ນັກຮຽນ ມສ ສົງ ວັດຈອມເຂົາ ບໍລິຈາກເລືອດ

  ເມື່ອບໍ່ດົນມານີ້ສູນບໍຈາກເລືອດອົງການກາແດງລາວ ແຂວງບໍ່ແກ້ວ ຮ່ວມກັບໂຮງຮຽນ ມສ ພະສົງ ວັດຈອມເຂົາ ມະນີຣັດ ໄດ້ຈັດກິດຈະກຳບໍລິຈາກເລືອດຊ່ວຍເຫຼືອ ສັງຄົມແບບສະໝັກໃຈບໍ່ຫວັງສິ່ງຕອບແທນເນື່ອງໃນໂອກາດສະເຫຼີມສະຫຼອງວັນບໍລິຈາກເລືອດໂລກ 14 ມິຖຸນາ 2005-14 ມິຖຸນາ 2020 ຄົບຮອບ 15 ປີ ມີຄູ-ອາຈານ ແລະນັກຮຽນໂຮງຮຽນ ມສ ສົງເຂົ້າຮ່ວມ.

  ທ່ານ ດຣ ນາງ ບົວຄຳ ສຸວັນນະຄຳ ໃຫ້ຮູ້ວ່າ: ການຈັດກິດຈະກຳບໍລິຈາກເລືອດໃນຄັ້ງນີ້ແມ່ນເພື່ອສະເຫຼີມສະຫຼອງວັນບໍລິຈາກເລືອດໂລກ ແລະເພື່ອເປັນການປູກຈິດສຳນຶກ ແລະຮູ້ບຸນຄຸນຂອງ ຜູ້ມາບໍລິຈາກເລືອດ ຊຶ່ງມາຮອດປະຈຸບັນຄວາມຮຽກຂອງຄົນເຈັບຢູ່ຕາມໂຮງໝໍຕ່າງໆ ເປັນຕົ້ນແມ່ນໂຮງໝໍແຂວງ, ເມືອງສຸກສາລາໃນທ້ອງຖິນ, ເລືອດທີ່ຕອບສະໜອງ ໃຫ້ແກ່ຄົນເຈັບຍັງບໍ່ພຽງພໍ ເນື່ອງ ໃນວັນບໍລິຈາກເລືອໂລກສູນບໍລິຈາກເລືອດອົງການກາແດງແຂວງ ຮ່ວມກັບໂຮງຮຽນພະສົງຈັດກິຈະກຳບໍລິຈາກເລືອດດວຍຄວາມສະໝັກໃຈແບບບໍ່ຫວັງສິ່ງຕອບແທນ, ພ້ອມທັງໄດ້ບັນລະຍາຍໃຫ້ຮູ້ຜົນດີ-ຜົນຮ້າຍຂອງການບໍລິຈາກເລືອດ ໄດ້ມີພະສົງ, ສຳມະເນນສະໝັກໃຈບໍລິຈາກ 48 ຄົນ ກວດຜ່ານ 11 ຄົນ, ເທົ່າກັບ 11 ຖົງ ເທົ່າກັບ 3.850 cc ເລືອດທີ່ໄດ້ມານີ້ແມ່ນຈະນຳໄປປິ່ນປົ່ວຄົນເຈັບທີ່ນອນລໍຖ້າການຊ່ວຍເຫຼືອຈາກສັງຄົມຢູ່ຕາມໂຮງໝໍແຫ່ງຕ່າງໆ.

_____________

ໜັງສືພິມເສດຖະກິດ-ສັງຄົມ

แชร์