ສໍາຜັດ ບຶງວະສະຖານທີ່ສວຍງາມ

 ລາວເປັນປະເທດທີ່ເຕັມໄປດ້ວຍມົນສະເໜ່ແຫ່ງຄວາມສະຫງົບລຽບງ່າຍມີທຳມະຊາດທ່າມກາງພູຜາປ່າດົງທີ່ສວຍສົດງົດງາມພ້ອມທັງຍັງອະນຸລັກທໍາມະຊາດຄົງໄວ້ໄດ້ທີ່ຄົນຕ່າງປະເທດມາຮອດຈອດເຖິງຕ່າງກໍ່ອິດສາ ແລະ ຍົກໃຫ້ເປັນອີກໜຶ່ງປະເທດທີ່ໜ້າ ທ່ອງທ່ຽວທີ່ສຸດ,ນອກນັ້ນຍັງມີ ເມືອງສວຍງາມປະຊາຊົນກໍ່ໜ້າຮັກ ແລະຈາກການເປັນເມືອງທີ່ໜ້າ ທ່ອງທ່ຽວແນວນີ້ ນັກທ່ອງທ່ຽວ ຈຶ່ງບໍ່ພາດມາສຳຜັດທໍາມະຊາດທີ່ຫາເບິ່ງໄດ້ຍາກ.

  ບຶງວະເປັນແຫຼ່ງທ່ອງທ່ຽວທຳມະຊາດ ແລະເປັນໜອງຂະໜາດໃຫຍ່ທີ່ມີທິວທັດທຳມະຊາດທີ່ງົດ ງາມ, ອາກາດສົດຊື່ນເຢັນສະບາຍ ແລະເຕັມໄປດ້ວຍບັນຍາກາດແຫ່ງຄວາມຮົ່ມເຢັນນະຄອນ ໄກສອນ ພົມວິຫານ ຖືວ່າເປັນລະດູການ ທ່ອງທ່ຽວທີ່ດີ ແລະໄດ້ຮັບຄວາມ ນິຍົມຫຼາຍ ຊຶ່ງເມື່ອໃດທ່ານໄປຮອດ ແຂວງສະຫວັນນະເຂດ ແລ້ວກໍ່ ຢ່າພາດໄປທ່ຽວບຶງດັ່ງກ່າວນີ້ໃຫ້ ໄດ້ຮັບຮອງຕິດອົກຕິດຕາ ແລະປະທັບໃຈຢ່າງແນ່ນອນ.

ສຳລັບການເດີນທາງໄປແຫຼ່ງ ທ່ອງທ່ຽວບຶງວະນີ້ໃຊ້ເວລາບໍ່ດົນປານໃດເນື່ອງຈາກສະຖານທ່ດັ່ງ ກ່າວຢູ່ບໍ່ໄກຈາກຕົວເມືອງປານ ໃດຄື 5 ກິໂລແມັດເທົ່ານັ້ນ ແລະ ເປັນທາງປູຢາງຕັ້ງຢູ່ບ້ານບຶງວະນະຄອນໄກສອນ ພົມວິຫານ ແຂວງ ສະຫວັນນະເຂດທາງທິດຕາເວັນອອກຂອງເທສະບານແຂວງ ຊຶ່ງໃນວັນເສົາ-ອາທິດ ຫຼື ມື້ພັກເທສະການຕ່າງໆ, ປະຊາຊົນຈະອອກມາພັກຜ່ອນກິນເຂົ້າຕາມຕູບນ້ອຍ ລຽບຕາມແຄມໜອງລວມທັງມີຮ້ານອາຫານບໍລິການນັກທ່ອງທ່ຽວທີ່ເດີນທາງໄປທ່ຽວຊົມ.

--------

ໜັງສືພິມເສດຖະກິດ-ສັງຄົມ

 

แชร์