ທົ່ວໂລກເສຍຊີວິດຈາກເຊື້ອໂຄວິດຫຼາຍກວ່າ 4,5 ແສນຄົນ

   ຈຳນວນຜູ້ເສຍຊີວິດໃນໂລກຍ້ອນໂລກລະບາດໂຄວິດ-19 ແມ່ນຫຼາຍກ່ວາ 4,5 ແສນຄົນ ໂດຍໃນຮອບເວລາ 24 ຊົ່ວໂມງຜ່ານມາ, ທົ່ວປະເທດ ອາເມລິກາ ໄດ້ກວດພົບຜູ້ຕິດເຊື້ອໃໝ່ຕື່ມອີກ 26.000 ຄົນ ແລະມີ 809 ຄົນເສຍຊີວິດຕາມເວັບໄຊສະຖິຕິ worldometers.org ແລ້ວ,ໄລ່ຮອດເວລາ 8 ໂມງເຊົ້າວັນທີ 18 ມິຖຸ ນາ (ຕາມເວລາຂອງບ້ານເຮົາ), ທົ່ວໂລກໄດ້ຢັ້ງຢືນມີຈຳນວນຜູ້ຕິດເຊື້ອໄວຣັດ ໂຄວິດ-19 ແມ່ນ 8.393.096 ຄົນ, ໃນນັ້ນ ຈຳນວນຜູ້ເສຍຊີວິດຍ້ອນໂລກລະບາດໂຄວິດ-19 ແມ່ນ 450.452 ຄົນ. ປະຈຸບັນຈຳນວນຜູ້ຕິດເຊື້ອໄດ້ຮັບການປິ່ນປົວຫາຍດີເປັນປົກກະຕິແມ່ນ 4,4 ລ້ານຄົນ. ໃນຮອບເວລາ 24 ຊົ່ວໂມງຜ່ານມາ, ທົ່ວປະ ເທດອາເມລິກາໄດ້ກວດພົບຜູ້ຕິດເຊື້ອໃໝ່ຕື່ມອີກ 26.000 ຄົນ ແລະມີ 809 ຄົນເສຍຊີວິດ. ຍອດຈຳນວນຜູ້ຕິດເຊື້ອໄວຣັດໂຄວິດ-19 ຢູ່ ອາເມລິກາແມ່ນ 2.234 .471 ຄົນ ແລະ ຍອດຈຳນວນຜູ້ເສຍຊີວິດແມ່ນ 119.941 ຄົນ. ຢູ່ ອາຊີ, ຊຶ່ງແມ່ນສະຖານທີ່ເກີດໂລກລະບາດໃນທ້າຍປີ 2019 ປະຈຸບັນພວມປະເຊີນໜ້າກັບຄວາມສ່ຽງອາດຈະແຜ່ລະບາດຄັ້ງທີ 2 ເມື່ອກວດພົບຜູ້ຕິດເຊື້ອໃໝ່ຫລາຍຄົນຢູ່ ຈີນ, ອິນເດຍ, ອິນໂດເນເຊຍ…ໃນຂະນະນັ້ນ, ສະພາບການໂລກລະບາດຢູ່ ເອີຣົບ ສືບຕໍ່ມີທ່າອ່ຽງຫຼຸດລົງ, ສ້າງເງື່ອນໄຂສະດວກເພື່ອໃຫ້ບັນດາປະເທດຢູ່ເອີຣົບຜ່ອນຜັນບັນດາມາດຕະການປ້ອງກັນໂລກລະບາດ ແລະ ເປີດດ່ານຊາຍແດນ, ຟື້ນຟູການເຄື່ອນໄຫວເສດຖະກິດເທື່ອລະກ້າວ.

_____________

ໜັງສືພິມເສດຖະກິດ-ສັງຄົມ

แชร์