ພົບຊາກໄດໂນເສົາອາຍຸ 90 ລ້ານປີ

 ນັກວິທະຍາຄົນອາກຊັງຕິນປະກາດຄົ້ນພົບຊາກດຶກດຳບັນ ຫຼື ຟອສຊິນຂອງໄດໂນເສົາສາຍພັນໃໝ່ອາຍຸ 90 ລ້ານປີ ໂດຍຖືກຄົ້ນພົບໃນແຂວງຣິໂອເນໂກຂອງອາກຊັງຕິນ.

 ຕາມຂ່າວຕ່າງປະເທດລາຍງານວ່າ ນັກວິທະຍາຈາກພິພິຕະພັນວິ ທະຍາສາດທຳມະຊາດອາກຊັງຕິນເຊື່ອວ່າ ໄດໂນເສົາມີປີກ ແລະມີຂະໜາດຄ້າຍຄືກັບເວໂລຊີແຣບເຕີ (Velociraptor) ຕົວນີ້ອາດເປັນກະແຈສຳຄັນທີ່ຈະນໍາໄປສູ່ການເຂົ້າເຖິງວິວັດທະນາການຂອງນົກ, ຊາກໄດ ໂນເສົາດັ່ງກ່າວມີຄວາມຍາວໜ້ອຍກວ່າ 1 ແມັດເຄິ່ງ ເປັນສາຍພັນໃໝ່ ຂອງໄດໂນເສົາກຸ່ມເທີໂຣພອດພາຣາວິສ (Paraves) ຄືໄດໂນເສົາທີ່ມີ ວິວັດທະນາການໄປທາງນົກ ແລະກິນຊີ້ນເປັນອາຫານ ໂດຍໄດໂນເສົາ ຕົວນີ້ໄດ້ຮັບການຕັ້ງຊື່ວ່າ Overoraptor chimentoi ມັນກ່ຽວຂ້ອງ ກັບສາຍພັນອື່ນທີ່ພົບໃນໄລຍະທາງຫຼາຍກວ່າ 10 ພັນກິໂລແມັດ ໃນມາ ດາກັດສະກາໄດໂນເສົາໂຕນີ້ມີເລັບຄົມເທີງນີ້ວຊີ້ຂອງຕີນ ໂດຍໃຊ້ເພື່ອ ໂຈມຕີເຫຍື່ອ ແລະມີຂາຍາວງາມສະງ່າບົ່ງບອກວ່າມັນສາມາດແລ່ນໄດ້ຢ່າງວ່ອງໄວ.

  ແຕ່ສິ່ງທີ່ນັກວິທະຍາປະຫຼາດໃຈກໍຄືການພົບວ່າ ໃນຂະນະທີ່ຂາຂອງ ໄດໂນເສົາໂຕນີ້ມີຄວາມຄ້າຍຄືກັບໄດໂນເສົາຕະກຸນແຣ໊ບເຕີ (Raptor)ແຕ່ວ່າຂາຂອງມັນກັບຍາວ ແລະແຂງແຮງເໝືອນກັບນົກໃນປະຈຸບັນ.

--------

ໜັງສືພິມເສດຸະກິດ-ສັງຄົມ

แชร์