ຍີ່ປຸ່ນຊ່ວຍເຫຼືອບໍລິສັດທີ່ໄດ້ຮັບຜົນກະທົບ

 ທະນາຄານກາງຍີ່ປຸ່ນເພີ່ມການຊ່ວຍເຫຼືອທຸລະກິດທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ເພື່ອບັນເທົາພາວະຖົດຖອຍທາງເສດຖະກິດຂອງປະເທດ.

 ຕາມຂ່າວຕ່າງປະເທດລາຍງານວ່າ ທະນາຄານກາງຍີ່ປຸ່ນ (ບີໂອເຈ) ຂະຫຍາຍໂຄງການສີນເຊື່ອດອກ ເບ້ຍ 0% ໃຫ້ກັບບໍລິສັດຕ່າງໆເປັນ 90 ພັນຕື້ເຢນ ຈາກເດີມ 55 ພັນຕື້ເຢນ ແລະເມື່ອລວມກັບການຊື້ຮຸ້ນກູ້ ຈາກບໍລິສັດຕ່າງໆອີກ ກໍຈະເປັນຈຳນວນເງິນສູງເຖິງ 110 ພັນຕື້ເຢນ, ຊຶ່່ງບີໂອເຈປະກາດຈະຕິດຕາມຜົນກະທົບຂອງໄວຣັດໂຄວິດ-19 ຕໍ່ເສດຖະກິດຕໍ່ໄປຢ່າງໃກ້ຊິດຫຼັງຈາກເສດຖະກິດຂອງຍີ່ປຸ່ນພົບພາວະຖົດຖອຍເປັນເທື່ອທຳອິດນັບຕັ້ງແຕ່ປີ 2015 ໂດຍຈະຍັງບໍ່ປ່ຽນກອບນະໂຍບາຍການເງິນແບບຜ່ອນຄາຍພິເສດທັງການຊື້ ພັນທະບັດລັດຖະບານແບບບໍ່ຈຳກັດ ແລະອັດຕາດອກເບ້ຍຕິດລົບ.

  ຍີ່ປຸ່ນໄດ້ຮັບຜົນກະທົບຈາກໄພພິບັດທາງທຳມະຊາດ ແລະການຂຶ້ນພາສີຜູ້ບໍລິໂພກມາກ່ອນທີ່ຈະເກີດໂລກ ລະບາດທີ່ສົ່ງຜົນກະທົບຕໍ່ເສດຖະກິດໂລກຂະນະທີ່ການໃຊ້ຈ່າຍຂອງຜູ້ບໍລິໂພກຍັງລໍຕົວເຖິງແມ່ນວ່າຍີ່ປຸ່ນຈະມີຈຳນວນຜູ້ຕິດເຊື້ອ ແລະເສຍຊີວິດຈາກການແຜ່ລະບາດເຊື້ອໂຄວິດຄ່ອນຂ້າງຕໍ່າ.

--------

ໜັງສືພິມເສດຖະກິດ-ສັງຄົມ

แชร์