ແອັດສະປາຍຢຶດຢາເສບຕິດໄດ້ 3,8 ໂຕນ ໃນ 1 ເດືອນ

  ໃນໄລຍະເວລາຫຼາຍກວ່າ 1 ເດືອນທີ່ຜ່ານມາທາງການແອັດສະປາຍຢຶດຢາເສບຕິດປະເພດໂຄເຄນໄດ້ຫຼາຍເຖິງ 3,8 ໂຕນ ຈາກທ່າເຮືອບາເລນເຊີຍຊຶ່ງໂຄເຄນເຫຼົ່ານີ້ຖືກສົ່ງມາຈາກປະເທດໃນອາເມລິກາລາຕິນ.

 ຕາມຂ່າວຕ່າງປະເທດລາຍງານໃນວັນທີ 21 ມິຖຸນາທີ່ຜ່ານມາວ່າໃນໄລຍະເວລາຫຼາຍກວ່າ 1 ເດືອນທີ່ຜ່ານມາທາງການແອັດສະປາຍສາມາດຢຶດໂຄເຄນໄດ້ເຖິງ 3,8 ໂຕນ ຈາກທ່າເຮືອເມືອງບາເລນເຊີຍໂດຍໂຄເຄນເຫຼົ່ານີ້ຖືກບໍ່ຈຸໄວ້ໃນຕູ້ຄອນເທນເນີຊຶ່ງສົ່ງມາຈາກປະເທດໃນອາເມລິກາລາຕິນພ້ອມທັງຈັບກຸມຜູ້ຕ້ອງສົງໄສໄດ້ 11 ຄົນ ໃນຈຳນວນນີ້ເປັນຄົນແອັດສະປາຍ 8 ຄົນ, ຊາວດັດ 2 ຄົນ ແລະອີກ 1 ຄົນ ເປັນຊາວໄອວໍຣີໂຄສ ນອກຈາກນີ້ຍັງມີກຳມະກອນໃນທ່າເຮືອຈຳນວນໜຶ່ງຕົກເປັນຜູ້ຕ້ອງສົງໄສ, ຊຶ່ງການຈັບກຸມດັ່ງກ່າວມີຂຶ້ນຫຼັງຈາກທາງການແອັດສະປາຍໄດ້ຮັບແຈ້ງຈາກທາງການອາເມລິກາ.

 ທາງການແອັດສະປາຍລະບຸວ່າກຸ່ມຄົນຮ້າຍສວຍໂອກາດຂົນສົ່ງຢາເສບຕິດເຂົ້າມາໃນໄລຍະທີ່ມີການປະກາດສະຖານະການສຸກເສີນ ແລະມີມາດຕະການປິດປະເທດເພື່ອຄວບຄຸມພະຍາດເຮັດໃຫ້ການກວດຈັບຢາເສບຕິດຫຼຸດໜ້ອຍລົງ. 

____________

ໜັງສືພິມເສດຖະກິດ-ສັງຄົມ

แชร์