາຍໃນເມືອງໄຊຍະບູລີ, ພາຍຫຼັງຊອກຕະຫຼາດແລ້ວທັງເມືອງໄຊຍະບູລີຈະໄດ້ນຳພາກຸ່ມປູກພືດຜັກສະອາດຢູ່ບ້ານນາລາສ້າງເປັນເຮືອນຮົ່ມຕົວແບບ, ສ້າງເປັນກຸ່ມການຜະລິດພືດຜັກສະອາດຢູ່ພາຍໃນເມືອງເພື່ອສົ່ງອອກຂາຍໃນຕະ ຫຼາດໃຫ້ພຽງພໍ.

________________

ຂ່າວ: ສົມພົງ

แชร์