ຈີນກຽມຊື້ສິນຄ້າກະສິກຳຈາກອາເມລິກາ

  ເຈົ້າໜ້າທີ່ຂອງ ສປ ຈີນ ລະບຸໃນວັນທີ 21 ມິຖຸນາທີ່ຜ່ານມາວ່າ ຈີນກຽມຊື້ສິນຄ້າກະສິກຳຈາກອາເມລິກາ ເພື່ອບັນລຸຂໍ້ຕົກລົງການຄ້າໃນ ຊຸດທຳອິດ.

 ຕາມຂ່າວຕ່າງປະເທດລາຍງານວ່າ ຈີນກຽມຊື້ສິນຄ້າກະສິກຳຈາກ ອາເມລິກາ ເພື່ອບັນລຸຂໍ້ຕົກລົງສົງຄາມການຄ້າຊຸດທຳອິດ ໂດຍແຫຼ່ງຂ່າວລະບຸວ່າຈີນກຽມຍົກລະດັບການຊື້ສິນຄ້າກະສິກຳຈາກອາເມລິກາຄື: ໝາກ ຖົ່ວເຫຼືອງ, ເຂົ້າສາລີ ແລະເອທານອນ ເປັນຕົ້ນ ຊຶ່ງໃນກໍລະນີດັ່ງກ່າວລັດຖະບານຈີນຈະອອກຄຳສັ່ງໃຫ້ລັດວິສາຫະກິດທາງດ້ານກະສິກຳເປັນຜູ້ຊື້ສິນຄ້າເຫຼົ່ານີ້ ຊຶ່ງເປັນການສົ່ງສັນຍານບວກພາຍຫຼັງເຈົ້າໜ້າທີ່ລະດັບສູງຂອງທັງສອງຝ່າຍຫາລືກັນຢູ່ທີ່ຮາວາຍໃນວັນທີ 17 ມິຖຸນາປີ 2020 ທີ່ຜ່ານມາ ໂດຍໃນກໍລະນີດັ່ງກ່າວ ທ່ານ ໄມ ປອມເປໂອ ລັດຖະມົນຕີ ວ່າການກະຊວງຕ່າງປະເທດອາເມລິກາລະບຸວ່າຈະຍັງເຮັດຕາມຂໍ້ຕົກລົງການຄ້າທີ່ເຄີຍຕົກລົງກັນໄວ້.

  ຊຶ່ງຈີນເຄີຍສັນຍາວ່າຈະຊື້ສິນຄ້າກະສິກຳຈາກອາເມລິກາຈຳນວນ 36,5 ຕື້ໂດລາສະຫະລັດ ຊຶ່ງເພີ່ມຂຶ້ນຈາກປີ 2017 ທີ່ຢູ່ທີ່ 24 ຕື້ໂດລາ ໂດຍທາງກະຊວງການຄ້າອາເມລິກາເປີດເຜີຍຂໍ້ມູນວ່າ ໃນໄລຍະ 4 ເດືອນ ທຳອິດຂອງປີນີ້ ຈີນຊື້ສິນຄ້າກະສິກຳພຽງ 4,65 ຕື້ໂດລາ ໂດຍ ຄິດເປັນອັດຕາສ່ວນພຽງ 13% ຂອງສັນຍາ ແລະຍັງໜ້ອຍກວ່າໃນໄລຍະເວລາດຽວກັນຂອງປີ 2017 ເຖິງ 40%.

--------

ໜັງສືພິມເສດຖະກິດ-ສັງຄົມ

แชร์