ສິງກະໂປ ຈະທົດລອງວັກແຊງກັນໂຄວິດກັບຄົນ

  ຄະນະນັກວິທະຍາສາດສິງກະໂປກຳລັງທົດລອງວັກແຊງປ້ອງກັນເຊື້ອພະຍາດໂຄວິດ-19 ຂອງບໍລິສັດອາເມລິກາ ກຽມການເຮັດການທົດລອງທາງຄລິນິກກັບຄົນໃນເດືອນສິງຫາ ຫຼັງຈາກທົດລອງກັບໜູໄດ້ຜົນຕອບແທນເບື້ອງຕົ້ນທີ່ໜ້າພໍໃຈ.

 ຕາມຂ່າວຕ່າງປະເທດລາຍງານວ່າ ທົ່ວໂລກກຳລັງພັດທະນາວັກແຊງປ້ອງກັນເຊື້ອໂຄວິດ-19 ຫຼາຍຊະນິດ ບາງຊະນິດເລີ່ມທົດລອງທາງຄລິນິກແລ້ວເພື່ອຫາທາງຄວບຄຸມພະຍາດທີ່ມີຄົນເຈັບສະສົມແລ້ວ 8 ລ້ານຄົນ ແລະເສຍຊີວິດຫຼາຍກວ່າ 430.000 ຄົນ ຊຶ່ງວັກແຊງທີ່ຄະນະແພດດຸກ-ເອັນຢູເອສໃນສິງກະໂປກຳລັງທົດລອງເປັນການສຶກສາການໃຊ້ເທ ກະນິກເອັມອາເອັນເອ (mRNA) ສັ່ງໃຫ້ເຊລມະນຸດສ້າງໂປຕິນໄວຣັດ ໂຄວິດຂຶ້ນມາເປັນພິເສດເພື່ອສ້າງພູມຕ້ານທານໄວຣັດເປັນການເຮັດຊໍ້າ ແລະກະຕຸ້ນການສ້າງພູມຄຸ້ມກັນທີ່ມີຄວາມສົມດຸນທັງໃນດ້ານຂອງການສ້າງພູມຄຸ້ມກັນຫຼືແອນຕິບໍດີ ແລະເຊລເມັດເລືອດຂາວແອນຕິບໍດີຈະເຂົ້າຈັບໄວຣັດ ແລະຢັບຢັ້ງບໍ່ໃຫ້ຕິດເຊື້ອເຊລຂະນະທີ່ເຊລເມັດເລືອດຂາວຈະຄົ້ນຫາເຊລຕິດເຊື້ອແລ້ວທຳລາຍ ໂດຍສິງກະໂປຈະເລີ່ມທົດລອງວັກແຊງທາງຄລິນິກໃນເດືອນສິງຫາ ແລະຕ້ອງໃຊ້ເວລາສຶກສາໃຫ້ດົນເພື່ອຄວາມປອດໄພຄາດວ່າຈະມີວັກແຊງໃຊ້ພາຍໃນປີໜ້າ.

 ຄະນະນັກວິໄຈຊຸດນີ້ ຍັງກຳລັງທົດລອງການໃຊ້ໂມໂນໂຄລນອລແອນ ຕິບໍດີປິ່ນປົວໂຄວິດ-19 ອີກດ້ວຍ ໂດຍຈະເລີ່ມທົດລອງກັບອາສາສະໝັກສຸຂະພາບແຂງແຮງໃນອາທິດນີ້ ແລະທົດລອງກັບຄົນເຈັບອີກຫຼາຍເດືອນຕໍ່ໜ້າຄາດວາຈະພັດທະນາຢາປິ່ນປົວໄດ້ໄວກວ່າວັກແຊງ.

-------

ໜັງສືພິມເສດຖະກິດ-ສັງຄົມ

แชร์