ສຳເລັດການບຸກເບີກເສັ້ນທາງເຂົ້າ ຫາແຫຼ່ງທ່ອງທ່ຽວຂຸນນໍ້າຄຳດິບ

  ເມື່ອບໍ່ດົນມານີ້ຫ້ອງການຖະແຫຼ່ງຂາວ, ວັດທະນະທຳ ແລະ ທ່ອງທ່ຽວເມືອງມະຫາໄຊໄດ້ລົງສົມທົບກັບອຳນາດການປົກຄອງບ້ານ ແລະທາງບໍລິສັດຊຶ່ງນຳໂດຍທ່ານ ໄກແກ້ວ ຂຸນມະນີ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງມະຫາໄຊ ເພື່ອລົງສຳຫຼວດ ແລະ ຕິດຕາມນຳທາງບໍລິສັດເພັດສຳພັນກໍ່ສ້າງເຄຫາສະຖານຂົວ-ທາງ ແລະຊົນ ລະປະທານຈຳກັດໄດ້ລົງທຶນການບຸກເບີກເສັ້ນທາງເຂົ້າແຫຼ່ງທ່ອງ ທ່ຽວຂຸນນໍ້າຄຳດິບ.ອີງຕາມຂໍ້ຕົກລົງຂອງເຈົ້າເມືອງໆມະຫາ ໄຊ ສະບັບເລກທີ 209/ຈມ,ມຊ ລົງວັນທີ 13 ພຶດສະພາ 2020 ວ່າດ້ວຍການແຕ່ງຕັ້ງຄະນະຊີ້ນຳ,

   ຄະນະກຳມະການຂັ້ນເມືອງລົງຊຸກຍູ້ຕິດຕາມການສຶກສາຄວາມເປັນໄປໄດ້ໃນການພັດທະນາແຫຼ່ງທ່ອງທ່ຽວຂຸນນໍ້າຄຳດິບຢູ່ບ້ານເຫຼົ່າດັ່ງນັ້ນທ່ານ ໄກແກ້ວ ຂຸນມະນີ ຫົວໜ້າຫ້ອງການຖະແຫຼງ ຂ່າວ-ວັດທະນະທຳ ແລະທ່ອງທ່ຽວ ເມືອງມະຫາໄຊ ຈຶ່ງໄດ້ລົງສຳຫຼວດ ແລະຕິດຕາມນຳທາງບໍລິສັດເພັດສຳພັນກໍ່ສ້າງເຄຫາສະຖານຂົວ-ທາງ ແລະຊົນລະປະທານຈຳກັດ ທີ່ໄດ້ລົງທຶນການບຸກເບີກເສັ້ນທາງເຂົ້າແຫຼ່ງທ່ອງທ່ຽວຂຸນນໍ້າຄຳດິບໃນປະຈຸບັນນີ້ການບຸກເບີກເສັ້ນທາງເຂົ້າໃນສະຖານທີ່ແຫຼ່ງທ່ອງ ທ່ຽວແມ່ນບັນລຸແລ້ວ 100% ຢູ່ບ້ານເຫຼົ່າ-ນາຄຳ ເມືອງມະຫາໄຊ ແຂວງຄຳມ່ວນ.

 ນອກນັ້ນທາງບໍລິສັດຍັງໄດ້ຈ້າງພໍ່ແມ່ປະຊາຊົນບ້ານໃກ້ເຮືອນຄຽງ, ໄປຖ່າງປ່າໃນຂອບເຂດບໍລິເວນແຄມຫ້ວຍມີເນື້ອທີ່ທັງໜົດໃນການຖ່າງປ່າໃນບໍລິເວນແມ່ນ 30,40 ເຮັກຕາ ຊຶ່ງໃນການຖ່າງປ່າແຄມຫ້ວຍນັ້ນແມ່ນໄດ້ສໍາເລັດປະມານ 70% ແລະທາງອຳນາດການປົກຄອງບ້ານກໍ່ຍັງໄດ້ເອົາໃຈໃສ່ລົງຕິດຕາມກວດກາຜົນການບຸກເບີກເສັ້ນທາງເຂົ້າແຫຼ່ງທ່ອງທ່ຽວຂຸນນໍ້າຄໍາດິບຢ່າງເປັນປະຈຳ.

____________

ໜັງສືພິມພິມເສດຖະກິດ-ສັງຄົມ

แชร์