ຈີນ ອະນຸມັດໂຄງການລົງທຶນມູນຄ່າ 18 ຕື້ໂດລາ

         ລັດຖະບານ ສປ ຈີນ ອະນຸມັດໂຄງການລົງທຶນມູນຄ່າລວມ 18  ຕື້ໂດລາສະຫະລັດ ໃນເດືອນ ພຶດສະພາທີ່ຜ່ານມາ.

  ຕາມຂ່າວຊິນຮວາ ລາຍງານ ວ່າ ຄະນະກຳມາທິການພັດທະນາ ແລະປະຕິຮູບແຫ່ງຊາດຂອງຈີນ (NDRC) ໄດ້ອະນຸມັດໂຄງການລົງທຶນຊັບສິນຖາວອນທັງໝົດ7 ໂຄງການເປັນຈຳນວນເງິນລວມ ກັນ 1,29 ຮ້ອຍຕື້ຢວນ (ປະມານ 18,35 ຕື້ໂດລາ) ໃນເດືອນພຶດສະພາທີ່ຜ່ານມາ, ທ່ານ ນາງ ເມິ່ງ ເຫວີ ເຈົ້າໜ້າທີ່ NDRC ເປີດເຜີຍວ່າ ຈະເລັ່ງດຳເນີນງານໃນແຜນການລົງທຶນພາຍໃນງົບປະມານນີ້ ເພື່ອຍົກລະດັບການລົງທຶນທີ່ມີປະສິດທິພາບ, ຊຶ່ງ ການລົງທຶນຊັບສິນຖາວອນໝາຍເຖິງການລົງທຶນໃນໂຄງສ້າງພື້ນຖານ, ອະສັງຫາລິມະຊັບ, ເຄື່ອງຈັກ ແລະ ສິນຊັບທາງກາຍະພາບອື່ນໆ.

 ຂໍ້ມູນຈາກ NDRC ລະບຸວ່າ ການລົງທຶນໃນຊັບສິນຖາວອນຂອງຈີນປັບຕົວຫຼຸດລົງ 6,3% ເມື່ອທຽບລາຍປີຈຸລະດັບ 19,92 ພັນຕື້ຢວນໃນໄລຍະ 5 ເດືອນທຳອິດຂອງປີນີ້ຫຼຸດລົງ 4% ຈາກໄລຍະເດືອນມັງກອນ ເຖິງເດືອນເມສາ.

--------

ໜັງສືພິມເສດຖະກິດ-ສັງຄົມ

แชร์