ຫຼວງນໍ້າທາເຊື່ອມຊຶມມະຕິກອງປະຊຸມຄົບຄະນະ ບໍລິຫານງານສູນກາງພັກ

ເມື່ອວັນທີ 7 ກຸມພາ 2019 ຢູ່ທີ່ສະໂມສອນແຂວງຫຼວງນໍ້າທາໄດ້ຈັດກອງປະຊຸມເຊື່ອມຊຶມມະຕິກອງປະຊຸມຄົບຄະນະບໍລິ ຫານງານສູນກາງພັກຄັ້ງທີ VII ສະໄໝທີ X ໃຫ້ພະນັກງານຫຼັກແຫຼ່ງແຂວງໂດຍການເຜີຍແຜ່ຂອງ ທ່ານ ເພັດຖາວອນ ພິລາວັນ ກຳມະການສູນກາງພັກເລຂາພັກແຂວງເຈົ້າແຂວງໆຫຼວງນ້ຳທາເຂົ້າຮ່ວມມີກຳມະການປະຈຳພັກແຂວງ, ກຳມະການພັກແຂວງຫົວໜ້າ-ຮອງຫົວໜ້າພະແນກການອ້ອມຂ້າງແຂວງພ້ອມດ້ວຍພະນັກງານ-ລັດຖະກອນທີ່ກ່ຽວຂ້ອງເຂົ້າຮ່ວມ.

  ໂອກາດດັ່ງກ່າວ ທ່ານ ເພັດຖາວອນ ພິລາວັນ ໄດ້ໃຫ້ກຽດເຜີຍແຜ່ມະຕິກອງປະຊຸມຄົບຄະນະຄັ້ງ ທີ VII ສະໄໝທີ X, ມະຕິຂອງຄະນະບໍລິຫານງານສູນກາງພັກເລກ ທີ 057/ຄບສພ ລົງວັນທີ 19 ທັນ ວາ 2018 ວ່າດ້ວຍການເພີ່ມທະວີການນໍາພາແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ ແລະມະຕິຂອງຄະນະບໍລິຫານງານສູນກາງພັກສະໄໝທີ X ເລກທີ 056/ຄບສພ ລົງວັນທີ 19 ທັນວາ 2018 ວ່າດ້ວຍການປັບປຸງຮາກຖານການເມືອງຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມແຂງ ແລະ ໜັກແໜ້ນ.

  ກອງປະຊຸມຄັ້ງນີ້ໄດ້ຄົ້ນຄວ້າປຶກສາຫາບາງບັນຫາທີ່ສຳຄັນໃນຂົງເຂດເສດຖະກິດ-ການເງິນ ເວົ້າລວມເວົ້າສະເພາະແຜນພັດທະນາເສດຖະກິດສັງຄົມ, ແຜນງົບປະມານແຫ່ງລັດ ແລະແຜນເງິນຕາປີ 2018 ທິດທາງແຜນການ 2019 ຄົ້ນຄວ້າຕີລາຄາສະພາບການຈັດຕັ້ງປະຕິບັດວຽກງານຮາກຖານການເມືອງໃນໄລຍະ ຜ່ານມາ ແລະທິດທາງວຽກງານໃນຊຸມປີຕໍ່ໜ້າ ເພື່ອເປັນກຳລັງແຮງຂອງການປະຕິວັດ ແລະກໍ່ສ້າງປັບປຸງຮາກຖານການເມືອງທີ່ຕິດພັນກັບການພັດ ທະນາຊົນນະບົດ ແລະລົບລ້າງຄວາມທຸກຍາກຂອງປະຊາຊົນທັງເປັນມາດຕະການໃນການຈັດຕັ້ງປະຕິບັດແນວທາງ, ແຜນນະໂຍບາຍ, ກົດໝາຍ ແລະ ລະ ບຽບການຂອງລັດສ້າງຄວາມເຂັ້ມແຂງໃຫ້ແກ່ ລະບອບປະຊາທິປະໄຕ ປະຊາຊົນ ໃຫ້ກວ້າງຂວາງເລິກເຊິ່ງພ້ອມທັງຊີ້ນຳຢ່າງໃກ້ສິດຕໍ່ກັບບັນດາອົງການຂອງລັດໃຫ້ສອດຄ່ອງກັບທິດທາງທີ່ວາງອອກໃນກອງປະຊຸມຄັ້ງນີ້ໃຫ້ເປັນລະບົບຮັດກຸມພ້ອມທັງຈັດຕັ້ງປະຕິບັດຢ່າງເຂັ້ມງວດ ແລະມີປະສິດທິຜົນ. 

แชร์