ສານສູງສິງກະໂປຕັດສີນປະຫານຊີວິດ ຜ່ານແອັບຊູມເປັນຄັ້ງທຳອິດໃນຊ້ວງໂຄວິດ-19

ປະເທດສິງກະໂປມີກົດໝາຍ ແລະບົດລົງໂທດທີ່ເຂັ້ມງວດ ໂດຍ ສະເພາະຄະດີຢາເສບຕິດຮ້າຍແຮງສຳລັບຜູ້ລັກຂົນຢາເສບຕິດ ຫຼື ມີໄວ້ ໃນການຄອບຄອງເກີນ 15 ກຣາມ ຂຶ້ນໄປອາດມີໂທດສູງສຸດເຖິງຂັ້ນປະຫານຊີວິດໂດຍຮັກສາມາດຕະຖານຢ່າງທ່ຽງຕົງແລະບໍ່ສາມາດຜ່ອນຜັນໄດ້.

ທ່າມກາງການແຜ່ລະບາດຂອງ ໂຄວິດ-19 ຫຼາຍປະເທດໄດ້ມີການຮັກສາໄລຍະຫ່າງທາງສັງຄົມທຸລະກິດຈຳນວນຫຼາຍຕ້ອງຫຼຸດການປະຊຸມ ແລະລວມຕົວກັນຈຶ່ງຫັນມາປະຊຸມກັນຜ່ານວິດີໂອຄອລ ແລະສານສູງສິງກະໂປກໍໄດ້ໃຊ້ວິທີການຕັດສີນຄະດີຜ່ານແອັບ Zoom ເຊັ່ນດຽວກັບຫຼາຍທຸລະກິດ ແລະ ຍັງຄົງຮັກສາກົດໝາຍທີ່ເຂັ້ມງວດໂດຍໄດ້ຕັດສີນປະຫານຊີວິດຜ່ານແອັບ Zoom ເປັນຄັ້ງທຳອິດ.

  ສຳນັກຂ່າວ The Straits Times ຂອງສິງກະໂປນຳສະເໜີວ່າ PunithanGenasan ຊາຍຊາວມາເລເຊຍຖືກພົບວ່າມີສ່ວນຮ່ວມໃນການກະທຳຜິດຄະດີຄ້າຢາເສບຕິດໂດຍໄດ້ອຳນວຍຄວາມສະດວກໃນການຄ້າເຮໂຣອິນ 28,5 ກິໂລກຣາມໃນປີ 2011 ກ່ອນອອກໄປນອກປະເທດ ຊຶ່ງມາເລເຊຍມີນະໂຍບາຍຕໍ່ຕ້ານຢາເສບຕິດທີ່ຜິດກົດໝາຍຢ່າງເຄັ່ງຄັດຈາກນັ້ນ ຈຶ່ງຖືກສົ່ງໃນຖານະຜູ້ຮ້າຍຂ້າມແດນໄປຍັງສິງກະໂປໃນປີ 2016 ໃນທີ່ສຸດພົບວ່າມີຄວາມຜິດ ແລະເມື່ອວັນທີ 15 ພຶດສະພາຖືກສານສູງ ສິງກະໂປຕັດສີນປະຫານຊີວິດຜ່ານແອັບ Zoom ທີ່ມີການວິດີໂອຄອລ ລະຫວ່າງເຈົ້າໜ້າທີ່ຂອງສານສູງ ແລະທະນາຍຂອງ Genasan ຝ່າຍຈຳເລີຍ ຊຶ່ງທະນາຍບໍ່ໄດ້ກ່າວຄັດຄ້ານຄຳຕັດສີນ.

---------

ໜັງສືພິມເສດຖະກິດ-ສັງຄົມ

แชร์