ຫ້ອງເຕັກນິກທະຫານແຂວງສາລະວັນ ສະຫຼຸບຂໍ້ແຂ່ງຂັນ-ຍ້ອງຍໍ

  ໃນວັນທີ 7 ກຸມພາ 2019 ຫ້ອງເຕັກນິກກອງບັນຊາການທະຫານແຂວງສາລະວັນໄດ້ຈັດຕັ້ງພິທີສະຫຼຸບຂໍ້ແຂ່ງຂັນ-ຍ້ອງຍໍ ປະຈຳປີ 2018 ໂດຍການເປັນປະທານຂອງສະຫາຍ ພັນໂທ ຄຳພະໄມ ໄຊພູບານ ຄະນະພັກກອງບັນຊາການທະຫານແຂວງຫົວໜ້າຫ້ອງເຕັກນິກກອງບັນຊາການທະຫານແຂວງ, ມີຄະນະ ພັກ 5 ຫ້ອງອ້ອມຂ້າງ, ມີຫົວໜ້າພະແນກ-ຮອງພະແນກ, ພະນັກງານ-ນັກ ຮົບທົ່ວຫ້ອງເຕັກນິກເຂົ້າຮ່ວມ.

      ສະຫາຍ ພັນໂທ ສຸບັນ ສຸລິຍະໄຊ ເລຂາຄະນະໜ່ວຍພັກຮອງຫ້ອງເຕັກນິກກອງບັນຊາການທະຫານແຂວງໄດ້ຜ່ານບົດສະຫຼຸບຂໍ້ແຂ່ງຂັນ-ຍ້ອງຍໍປະຈຳປີ 2018 ຄະນະບັນຊາຫ້ອງເຕັກນິກໄດ້ເອົາໃຈໃສ່ຊີ້ນຳ-ນຳພາພະນັກງານ-ນັກຮົບປະຕິບັດມະຕິຄຳສັ່ງຂອງຂັ້ນເທິງຢ່າງເຂັ້ມງວດ, ຈັດຕັ້ງລະບົບປະຈຳການທາງດ້ານຈຳນວນພົນ ແລະພາຫະນະຢ່າງຄົບຖ້ວນເພື່ອກຽມພ້ອມເຄື່ອນໄຫວປ້ອງກັນຕາມຈຸດຕ່າງໆເຮັດໃຫ້ສະພາບໃນທົ່ວແຂວງກໍ່ຄືໃນກົມກອງມີຄວາມສະຫງົ ບປອດໄພ100%,ໄດ້ສຶກສາອົບຮົມການເມືອງນຳພາແນວຄິດໃຫ້ພະນັກງານ, ສະມາຊິກພັກ-ນັກຮົບ ໄດ້ຮັບຮູ້ ແລະກຳແໜ້ນຕໍ່ແນວທາງນະໂຍບາຍຂອງພັກ-ລັດໃນໄລຍະໃໝ່, ຮໍ່າຮຽນມູນເຊື້ອອັນດີງາມຂອງຊາດ, ຂອງພັກ ແລະເຄື່ອນໄຫວຕາມພາລະບົດບາດ, ສິດ, ໜ້າທີ່ຂອງຕົນ, ວຽກງານຄຸ້ມຄອງລົດ ແລະອາວຸດ-ລູກກະສູນໄດ້ເອົາໃຈໃສ່ຊີ້ນຳພະນັກງານວິຊາສະເພາະໃຫ້ຮັບຮູ້ເຂົ້າໃຈຕໍ່ຂໍ້ກຳນົດ, ວິທີການນຳໃຊ້ ແລະການປົກປັກຮັກສາ-ບົວລະບັດຜັດເຊັດ ພາຫະນະ ເພື່ອຮັບປະກັນໃຫ້ນຳໃຊ້ໄດ້ຍາວນານ, ນອກນີ້ກໍ່ໄດ້ຊຸກຍູ້ປຸກລະດົມອ້າຍນ້ອງພາຍໃນກົມກອງເອົາໃຈໃສ່ວຽກງານປູກຝັງ-ລ້ຽງສັດຕາມທ່າແຮງບົ່ມຊ້ອນຂອງຫ້ອງເປັນຕົ້ນ: ໄດ້ປູກມັນຕົ້ນໃນເນື້ອທີ່ 3 ເຮັກຕາ ເກັບກູ້ ໄດ້ 24.264 ກິໂລ ເປັນເງິນ 33,97 ລ້ານກີບ, ລ້ຽງປາຂາຍປາ 267 ກິໂລ ເປັນເງິນ 7,79 ລ້ານກີບ, ລ້ຽງງົວ ແລະປູກພືດຜັກທຸກຊະນິດເກັບກູ້ໄດ້ 599 ກິໂລ ຂາຍໄດ້ 3 ລ້ານກວ່າກີບ.

  ນອກນັ້ນໃນພິທີກໍ່ໄດ້ປະດັບຫຼຽນ ແລະມອບໃບຍ້ອງຍໍຂັ້ນຕ່າງໆໃຫ້ພະນັກງານ-ນັກຮົບ ທີ່ມີຜົນງານດີເດັ່ນໃນ 5 ປີ ແລະ 1 ປີ, ໃນນັ້ນໄດ້ຮັບຫຼຽນໄຊອິດ ສະຫຼະຊັ້ນ II ມີ 2 ສະຫາຍ, ຫຼຽນ ໄຊອິດສະຫຼະຊັ້ນ III ມີ 2 ສະຫາຍ, ຫຼຽນໄຊແຮງງານຊັ້ນ II ມີ 2 ສະຫາຍ, ຫຼຽນໄຊແຮງງານຊັ້ນ III ມີ 6 ສະຫາຍ, ຫຼ ຽນກາແຮງງານ 13 ສະຫາຍ, ໃບຍ້ອງຍໍກະຊວງປ້ອງກັນປະເທດ 10 ສະຫາຍ, ໃບຍ້ອງຍໍກົມໃຫຍ່ການເມືອງກອງ ທັບ 4 ສະຫາຍ, ໃບຍ້ອງຍໍເຈົ້າ ແຂວງ 3 ສະຫາຍ ແລະໃບຍ້ອງຍໍກອງບັນຊາການທະຫານແຂວງ 2 ສະຫາຍໂດຍເປັນກຽດຂຶ້ນປະດັບ ແລະມອບຂອງສະຫາຍ ພັນໂທ ຄຳພະໄມ ໄຊພູບານ ຫົວໜ້າຫ້ອງເຕັກນິກກອງບັນຊາການທະຫານແຂວງສາລະວັນ.

แชร์