ຍອດຂາຍຊຳຊຸງຫຼຸດລົງ 18% ແຕ່ຍັງເປັນອັນດັບ 1 ໃນທົ່ວໂລກ

    ຊຳຊຸງພົບພິດໂຄວິດ-19 ຍອດຂາຍຫຼຸດລົງ 18%  ແຕ່ຍັງເປັນ ອັນດັບ 1 ສະມາດໂຟນທົ່ວໂລກ.

  ສຳນັກວິໄຈເຄົາເຕີພອຍເປີດເຜີຍວ່າບໍລິສັດຊຳຊຸງເອເລັກໂຕຣນິກມີຍອດຂາຍສະມາດໂຟນໃນໄຕມາດທຳອິດຂອງປີ 2020 ຫຼຸດລົງ 18% ເມື່ອທຽບກັບໄລຍະເວລາ ດຽວກັນຂອງປີທີ່ແລ້ວອັນເນື່ອງມາຈາກການແຜ່ລະບາດຂອງໄວຣັດ ໂຄວິດ-19 ຢ່າງໃດກໍຕາມຊຳຊຸງຍັງຄອງອັນດັບ 1 ຜູ້ຈຳໜ່າຍສະ ມາດໂຟນທົ່ວໂລກລາຍງານລະບຸວ່າຊຳຊຸງມີຍອດຈຳໜ່າຍສະມາດ ໂຟນ 59 ລ້ານໜ່ວຍໃນເດືອນມັງກອນ-ມີນາ ທີ່ຜ່ານມາຊຶ່ງຫຼຸດລົງ ຈາກລະດັບຂອງປີກ່ອນໜ້າທີ່ 72 ລ້ານ ໜ່ວຍຊຳຊຸງຄອງສ່ວນແບ່ງຕະຫຼາດສະມາດໂຟນທົ່ວໂລກໃນໄຕມາດທຳອິດ 20% ຊຶ່ງຫຼຸດລົງ 1% ເມື່ອທຽບກັບປີກ່ອນໜ້າຕາມດ້ວຍ ບໍລິສັດຫົວເຫວີຍເຕັກໂນໂລຊີ 17% ແລະບໍລິສັດແອັບເປິ້ນ 14% ດ້ານ ແອລຈີເອເລັກໂຕຣນິກບໍລິສັດເຕັກໂນໂລຊີຂະໜາດໃຫຍ່ອັນດັບ 2 ຂອງ ສ.ເກົາຫຼີຄອງສ່ວນແບ່ງຕະຫຼາດ 2% ໃນໄຕມາດທຳອິດໂດຍມີຍອດຂາຍຫຼຸດລົງຫຼາຍກວ່າ 27% ຈາກໄລຍະດຽວກັນຂອງປີທີ່ແລ້ວມາຢູ່ທີ່ 5 ລ້ານໜ່ວຍ.

  ຢ່າງໃດກໍຕາມຜົນກະທົບຂອງໂຄວິດ-19 ເຮັດໃຫ້ຍອດຈຳໜ່າຍສະມາດໂຟນທົ່ວໂລກຢູ່ພຽງແຕ່ 295 ລ້ານໜ່ວຍໃນໄຕມາດທຳອິດຫຼຸດລົງ 13% ຈາກໄລຍະດຽວ ກັນຂອງປີກ່ອນ ແລະນັບເປັນຄັ້ງທຳອິດໃນຮອບ 6 ປີທີ່ຕົວເລກຫຼຸດລົງຕໍ່າກວ່າ 300 ລ້ານໜ່ວຍ.

------------

ໜັງສືພືມເສດຖະກິດ-ສັງຄົມ

แชร์