ເມືຶອງວິລະບູລີ ຈັດກິດຈະກຳສະເຫຼີມສະຫຼອງວັນສິ່ງເເວດລ້ອມໂລກ ຄົບຮອບ 48 ປີ

   ຫ້ອງການຊັບພະຍາກອນທໍາມະຊາດ ແລະສິ່ງແວດລ້ອມເມືອງວິລະບູລີ ແຂວງສະຫວັນນະເຂດ ໄດ້ຈັດພິທີສະເຫຼີມສະຫຼອງວັນສິ່ງແວດລ້ອມໂລກຄົບຮອບ 48 ປີ (5/6/1972-5/6/2020) ທີ່ຫ້ອງການບ້ານບຸ່ງຄໍາ ໃນວັນທີ 11 ມີນາຜ່ານມາໂດຍການເຂົ້າຮ່ວມຂອງທ່ານ ຄໍາຜຸຍ ສີບຸນເຮືອງ ເຈົ້າເມືອງວິລະບູລີ, ມີບັນດາທ່ານຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ອໍານາດການປົກຄອງບ້ານ, ຄູ-ອາຈານ, ຕາງໜ້າບໍລິສັດລ້ານຊ້າງມີເນໂຣນ ສ໌ລິມິເຕັດ ຕະຫຼອດຮອດປະຊາຊົນພາຍໃນບ້ານດັ່ງກ່າວເຂົ້າຮ່ວມ.
  ທ່ານເຈົ້າເມືອງວິລະບູລີກ່າວໃນພິທີວ່າ: ການປົກປັກຮັກສາສິ່ງແວດລ້ອມແມ່ນຖືເປັນສິ່ງສໍາຄັນຫຼາຍໂດຍສະເພາະກໍ່ແມ່ນການປົກປັກຮັກສາປ່າໄມ້ໃຫ້ມີຄວາມອຸດົມສົມ ບູນ ຫຼື ໃຫ້ມີປ່າໄມ້ປົກຄຸມຢ່າງໜ້ອຍກວມ 70% ໃນທົ່ວປະເທດເວົ້າສະເພາະກໍ່ແມ່ນພາຍໃນເມືອງວິລະບູລີຂອງພວກເຮົາກໍ່ໄດ້ຖືເອົາວຽກງານການປົກປັກຮັກສາສິ່ງ ແວດລ້ອມເປັນສິ່ງສໍາຄັນຕະຫຼອດມາເຊັ່ນວ່າ: ມີສະຖານທີ່ກໍາຈັດຂີ້ເຫຍື້ອ, ການປູກຕົ້ນໄມ້ທົດແທນໃນແຕ່ລະປີ ແລະ ອື່ນໆ, ເພາະວ່າໃນປະຈຸບັນນີ້, ບັນຫາສິ່ງແວດ ລ້ອມແມ່ນໄດ້ຮັບຜົນກະທົບຫຼາຍສົມຄວນດ້ວຍສາເຫດປັດ ໄຈຫຼາຍດ້ານສະນັ້ນ, ໃນມື້ນີ້ເມືອງວິລະບູລີຂອງພວກເຮົາຈຶ່ງໄດ້ມີກິດຈະກໍາການປູກຕົ້ນໄມ້ນີ້ຂຶ້ນມາເພື່ອທົດແທນໃຫ້ພາກສ່ວນທີ່ສູນເສຍໄປໂອກາດນີ້, ທ່ານເຈົ້າເມືອງກໍ່ຍັງໄດ້ຮຽກຮ້ອງມາຍັງທຸກພາກສ່ວນຈົ່ງພ້ອມກັນເອົາໃຈໃສ່ໃນການປົກປັກຮັກສາສິ່ງແວດລ້ອມຢ່າງຕັ້ງໜ້າ ເພື່ອສ້າງໃຫ້ເມືອງວິລະບູລີກາຍເປັນເມືອງ 4 ໃນອະນາຄົດ.


  ຈາກນັ້ນ, ທ່ານ ວົງພະຈັນ ສຸວັນນະລາດ ຮອງຫົວໜ້າຫ້ອງການຊັບພະຍາກອນທໍາມະຊາດ ແລະສິ່ງ ແວດລ້ອມເມືອງກໍ່ໄດ້ລາຍງານໃຫ້ຮູ້ເຖິງການເຄື່ອນໄຫວວຽກ ງານສິ່ງແວດລ້ອມໃນໄລຍະ 1 ປີທີ່ຜ່ານມາເຊິ່ງກໍ່ເຫັນໄດ້ວ່າມີຫຼາຍອັນພົ້ນເດັ່ນຫຼາຍສົມຄວນ, ແຕ່ຍັງກໍ່ມີບາງດ້ານທີ່ຍັງຄົງຄ້າງ ແລະໃນຕໍ່ໜ້າກໍ່ຈະໄດ້ສືບຕໍ່ແກ້ໄຂບັນ ຫາທີ່ຍັງຄົງຄ້າງໃຫ້ໄດ້ດີຂຶ້ນກວ່າເກົ່າ. ສໍາລັບການຈັດກິດຈະກໍາໃນຄັ້ງນີ້ແມ່ນໄດ້ມີການປູກເບ້ຍໄມ້ຢູ່ທີ່ເດີ່ນຫ້ອງການບ້ານບຸ່ງຄໍາ ແລະເດີ່ນໂຮງຮຽນອະນຸບານພູຄໍາເຊິ່ງ ມີເບ້ຍໄມ້ທັງໝົດ 304 ເບ້ຍ ໃນນັ້ນມີເບ້ຍຈໍາປາ 60 ເບ້ຍ, ເບ້ຍໄມ້ ໝາກຂາມ 21 ເບ້ຍ, ໄມ້ສົ້ມຝາດ 101 ເບ້ຍ, ໄມ້ກະຈະ 22 ເບ້ຍ, ໄມ້ ແຕ້ 42 ເບ້ຍ, ໄມ້ບົກ 52 ເບ້ຍ ແລະເບ້ຍໄມ້ແຄນ 6 ເບ້ຍ ເຊິ່ງເບ້ຍໄມ້ທັງໝົດແມ່ນບໍລິສັດລ້ານຊ້າງມີເນໂຣນສ໌ລິມິເຕັດເປັນຜູ້ສະໜອງໃຫ້.

แชร์