ຫົວເຫວີຍເປີດໂຕອາຊຽນອາກາເດມີເສີມສັກກະຍະພາບ ບຸກຄະລາກອນດ້ານດິຈິທັລ

  ຫົວເຫວີຍ ເປີດໂຕ Hua wei ASEAN Academy ແຫ່ງທຳອິດຂອງພາກພື້ນອາຊີປາຊີຟິກໃນປະເທດມາເລເຊຍໂດຍເນັ້ນໃຫ້ເປັນສູນກາງຫຼັກສູດການຝຶກອົບ ຮົມຊ່ວຍສົ່ງເສີມຄວາມສາມາດດ້ານດິຈິທັລໃນລະດັບພາກພື້ນ.

  ສຳລັບຄວາມມຸ້ງໝັ້ນໃນຄັ້ງນີ້ຫົວເຫວີຍຕັ້ງເປົ້າຝຶກອົບຮົມບຸກຄະລາກອນໃຫ້ໄດ້ 50.000 ຄົນພາຍໃນເວລາ 5 ປີຂ້າງໜ້າທັງນີ້ສູນຝຶກອົບຮົມດັ່ງກ່າວໄດ້ເປີດຫຼັກສູດຝຶກອົບຮົມດ້ານເຕັກໂນໂລຊີໄອທີ ແລະການສື່ສານ (ICT) ຫຼາຍກວ່າ 3.000 ຫຼັກສູດພ້ອມຜູ້ອົບຮົມທີ່ມີຄວາມຊ່ຽວຊານ 100 ຄົນທີ່ຈະຊ່ວຍພັດທະນາຄວາມສາ ມາດຂອງບຸກຄະລາກອນດ້ານດິຈິທັລໄດ້ຢ່າງເຕັມທີ່ “Huawei ASEAN Academy ໃນປະເທດມາເລເຊຍເປັນສູນຝຶກອົບຮົມແຫ່ງທຳອິດໃນພາກພື້ນອາຊີປາຊິຟິກຊຶ່ງມີບົດບາດສຳຄັນສຳລັບການພັດທະນາດ້ານ ICT ເພື່ອນຳໄປສູ່ການເຕີບໂຕທາງເສດຖະກິດດິຈິທັລ ແລະທີ່ສຳຄັນຄືການອົບຮົມ ແລະພັດທະນາຄົນທ້ອງຖິ່ນເພື່ອໃຫ້ພວກເຂົາໄດ້ຮັບຄວາມຮູ້ດ້ານ ICT ຢ່າງເໝາະສົມແລະສາມາດນຳໄປປັບໃຊ້ກັບໂລກໃນປະຈຸບັນທີ່ມີການປ່ຽນແປງຢູ່ຕະຫຼອດເວລາ.

  ທັງນີ້ກະຊວງການສື່ສານ ແລະ ມັລຕິມີເດຍ (Ministry of Com munications and Multime dia-KKMM) ແລະຫົວເຫວີຍໄດ້ສານສຳພັນ ແລະຮ່ວມງານດ້ານ ICT ກັນມາຢ່າງຍາວນານນັບຕັ້ງແຕ່ບໍລິສັດຫົວເຫວີຍມາເລເຊຍໄດ້ກໍ່ຕັ້ງຂຶ້ນມາເປັນຄັ້ງທຳອິດໃນປີ 2001 ແລະເຮົາຍັງມຸ້ງຫວັງວ່າທັງສອງຝ່າຍຈະປະສົບຄວາມສຳເລັດກັບຄວາມຮ່ວມມືຕ່າງໆອີກຫຼາຍຢ່າງໃນພາຍໜ້າເພື່ອຊຸກຍູ້ເສດຖະກິດດິຈິທັລໄປສູ່ແນວທາງທີ່ຖືກຕ້ອງ” ທ່ານ ວາຍບີດາໂຕະໄຊຟຸດດິນອັບດຸລລະລັດຖະມົນຕີປະຈຳກະຊວງການສື່ສານ ແລະມັລຕິມີເດຍຂອງປະເທດມາເລເຊຍກ່າວ.

___________

ໜັງສືພິມເສດຖະກິດ-ສັງຄົມ

แชร์