ໂຮງຮຽນສາທາລະນະສຸກແຂວງຄຳມ່ວນ ສົ່ງນັກສຶກສາລົງຝຶກຢູ່ຊຸມຊົນ

  ໃນວັນທີ 15 ມິຖຸນາ 2020 ໂຮງຮຽນສາທາລະນະສຸກແຂວງ ຄໍາມ່ວນ ໄດ້ຈັດສົ່ງນັກສຶກສາລະບົບຊັ້ນສູງພະຍາບານສາຍກົງຮຸ້ນທີ 3 ລົງປະຕິບັດຢູ່ຊຸມຊົນທີ່ບ້ານບໍ່ ແໜ່ງເມືອງຫີນບູນແຂວງຄຳມ່ວນໂດຍມີທ່ານ ດຣ ເຂັມພາວັນ ມະນີວົງ ອຳນວຍການໂຮງຮຽນສາທາລະນະສຸກແຂວງ, ເປັນກຽດເຂົ້າ ຮ່ວມມີທ່ານ ຄຳສິງ ອໍລະວັນ ເຈົ້າເມືອງຫີນບູນ, ມີບັນດາທ່ານຕາງ ໜ້າຈາກພະແນກສາທາລະນະສຸກ ແຂວງ, ຫ້ອງການສາທາລະນະສຸກ ເມືອງພ້ອມດ້ວຍຄູ-ອາຈານ, ນັກສຶກສາ, ອໍານາດການປົກຄອງບ້ານ ແລະພໍ່ແມ່ປະຊາຊົນເຂົ້າຮ່ວມ .

  ພາຍຫຼັງທີ່ໄດ້ຜ່ານການຮຽນພາກທິດສະດີຢູ່ໂຮງຮຽນສາທາ ລະນະສຸກແຂວງ ແລະຝຶກປະຕິບັດ ງານຕົວຈິງຢູ່ໂຮງໝໍແຂວງແລ້ວ ນັກສຶກສາກໍ່ຈະໄດ້ລົງຝຶກປະຕິບັດ ງານຕົວຈິງຢູ່ຊຸມຊົນຕາມຫຼັກສູດ ທີ່ທາງໂຮງຮຽນໄດ້ວາງອອກ ໂດຍ ປະຕິບັດຕາມຄຳຂວັນທີ່ວ່າ “ທິດສະດີຕ້ອງໄປຄຽງຄູ່ກັບພາກປະຕິບັດຕົວຈິງ” ເພື່ອໃຫ້ນັກສຶກສາສາມາດຮູ້ຈັກໂຄງສ້າງການຈັດຕັ້ງຢູ່ ພື້ນຖານ, ສາມາດຊອກຮູ້ປະສົບການໃນວຽກງານຕ່າງໆ, ສາມາດເກັບກໍາຂໍ້ມູນພື້ນຖານດ້ານສາທາລະນະສຸກ ແລະຊອກຮູ້ບັນຫາຂອງຊຸມຊົນ, ວິເຄາະບັນຫາສຸຂະພາບໃນຊຸມຊົນ, ການພັດທະນາໂຄງການ, ການແກ້ໄຂບັນຫາສຸຂະພາບທີ່ເນັ້ນການມີສ່ວນຮ່ວມຂອງຊຸມຊົນ, ຮູ້ຈັກກັບສະພາບແວດລ້ອມ ແລະ ຄວາມເປັນຢູ່ຂອງປະຊາຊົນຢູ່ທ້ອງຖິ່ນໃນການຮັກສາສຸຂະພາບດ້ານຕ່າງໆ ລວມເຖິງປັດໄຈຈາກສິ່ງແວດລ້ອມທີ່ມີຜົນຕໍ່ສຸຂະພາບ, ພ້ອມທັງເປັນການລົງເກັບກຳຂໍ້ມູນເພື່ອມາປະກອບເຂົ້າໃນການຂຽນບົດຈົບຊັ້ນຫຼັກສູດພະຍາບານສາຍກົງປີທີ 3 ຮຸ້ນທີ 3 ຂອງໂຮງຮຽນສາທາລະນະສຸກແຂວງຄຳມ່ວນ.

  ສຳລັບການລົງປະຕິບັດຢູ່ຊຸມຊົນໃນຄັ້ງນີ້ມີຈຳນວນນັກສຶກສາທັງໝົດ 57 ຄົນ ແລະຈະໃຊ້ເວລາ 1 ເດືອນ ເລີ່ມແຕ່ວັນທີ 15 ມິຖຸນາ ຫາ 15 ກໍລະກົດ 2020 ຈຶ່ງຈະສຳເລັດ.

--------

ໂດຍ: ກອງຄຳ

แชร์